سنة ثالثة

مشاركات: 11439
اشترك في: الخميس إبريل 04, 2013 10:28 pm

سنة ثالثة

مشاركةبواسطة دكتور كمال سيد » الجمعة مارس 04, 2016 11:51 am

بسم الله الرحمن الرحيم


منقول من مناهج الجامعات المصرية


سنة ثالثة...رعب طلبة الطب في كل الجامعات...سمعتها سابقاها من ساعة ما بندخل سنة أولى...بالنسبالي الحمد لله عدت على خير...لكن في حاجات كتير لو كنت عرفتها قبل ما تبدأ كانت أمور كتير اتغيرت و كان خف كتير من الضغط اللي عانيت منه و كتير من زمايلي ...


المقال ده عبارة عن مقدمة وشرح مبسط للمواد اللي حتدرسوها إن شاء الله و خلاصة خبرتي المتواضعة


اتمنى انها تفيدكم وتبسط الأمور...ولو شوية صغيرين...




سنة اولى وتانية اتعلمنا فيهم طبيعة جسم الإنسان...تركيبة اعضاؤه و انسجته و العمليات الحيوية اللي بتدور فيه ووظيفة كل جزء منه...دي مرحلة و انتهت


في سنة تالتة بنبدأ مرحلة جديدة نتعرف فيها على عكس كل ده...على الغير طبيعي...ايه الامراض اللي ممكن تصيب الجسم...ايه اسبابها...و ايه طرق علاجها...


وخلوا بالكم كويس...سنة تالتة بيعتمد عليها الكلينيكال بشكل كبير...فلازم تدوها اهتمام خاص مش بس عشان هي سنة صعبة و عليها درجات كتير...عشان كمان لو استفدتوا منها حتسهلكم لحد كبير الدراسة في رابعة وخامسة وساتة...



بندرس في سنة تالتة 4 مواد هم:

1.باثولوجى : علم الأمراض

2.فارماكولوجي:علم الأدوية

3.ميكروبيولوجي و اميونولوجي:علم الأحياء الصغرى و المناعة

4.بارازيتولوجي:علم الطفيليات.




نبدأ بالباثولوجي

Pathology.1.
هي مادة شبيهة جدا بالفسيولوجي .فاللي كان مذاكر فسيولوجي كويس مش حيلاقي صعوبة فيها إن شاء الله...
موضوعها الأساسي هو الأمراض و بتهتم بعدة نقاط رئيسية
Definition
تعريف المرض ..ودايما بيبقى التعريف محدد وواضح ومفيش اختلاف عليه..و التعريفات دي مهمة جدا فلو حفظت التعريف كويس تقدر تستنتج نقط كتير من اللي حنتكلم عنها بعد كدة فمش حتبقى مضطر تحفظ كل حاجة كمان التعريفات بتكون مهمة جدا. في الامتحانات عندنا في جامعة اسكندرية بييجي سؤال تعريفات في امتحان اعمال السنة بيطلب 10 تعريفات..ده غير امتحانات اخر السنة التحريري و الشفوى..
باختصار معرفتك بالتعريف مسئول عن الانطباع الاول عن اجابتك لو مش عارف التعريف مفيش حاجة حتشفعلك عند الممتحن او المصحح
Etiology
سبب المرض يعنى ايه اللي خلى المرض ده يحصل ممكن مثلا يكون فيرس او بكتريا او مناعة ذاتية او خلل جيني او غيرها من الاسباب
Pathogenesis
يعني الميكانيزم اللي بيحصل بيها المرض و دي نقطة في غاية الاهمية لانها بتحدد الخلل اللي حصل
وخطوات تطور المرض وبالتالي بيترتب عليها حاجات كتير زي مدى الخطورة و مصير المريض و المضاعفات و كيفية العلاج.
Morphology
يعني شكل العضو المريض ايه او التأثير في الشكل اللي بيعمله الخلل الوظيفي ودي بتنقسم لجزئين
Gross Pathology or Macroscopic picture or Naked Eye appearance
كل الكلام ده له معنى واحد و هو النظر بالعين المجرده .ممكن مثلا التغير يكون كبر او صغر في الحجم ,تغير في اللون,تغير في الملمس,لو اخدنا قطاع في العضو ده حنشوف ايه..إلخ زي ما كنا بنوصف الاعضاء في التشريح كدة....ده الشق الأول من التغيرات الشكلية الجزء التاني بقى
Histopathology or microscopic picture

و ده معناه التغيرات اللي بنلاحظها عن طريق النظر في الميكروسكوب...يعنى ايه اللي لاقيناه مختلف عن الهستولوجي الطبيعى اللي درسناه...



Symptoms

أعراض المرض زي ما المريض بيقولها يعني الشكوى على لسان المريض




Signs

ملاحظات الطبيب يعني العلامات الحيوية من ضغط و نبض تورم او اصفرار و غيره




Prognosis

يعني مصير المريض بيكون ايه سواء كويس او سئ




Complication

يعني الامراض الجديدة اللي بتصيب المريض خلال او بعد فترة المرض




و دي النقط الاساسية اللي بيتكلم عنها علم الباثولوجي طبعا في حاجات بتضاف على امراض معينة لكن بلاش تعقيد و خلينا في الاساسيات...في البداية بيتم تدريس موضوعات عامة زي التعريفات الاساسية اللي احنا اتكلمنا عنها و الالتهاب,الاورام,الأمراض المناعية,الأمراض المعدية وغيرها...احب انوه ان التركيز و مذاكرة الجنرال اول باول بذمة شئ مهم جدا جدا جدا لإنه بيعتمد عليه كل السيستمك اللي حيكون صعب جدا للي اهمل الجنرال و حيكون في منتهى السهولة للي ذاكره كويس...

بعد ما نخلص الجنرال بندرس السيستمك اللي بيهتم بكل جهاز من اجهزة الجسم و امراضه على حدا و فيه بيتم تكرار كتير من الموضوعات اللي تم دراستها في الجنرال...وقد أعذر من أنذر




ملاحظات:

* مادة الباثولوجي اكتر مادة فيها سكاشن لان في سكاشن للهيستوباثولوجي و اخرى للجروس الاهتمام بحضور السكاشن و التركيز فيها حيوفر عليك مذاكرة المورفولوجي في النظري و حيساعدك في الحصول على اعلى الدرجات في امتحانات العملي يعنى حتكون ضربت عصفورين بحجر.سنة تالتة الوقت فيها محدود فإحنا محتاجين لأي حاجة توفرلنا وقت...ويمكن ناس تقول كبر دماغك السكاشن دي مضيعة للوقت ...لكن صدقوني حضور السكاشن شئ مهم جدا على الاقل مش حتضطر تروح الكلية كذا مرة عشان تشوف العينات في اخر السنة و تلاقي وقت تذاكر فيه النظري.




* أهم الموضوعات في الباثولوجي واللي بييجي فيها جزء كبير في الامتحان سواء النظري او الشفوى او حتى العملى: الأورام...الاورام موضوع غاية في الاهمية و من اكتر الموضوعات اللي لازم نركز عليها و نهتم بمذاكرتها اول باول.




متهيألي كدة تكون الباثولوجي اخدت حقها معانا...يا رب يكون الكلام ده فادكم...المرة الجاية إن شاء الله نتكلم على الميكروبيولوجي ...

تمنياتي للجميع بالتفوق
صورة

مشاركات: 11439
اشترك في: الخميس إبريل 04, 2013 10:28 pm

Re: سنة ثالثة

مشاركةبواسطة دكتور كمال سيد » الجمعة مارس 04, 2016 11:52 am

مادة الميكروبيولوجي:
الموضوع الأساسي للمادة دي البكتريا و الفيروسات و الفطريات و المناعة
وقبل دراسة كل حاجة فيهم برضه بيكون في جزء جنرال بيشرح الخصائص العامة لكل فئة فيهم و اللي بيتم تطبيقه بعد كدة على كل بكتريا او فيرس او فطر بندرسه...
نبدأ بالمناعة:
Immunology
و ده جزء مهم بيدرس وسائل الدفاع المختلفة اللي بيستخدمها الجسم في الدفاع عن نفسه و ايه انواع الخلل اللي ممكن تصيب الجهاز المناعي ده سمات كل واحد ايه و بيؤدي إلى إيه...
طبعا كل الكلام ده حتاخدوه بالتفصيل لكن اللي احب اركز عليه هنا ان المناعة قاسم مشترك تقريبا في كل المواد اللي بندرسها...يعنى موجودة في الجنرال باثولوجي و الميكروبيولوجى و في جزء الحساسية في الفارماكولوجي و نبذة في التشخيص المعملي في الطفيليات...طبعا التركيز عليها بيكون اكبر في الباثولوجى و الميكروبيولوجي...وده بيشكل ميزة و عيب في نفس الوقت...ليه لانك ممكن تفتكر انك مش حتضطر تذاكرها غير مرة واحدة لكل المواد...لكن للاسف كل مادة بيتم فيها طرح الموضوع بطريقة مختلفة و ساعات حتى بيكون في تضارب في المعلومات و ده اللي بيخلي موضوع المناعة ده من اغلس الموضوعات على قلب طالب ثالثة ...كمان لانه موضوع دسم ومليان بالتفاصيل الصغيرة...عشان نتغلب عالمشكلة دي قدامنا حل من حلين...يإمة من الاول تقرا جزء المناعة في المادتين و تقرر اي واحد منهم بتفهمه اكتر و ده يكون المصدر الاساسي لمذاكرتك للمناعة و تعمل مثلا ورقة صغيرة فيها الاضافات اللي مطلوبة في المادة التانية ...يإمة لو الاتنين مش عاجبينك تعمل ملخص بنفسك لموضوع المناعة تكتب فيه الاول كل الحاجات المشتركة في الموضوع ده بين المادتين و في الاخر جزء خاص بكل مادة فيه الحاجات الزيادة الخاصة بيها...
انا عارفة ان الموضوع مكلكع شوية لكن دي افضل طريقة للتعامل معاه بدل ما نفضل نشتكي منه لحد الامتحانات.
البكتريولوجي
Bacteriology
وده زي ما قلنا بيدرس البكتريا...في الاول بندرس الخصائص العامة للبكتريا و انواعهم ...البكتريا دي بتتكون من ايه..ايه العمليات الحيوية اللي بتحصل جواها..المادة الوراثية بتاعتها بتتكون من ايه وازاي استخدمناها في الهندسة الوراثية..والمضادات الحيوية..انواعها ايه و بتشتغل ازاي و ازاي البكتريا بتطور مقاومة ضدها و ازاي نمنع المقاومة دي...عايزة اقوللكم ان من الطبيعي جدا ان اول ما تبدأوا البكتريولوجي تجسوا بتعقيد و انكم مش فاهمين حاجة..لكن بعد كدة مع دراسة السيستمك و دراسة المضادات الحيوية في الفارما الموضوع حيبقى اسهل ان شاء الله...خصوصا ان مفيش تناقض بين الفارما والميكرو في الجزء ده..
السيستمك بقى بيقسم البكتريا لمجموعات مشتركة في صفات معينة لكن كل عضو من المجموعة ليه صفات تميزه عن باقي افراده.
النقاط المشتركة في دراسة كل بكتريا:
Morphology
شكلها عامل ازاي ممكن مثلا تكون مكورة او عصوية ..مرتبة على هيئة سبحة او عنقود عنب ...بتحيط بيها غلاف ولا لا... و غيره... كمان في حاجة اساسية بنقسم على اساسها كل البكتريا وهي قابليتها للصبغة المعروفة باسم جرام ودي الصبغة الاساسية في البكتريولوجي في صبغات خاصة لكل بكتريا بتذكر في حينها.
Cultural characters
يعنى ايه الظروف المثالية لنموها...و لما بنتكلم عن نمو البكتريا بنقصد نموها في اطباق خاصة على وسط خاص..الظروف دي مثلا بتنمو افضل في وجود اكسجين ولا ثاني اكسيد الكربون ولا من غير هوا...ايه درجة الحرارة المثالية لنموها..ايه الوسط المثالي...
كمان النقطة دي بتهتم بشكل المستعمرات اللي بتعملها البكتريا دي لو شفناها بمجرد النظر..لان دي من الحاجات اللي بتساعدنا في تشخيص البكتريا.
Resistance to physical and chemical agents
يعني تأثير عوامل زي الحرارة والرطوبة والغليان و المواد الكيميائية عليها
Biochemical reaction
التفاعلات اللي بتعملها البكتريا دي ايه..تفاعلات شبيهة باللي كنا بناخدها في البيوكمستري لكن اسهل و مختلفة عنها و دي كمان بتساعد في التشخيص
Antigenic structure
يعني ببساطة ايه الاشياء الموجودة في تركيب البكتريا دي واللي بتثير جهاز المناعة عند الانسان في حال تعرضه لها
Virulence factors
العوامل اللي بتخلي البكتريا دي تسبب الامراض و دي بتنقسم ل
سموم:Toxins
انزيمات:enzymes
Clinical findings
يعني ايه الامراض اللي ممكن تسببها واعراضها ايه
Epidemiology
اذا كانت بتسبب وباء
Lab diagnosis
التشخيص المعملي و ده شئ مهم جدا بنتعلم فيه ايه العينة المناسبة لكل بكتريا و ازاي نشخصها عن طريق الميكروسكوب و شكل المزرعة و التفاعلات الخاصة بالبكتريا و غيره
Treatment
بتستجيب لاي نوع من المضادات الحيوية
وكتير من النقط دي بنهتم بيها في دراسة الفيروسات و الفطريات مع الاختلاف طبعا بس انا حبيت نشرح البكتريولوجي بالتفصيل عشان ده اكبر جزء.
ملاحظات:


1-لان مادة الميكرو بتدرس السيستمك بتاعها على اساس تقسيمة خاصة بالبكتريا و الفيروسات و الفطريات و مش حسب اجهزة الجسم زي ما شفنا في الباثولوجي ولان نفس النقط بتتكرر في كل درس من الطبيعي جدا ان كله يدخل على بعضه...بس ممكن نستغل الموضوع ده لصالحنا باننا نذاكر الخصائص العامة لكل مجموعة و نعرف ايه المختلف بين كل بكتريا والتانية...ايه الاشياء اللي بتنفرد بيها...ولو اتعمل الموضوع ده على شكل جداول حيبقى احسن و حيثبت اكتر.


2- مادة الميكرو من اكتر المواد اللي مينفعش تتذاكر مرة و تتساب لمراجعة اخر السنة...لازم يتم مراجعتها باستمرار عشان تثبت و متتنساش.
3-التشخيص المعملي متشابه جدا و ده بيخلي كل الطلبة بتشتكي منه..ده ممكن يقل بالالتزام بحضور السكاشن و الحرص على حفظ شكل الاطباق كويس و الفروق بينها ايه و الوسط المستخدم و كمان الحرص على ابراز الفروقات الاساسية مع الالمام بالخصائص العامة و التسلسل الطبيعى للتشخيص اللي ممكن يكون صعب شوية في الاول بس بيتحفظ مع التكرار.

الخلاصة مفتاح التفوق في مادة الميكرو التكرار و المراجعة و الالمام بالخصائص العامة والفروقات اللي بتميز كل حاجة عن التانية.
يارب تكونوا استفدتم من الكلام ده و صدقوني لو اقتنعتم انكم ممكن تنجحوا و تتفوقوا و مسمعتوش الكلام المحبط اللي دايما بيتقال باذن الله ربنا مش حيضيع تعبكم ابدا...
الى اللقاء في الحلقة القادمة مع مادة البارازيتولوجي.
صورة

مشاركات: 11439
اشترك في: الخميس إبريل 04, 2013 10:28 pm

Re: سنة ثالثة

مشاركةبواسطة دكتور كمال سيد » الجمعة مارس 04, 2016 11:53 am

نبدأ مادة البارازيتلوجي أو الطفيليات..
المادة دي بتتكون من 3 أقسام رئيسية:
1-الديدان:Helminthology
2-أوليات الخلية:Protozoa
3- الحشرات: Entomology
جزء الديدان هو أكبرو أهم جزء...و طبعا اخنا مش بندرس كل الديدان و الحشرات ..احنا بندرس بس الطفيليات اللي بتسبب أمراض أو اللي الإنسان موجود في دورة حياتها...وفي أي جزء من الأجزاء التلاتة دول بندرس عائلات لها خصائص عامة و وبعد كدة بندرس امثلة على كل عائلة
أهم النقط اللي بندرسها في مادة الطفيليات:-
Geographical Distribution* التوزيع الجغرافي
في معظم الدروس اللي حندرسها كل طفيل بيكون موجود في أماكن معينة وبظروف معينة...طبعا حتقولوا ايه الغلاسة دي بقى احنا داخلين طب عشان ناخد جغرافيا...انا قلت زيكم كدة برضه لكن بعد كدة عرفت ان التوزيع الجغرافي ده مهم جدا...عشان مثلا لو حد مسافر دولة معينة يكون عارف ايه اشهر الطفيليات الموجودة فيها وياخد الاحتياطات المناسبة سواء تطعيم أو غيره وساعات عدم الانتباه للنقطة دي بيسبب ان ناس تصاب بامراض كان ممكن الوقاية منها و عدم الوقاية أدى الى وفاتهم و ده حصل كتير جدا...التوزيع الجغرافي كمان بيشكل مفتاح مهم جدا في المسائل اللي ممكن تجيلك في الامتحان و بيكون عامل مهم في التشخيص السليم مثلا لو قاللك ان المريض ده كان في الفيوم و انت مذاكر التوزيع الجغرافي على طول حييجي في بالك نوع من الملاريا اسمه فالسيبرم بيؤدي لأعراض معينة وله علاج معين و باقي المعلومات الموجودة في المسألة حتأكدلك التشخيص ده شفت بقى قد ايه التوزيع الجغرافي مهم..
Habitat* الموطن
وده بقى المكان اللي بيعيش فيه الطفيل داخل الكائن المتطفل عليه سواء كان انسان او خنزير او كلب او غيره ...و المكان ده ممكن يكون على الجلد زي القمل مثلا او داخل الجسم في اي تجويف او نسيج...
Morphology* الشكل
اهم شئ هو الأشياء المميزة لكل طفيل واللي بتعرفه منها في العملي و على فكرة في العملي بتكتب نقطتين بس للتشخيص مش شرح زي الباثولوجي...هنا وصف الشكل لازم يشمل كل الاطوار اللي بيمر بيها الطفيل..ذكر أنثى والبيض الناضج وغير الناضج و اليرقة في حالة الديدان والحشرات...الخلية المحوصلة وغير المحوصلة في اوليات الخلية ...اطوار الملاريا...و غيره...
Life cycle & methods of infection*
دورة الحياة و طرق العدوى...و دي اهم حاجة لازم نكون عارفينها كويس لأن منها حنعرف حاجات كتير تانية...
ومن اهم الحاجات اللي بتسهللنا حفظ دورة الحياة معرفة نقطتين اساسيتين
Definitive host & Intermediate host
يعني المضيف الأساسي و المضيف المتوسط للطفيل ده...المضيف الأساسي هو اللي بيحصل جواه التكاثر الجنسي للطفيل و المضيف المتوسط بيحصل فيه التكاثر اللاجنسي...مهم جدا انك تميز النقطتين دول في كل طفيل بيقابلك لأن دول اللي بيفكروك دورة الحياة ماشية ازاي ولما تعرف دورة الحياة كويس بتقدر لوحدك تستنتج طرق العدوى و طرق الوقاية والتحكم في الطفيل ده والحد من انتشاره ازاي..
Pathogenesis * كيف يسبب الطفيل مرض للمضيف
وكل طفيل بيكون ليه طريقته الخاصة ومعرفتك لمكان استقرار الطفيل ده داخل الجسم و لدورة حياته بيفكرك هو بيعمل ايه بالضبط في الجسم يخليه مريض
Incubation Period*
فترة حضانة المرض...و دي الفترة بين الاصابة بالعدوى وظهور الاعراض
Clinical picture*
أعراض المرض خلال مراحل نمو الطفيل المختلفة
Diagnosis*
كيفية تشخيص المرض ...كل طفيل بيون ليه اختبارات محددة لتشخيصه بناء على مكان وجوده في الجسم و الخصائص اللي بتميزه عن غيره من الطفيليات و في اخر السنة بتاخدوا محاضرة تجميعات لكل طرق التشخيص بتكون مفيدة جدا و في كمان عرض باوربوينت حلو جدا ليها على موقع الكلية..
Treatment*
العلاج وللأسف معظم الأوقات بتكون الجرعة مطلوبة لكن في طريقة سهلة نوعا ما لحفظ الادوية و الجرعات بحفظ كل الطفيليات اللي بتتعالج بدوا واحد مع حفظ الفروقات في الجرعات و كل سنة القسم بيحدد اذا كانت الجرعات مطلوبة أو لأ...لكن عالعموم في أدوية معينة لازم تاخدوا بالكم منها لان السؤال فيها وارد...اهمهم الملاريا طبعا و التكسوبلازما و الفيلاريا و التريبانوسوما و ربنا يعينكم...
Prevention & Control*
كيفية الوقاية...زي ما قلت معرفة دورة الحياة بتسهل استنتاج النقط دي...لكن أهم طفيليات لازم نركز فيها على الوقاية طرق التحكم في الناموس و القواقع المضيفة للبلهارسيا دول لازم تذاكروهم كويس لان ممكن جدا ييجو سؤال كامل في الامتحان..
ملاحظات:-
كتير من الطلبة بتهمل مادة الطفيليات وتهمل حضور السكاشن عشان عليها اقل درجات...لكن عايزة اقوللكم ان كتير من اللي بيعملوا كدة ممكن يجيبوا تقديرات عالية جدا في كل المواد ويسقطوا في البارا...البارا مادة سهلة بس لازم تديها حقها مينفعش تذاكرها الايام اللي قبل الامتحان وتتوقع انك حتنجح...حضور السكاشن والسمنار اللي بيكون قبل العملي بيديك فكرة كويسة عن نوعية الاسئلة اللي ممكن تيجي في الامتحان..و حصل قبل كدة ان جت مسئلة بالنص في الامتحان كانت مشروحة في السمنار...دي نصيحة و ليكم حرية الاختيار...
من اهم المواضيع اللي لازم تكونوا حافظينها عن ظهر قلب و انتوا داخلين الامتحان اوليات الخلية الموجودة في الدم واهمها الملاريا و التكسوبلازما وطبعا البلهارسيا و الحاجات الموجودة في مصر لإن دي اللي بيكون التركيز عليها جامد...طبعا ده مش معناه ان الباقي مش مهم...عايزة اقولكم ان امتحان السنة اللي فاتت كان شامل كل المنهج لأنه كان عبارة عن أسئلة كتير صغيرة لكن الملاريا بالذات لانها كبيرة جدا احتمال وجود أسئلة فيها كبير والسنة اللي فاتت جه سؤال كبير نوعا ما على علاج الملاريا...
مادة البارا من المواد اللي حيساعك فيها جدا حاجتين المقارنات بين الحاجات المتشابهة و التجميعات...التجميعات مثلا ان لازم تكون عارف ايه كل الطفيليات اللي بتنتقل عن طريق الكلاب و عن طريق القطط والخنازير والفئران...ايه بينقل عن طريق الناموس و التربة...ايه اللي بيصيب العين او الجهاز الهضمي...و عيشوا بقى في التجميعات دي...في منها بيبقى موجود عند المكتبات و التيار و الاتحاد وممكن و من الافضل انك تعملهم بنفسك...كمان تجميعات الادوية بتكون مفيدة جدا في حفظها لكن لو حسيت انها بتلخبطك بلاش منها احسن..
متهيالي كدة نكون غطينا مادة الطفيليات يا رب تكونوا حبتوها...
صورة

مشاركات: 11439
اشترك في: الخميس إبريل 04, 2013 10:28 pm

Re: سنة ثالثة

مشاركةبواسطة دكتور كمال سيد » الجمعة مارس 04, 2016 11:54 am

نيجي بقى للمادة إللي كلكم منتظرينها بفارغ الصبر و اللي ربنا يعينا على تقديم فكرة واضحة عنها و يعينكم على مذاكرتها..ألا وهي مادة الفارماكولوجي...عايزاكم الأول تكونوا بعض الأفكار الإيجابية عن المادة علشان تعرفوا تذاكروها....
فاكرين مادة البيوكمستري؟...فاكرين كنا مرعوبين منها ازاي؟...وادينا نجحنا فيها الحمد لله و عدت...زي ما إن شاء الله حتعدي الفارما...لازم تفتكروا دايما إن حدود الإنسان هي اللي بيحطها لنفسه...
مادة الفارما مادة جامدة..ومهمة وعليها درجات كتير..300 درجة..يعني قد درجات البارا مرتين..بس بغض النظر عن كل ده...هي مادة مهمة لينا كمشروع أطباء...حيتخرجوا ويوصفوا ادوية لناس حقيقية مش عالورق...لازم نفكر في الناس دي وإحنا بنذاكر...مادة الفارما مادة متفردة عن باقي المواد...لإن الموضوع الأساسي في دراستها وهو الأدوية مبندرسهوش في أي مادة تانيةفي سنة تالتة فيما عدا استثناءات بسيطة زي أدوية الطفيليات و دي اتلغت أساسا من منهج الفارما السنة اللي فاتت..يعني الفارما في كفة وباقي المواد في كفة تانية...
وعشان نطمنكم ..رئيسة القسم وعدتنا في آخر السنة اللي فاتت..وأوصتنا اننا ننقل الوعد ده لطلبة سنة تالتة 2007 إن حيحصل تحسينات كبيرة في مادة الفارما...وإن الكتاب حيتم اختصاره و إخلاؤه من الحشو اللي ملهوش داعي و إن مش حيكون في أي داعي للجري ورا الكورسات اللي بيكون الحجز فيها كامل حتى قبل بداية الدراسة...و بإذن الله الوعود دي حتتحقق لإن هما و الحق يتقال ساعدونا كتير السنة اللي فاتت عشان يهونوا علينا صعوبة الموقف...سهلوا حبة تعقيدات كانت تاعبة كل الطلبة في العملي..و كانت مادة الفارما أول مادة تخلص محاضراتها في النظري عشان نلحق نذاكر...و د سارة رئيسة القسم من الناس المحترمة اللي بتفي بكلمتها...
يعني عايزاكم تتفاءلوا خيرا...
ندخل في المهم..
زي باقي المواد بتاعتنا مادة الفارما فيها جزء جنرال و جزء سيستمك...
* الجنرال:-
في الجنرال حنتعلم حبة مفاهيم عامة زي
إيه هي طرق دخول الدوا للجسم مثلا عن طريق الفم حبوب شراب كبسول عن طريق الحقن في الوريد في العضل ..إلخ وإيه مميزات كل طريقة وإيه عيوبها..
ايه المصادر اللي بنحصل منها على الأدوية..
الطرق اللي بيشتغل بيها الدوا في الجسم ...
التعارض بين الأدوية وإزاي دوا ممكن يبطل مفعول دوا تاني..
لكن في موضوعين هما اللي بيحتلوا النصيب الاكبر في الجنرال وهما
Pharmacokinetics
Pharmacodynamics
الاولى معناها إيه العمليات اللي بتحصل للدوا من ساعة ما يدخل الجسم لحد ما يخرج منه...يعني ازاي الجسم بيتعامل مع الدوا..
التانية معناها الدوا بقى بيعمل إيه في الجسم لما بيدخل...
و طبعا الموضوع مش بالسهولة دي تعريفين وخلاص..ده كل تعريف بتندرج تحته تعريفات كتير بس ده للتبسيط...
بناخد الجنرال على مدار السنة بمعدل محاضرة كل اسبوع تقريبا بتكون أكتر في بداية السنة و بتقل عن كدة على النهاية...و طبعا من غير ما اقول انتو بقيتو عارفين خلاص ان مذاكرة الجنرال بتساعد كتير في فهم السيستمك و كمان عايزة انبه ان في أمثلة لأدوية مذكورة في الجنرال من المهم مذاكرة التعريف بالمثال لأن ساعات بيطلب في السؤال المثال...وساعات بتكون في أسئلة مكارة بتجمع بين الجنرال والسيستمك فلازم نعمل حسابنا..
· السيستمك:-*


النظام اللي بندرس بيه الأدوية بيكون غالبا حسب أجهزة الجسم مثلا الادوية اللي بتعمل على الجهاز الهضمي او الجهاز العصبي...الخ

لكن في فضول بتخرج عن التقسيمة دي زي مثلا الأدوية المستخدمة في علاج الاورام..المضادات الحيوية...مضادات الالتهاب غير الستيرويدية...إلخ بتركز على مجموعة ادوية بعينها ممكن تشتغل على أي جهاز من اجهزة الجسم..
النقط الأساسية اللي بندرسها في كل دواء

Pharmacokinetics
الدوا ده بيتاخد في شكل حبوب ولا حقنة ولا ايه مفعوله بيبدأ بعد قد ايه و بيستمر قد ايه..إلخ
Dose
جرعة الدوا..الدكتور اللي بيشرح المحاضرة بيحدد اذا كان عايزك تحفظ الجرعة او لأ...بس في حالة الروشتات اللي في آخر كتاب العملي انت مطالب بحفظ جميع الجرعات..
Mechanism of action
أيه الطريقة اللي بيحدث بيها الدوا مفعوله العلاجي في الجسم سواء بيشتغل على رسبتورز معينة او خلايا معينة بيؤدي لتصنيع مواد معينة إلخ.
Pharmacological actions
التأثيرات المختلفة للدوا عالجسم وأجهزته سواء إيجابية أو سلبية...في نفس المكان اللي دخل منه الدوا او في مكان بعيد..
Therapeutic uses
الاستخدامات الطبية للدوا ده في علاج الأمراض المختلفة
Interaction
الأدوية اللي الدوا ده بيتعارض معاها سواء بيقلل مفعولها أو بيزوده و بيحوله لسم...
Adverse Effects
الأعراض الجانبية للدوا..
Contraindications
الحالات التي يحظر فيها استخدام الدواء..سواء كانت امراض معينة أو حمل او سن معين أو مع أدوية معينة..
Precautions
الاحتياطات الواجب مراعاتها خلال استخدلم الدوا
Preparations
الأشكال المختلفة اللي مصنع بيها الدوا..
ملاحظات:-
- العملي مقسم لقسمين قسم كميكال بيعمل تجارب كيميائية و قسم بيولوجيكال بيعمل تجارب على الضفادع وأمعاء الأرنب لو انت كنت في اول السنة كميكال يبقى حتستمر في نفس المعمل كل مرة لحد ما تخلص تجارب الكميكال و بعد كدة تبدل مع المجموعة البيولوجيكال في المعمل التاني
- كل كام سكشن بيكون في محاضرة تيوتوريال في المستشفى الجديدة بيتم فيها شرح الفصل باختصار و بعد كدة بيحل معاكم الدكتور الأسئلة الموجودة في كتاب التيوتوريال وحالة مرضية خط علاجها ازاي ..كتطبيق على النظري و كتدريب على الحالة اللي حتجيلك في امتحان اخر السنة...و طبعا المحاضرة دي مهم و مفيد جدا حضورها...
- من المهم جدا حضور المحاضرات..لأن ساعات كتير الدكتور بيضيف جزئية معينة على الكتاب أو بيغير شئ أو بيلغي شئ أو بيركز على نقطة معينة ويقول انها مهمة..كل ده بيدي لمحة لشكل أسئلة الامتحان حتكون ازاي..و حتوفر عليك مذاكرة الحاجات اللي الدكتور نفسه قال عليها مش مهمة..
- من الحاجات اللي بتخلى الفارما مادة صعبة في مذاكرتها و بتتنسى إن في أدوية كتير جدا وكتير منها شبه بعض...من المفيد إنك تعمل قائمة لاسماء الأدوية الواردة في كل فصل تراجعها كل ما تحس انك نسيت...من المفيد كمان انك تعمل مقارنة بين الادوية المتشابهة أو بين مجموعات الادوية اللي بتستخدم لعلاج نفس المرض..الإلمام بالفروقات بيسهل المذاكرة..انا فاركة السنة اللي فاتت عملت مقارنة بين مضادات الاكتئاب خلت مذاكرتها بالنسبالي سهلة و مبتاخدش وقت كبير في مذاكرتها بس كسلت اعمل ده في المجموعات التانية فإنتو خليكم انصح مني و اعملوها اول بأول بجد حتسهللكم المذاكرة بشكل كبير...و طبعا حضور المحاضرات والتيوتوريال ده امر مفروغ منه..و حاولوا على قد ما تقدروا تذاكروا بانتظام واول بأول..
- حاولو كمان من دلوقتي تقروا النشرات المرافقة للأدوية...حاولو تقروا الانجليزي الاول وبعد كدة اقروا العربي ده حيديكو فكرة اكبر عن المادة
- طالب سنة ثالثة مطالب فقط بالاسماء الاصلية للأدوية وليس الاسماء التجارية
متهيألي كدة نكون وفينا الفارما حقها يارب تكون المقدمة عجبتكم و استفدتم منها بجد..و زي ما قلت الموضوع ده حيكون مفتوح ليكم دايما ولأي استفسارات ممكن تكون عندكم وإن شاء الله كلكم امتياز في كل المواد السنة دي..
أحب افكركم بموقع الكلية بتاعنا و اللي اكيد انتو عارفينه من ساعة ظهور النتايج
www.alexmed.org
الموقع عليه روابط لمواقع مفيدة في كل المواد والدكاترة حاطين عليه عروض باوربوينت و فلاش و ترانسبيرنت من اللي بيتعرض في المحاضرات راااااااااائع و احلى من الكتاب بكتير في الباثولوجي و محاضرات الفطريات كلها موجودة بتاعة د اشرف بصور كتير تخليك متنساش ابدا وتجميعة التجارب المعملية للكشف عن الطفيليات...بجد الموقع مليان حاجات جميلة خصوصا لسنة ثالثة لأن اكثر اعضاء فريق الموقع كامو في سنة تالتة السنة اللي فاتت..هما بيجددوه الفترة دي بس اكيد حيكمل على بداية الدراسة
كمان في مواقع زي
www.DocArabia.com
http://kasr.forumup.us/index.php
موجود عليهم كتب طبية للتحميل و فيديو و معلومات طبية كتير ممكن تفيدكم
ربنا معاكم ومتحرموناش من وجودكم في الموضوع عشان انتم اللي بتحلوه..
أختكم
Dr_D
صورة

مشاركات: 11439
اشترك في: الخميس إبريل 04, 2013 10:28 pm

Re: سنة ثالثة

مشاركةبواسطة دكتور كمال سيد » الجمعة مارس 04, 2016 11:57 am

دلوقتي حنعمل فاصل قصير نقول فيه تقسيمة الدرجات عشان ده نقطة بتشغل كتير أو كل الطلاب...هى قابلة للتغيير من سنة للتانية لكن مبتختلفش كتير...عالعموم دي تقسيمة الدرجات لكل مادة في عام 2005\‏2006‏‏


أولا الباثولوجي:-

أعمال السنة= 60 درجة
امتحان العملى=60 درجة ( مقسمة بين جروس و هيستوباثولوجي)
الاختبار التحريري=150 درجة
الشفوي (لجنتين واحدة للجنرال وواحدة للسيستميك)=30 درجة
المجموع الكلي للمادة=300درجة







ثانيا الميكروبيولوجي:-

أعمال السنة=35 درجة
درجات كتاب العملي=5 درجات
امتحان العملى=30 درجة
الاختبار التحريري=100 درجة
الاختبار الشفوي=30
المجموع الكلي للمادة=200 درجة



ثالثا البارازيتولوجي:-
أعمال السنة=30 درجة
درجات كتاب العملي 5 درجات
امتحان العملي=30 درجة
الاختبار التحريري=75 درجة
الاختار الشفوي=10 درجات
المجموع الكلي للمادة= 150درجة



رابعا الفارماكولوجي:-
أعمال السنة=60درجة(50 امتحان+10 كتاب العملي و التيوتوريال)
امتحان العملى=30 درجة
الاختبار التحريري=180 درجة (للورقتين)
الاختبار الشفوي=30 درجة
المجموع الكلي للمادة=300 درجة

ملاحظات:-



1-امتحان العملى مادة الباثولوجي بتتعرف فيه على الجار او السلايد و تكتب تعليق عليهم...التعليق هنا غير التعليق المختصر اللي كنا بنتكتبه في الهستولوجي ..هنا انت بتشرح سمات العينة اللي تعرفت عليها من خلالها كلها...مش بس اتنين.


- 2-الاختبار التحريري لمادتي الباثولوجي و الميكروبيولوجي بيكون فيه اسئلة عن السيستمك فقط بس الشفوي بيكون شامل الجنرال و السيستمك

3- قبل امتحان العملي الميكروبيولوجي بينزل القسم قائمة بمواضيع النظري اللي ممكن ييجي منهاأسئلة على السلايدز والأطباق و بيكون دايما آخر سؤال عبارة عن مسألة من غير سلايد بس غالبا بتكون سهلة.

4- في امتحان الفارما العملي بيجيلك تجربة تعملها من التجارب اللي اختدتها على مدار السنة أو
Curve
بيكون فيه نتايج التجربة جاهزة وانت بتجاوب أسئلة معينة عليه وبعد ما تحل الأسئلة وتعمل التجربة بتقول للدكتور المسئول عن البنش بتاعك انك خلصت فبييجي يشوف انت عملت ايه وحليت ازاي و بعد كدة يسألك ما بداله في النظري المتعلق بالتجربة عشان كدة ضروري جدا انك تكون مذاكر كل النظري المكتوب في كتاب العملي و تحل كل الاسئلة اللي فيه بجانب كل ما وجد في كتاب النظري وله علاقة بالعملي فشدوا حيلكم.
قبل كل ده نسيت اقوللكم انكم بتستلموا ورقة في بداية الامتحان فيها سؤالين...السؤالين دول عبارة عن روشتتين من ال30 المكتوبين في اخر كتاب العملي..واحدة بتكتبها و بتكون عليها اسئلة و التانية بكتب الروشتة بس...بعد ما تخلص حلها بتسلمها وبدأ في التجربة بتاعتك...السؤال بييجي مثلا اكتب روشتة لعلاج الصداع..و بيتشرح في سكاشن العملي كويس طريقة حل الأسئلة دي واصول كتابة الروشتة يعني الحكاية دي ميتخافش منها ( والله وكبرتوا وبقيتوا بتكتبوا روشتتات)...الشئ اللي يقلق شوية هو موضوع الاسئلة اللي بيسألها الدكتور...لأنها بتختلف من دكتور للتاني المهم انكم تعملوا اللي عليكم وان شاء الله ربنا حيستر.

5-.رغبة من قسم الفارماكولوجي انهم يقللوا الظلم اللي ممكن يحصل في الشفوي قللوا درجة الشفوي اللي كانت في الاول 60 درجة ل 30 درجة وال30 درجة دول حطوهم على ورقة بتاخدوها قبل الامتحان التحريري الطويل بيكون فيها صح و غلط و اختر ما بين الاقواس و الحاجات الصغيرة دي و مدة حل الورقة دي بيكون نص ساعة بعدها بتسلم الورقة وتستلم الورقة التانية اللي عليها 150 درجة

6- في امتحان اعمال السنة في مادة الباثولوجي بيكون النظام شبيه لحد كبير بالاختبار التحريري في الفارما بس بالعكس بتاخد الاول ورقة عليها 40 درجة و بعد كدة ورقة فيها اسئلة صغيرة عليها 20 درجة و قبل الامتحان بتحدد رئيسة القسم ايه اللي داخل في الامتحان وايه اللي مش داخل وايه اللي حييجي في الورقة الصغيرة ومش حييجي في الورقة الكبيرة الخ.

اتمنى تكونوا ستفدتوا وتكون الامور وضحت بالنسبالكم المرة الجاية حنستأنف بإذن الله ونتكلم عن مادة الطفيليات اللي على قد ما هي سهلة ناس كتير مبتذاكرهاش و تطلع بيها في اخر السنة الشر برة وبعيد..وبعد كدة نختم بالرعب الكبير الفارما ربنا يقدركم عليها و يسهلهالكم...
صورة

مشاركات: 11439
اشترك في: الخميس إبريل 04, 2013 10:28 pm

Re: سنة ثالثة

مشاركةبواسطة دكتور كمال سيد » الجمعة مارس 04, 2016 11:59 am

دليلك للفرقة الثالثة .... كل ما تحتاج معرفته عزيزى طالب سنة ثالثة طب القصر العينى


هذا الموضوع خاص بالعضو dr MIM



بســـــــــــم الله الرحمن الرحــــــيم

ـــــــــــــــــــــــــــــــــــــــــــ



السلام عليكم و رحمة الله و بركاته


اهلا بك عزيزى طالب السنة الثالثة من رحلة طب القاهرة المعروفة برحلة طب القصر العينى

نحمل لك كل تقدير آملين ان تكون قد وفقت فى المرحلة الثانية من الكلية

آملين ايضا ان توفق فى ما هو قادم من مراحل للوصول الى درجة البكاليريوس فى الطب الباطنى و الجراحة

الا و هى الشهادة المنتظر الحصول عليها بعد سنين التعب و الجد و الاجتهاد السبع

المشوار طويل
لكن تم بحمد الله مرحلتين

فأهلا بك فى المرحلة الثالثة ....
و بأختصار هذا الموضوع مخصص لطرح كل ما يخص الدراسة بالفرقة الثالثة

من نصائح و شرح للهيكل العام للدراسة بالفرقة الثالثة
و المواد
طرق الدراسة
بأختصار كل خبرات كاتبه المتواضع ..... و خبرات اخواننا و اخواتنا الاعزاء

فقط للوصول بك الى وعى تام بما انت مقدم عليه

داعين الله ان يوفقنا فى شرح .......... و طرح كل ما قد يفيدك اخى الطالب

" الهيكل العـــــــــام للمواد كلها بدرجاتها "


هنتفق على حاجتين

1 - هتكلم بالعامية لانها اسرع و اسهل فى الوصول لذهن المتلقى - للاسف -

2 - كل كلامى هيكون على السنة الثالثة 2007 / 2008
بـأعتبار انى لسة خارج منها و دى آخر صيحة من صيحات موضة سنة ثالثة
ربنا اعلم الموسم الجاى - قصدى السنة اللى جاية هتكون ازاى .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ




- المواد:

تتكون سنة ثالثة من اربع مواد
1 - علم الادوية
pharmacology
اختصارا تعرف فى الوسط الطلابى بأسم الفارما

2 - علم الامراض
pathology
ملهوش اختصار للاسف ...

3 - علم المايكرو بايولوجيا و المناعة.....او باكتيريولوجى قديما قبل اكتشاف الفيروسات
microbiology and immunology
اختصارا تعرف فى الوسط الطلابى بأسم المايكرو.

4 - علم الطفيليات.
parasitology
تعرف فى الوسط الطلابى بأسم البارا اختصارا .

..................................

- توزيع الدرجات و اهمية المواد :


من حيث اهمية و ثقل المواد علميا و امتحانيا
اهم المواد علميا و اثقلهم امتحانيا مادتان
......... pharmacology ..........
الدرجات 300

......... pathology ..........
الدرجات 300

......... microbiology ..........
الدرجات 200

......... parasitology ..........
الدرجات 150


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ


و بكدة عرفنا هندرس ايه و درجاته ايه ...المجموع العام 950
الجاى ان شاء الله tour فى كل مادة
صورة

مشاركات: 11439
اشترك في: الخميس إبريل 04, 2013 10:28 pm

Re: سنة ثالثة

مشاركةبواسطة دكتور كمال سيد » الجمعة مارس 04, 2016 12:02 pm

1
الفارما - pharmacology

لو جينا نتكلم عن مادة بحجم الفارما هنقول كلام كتير

اكيد هيختلف الكلام و الآراء من شخص للتانى

لكن اللى مش هيختلف هو اجماااااااااااااااااااااااع كل من درس طب على

اهمية مادة الفارماكولوجى

الاهمية دى تنبع من حاجتين
1 - الثقل العلمى و الاهمية العلمية للفارما فى الحياة الطبية
2 - الثقل الامتحانى و الذهنى و النفسى الملقى على عاتق دارسيها

يعنى بالبلدى كدة مادة ثقيلة جداااااااااااااااااااا


ــــــــــــــــــــــــــ

اذاى نذاكرها

اولا الفارما من المواد الضخمة يعنى لابد من مذاكرتها كل يوم ان امكن

حاجة تانية لازم نعرفها عن الفارما ....

انها من المواد اللى بتتسم ب variety كبيرة جدا

يعنى هتلاقى نفسك بتذاكر فى chapter الكلام اللى جواه ممكن متلاقيهوش مترابط كتير مع بعضه

و ده جزء من صعوبتها , فلازم يكون ذهنك حاضر

المراجعة تمثل 50% من اهمية و كفائة مذاكرة الفارما
من غير مراجعة مفيش فايدة من المذاكرة اصلا

ــــــــــــــــــــــــــــــــــ

هنذاكر منين

1 - الاكيد ان فيه كتاب القسم .
و نظرا لان رئيسة قسم الفارما اتغيرت ( يا بختكوا ) اذا احتمالية ان الكتاب يتغير كبيرة

2 - فيه كتاب اصغر شوية اسمه magic للدكتور السيد الرخ و هو ملخص الى حد ما بيحاول يقسم الدنيا شوية نظرا للكمية المهولة بتاعة الادوية اللى المفروض نكون ملمين بيها و بتفريعاتها .
انا خاصة منصحش اى حد مش مذاكر كويس انه يعتمد على ال magic لانها كتير بتكون ملخصة زيادة عن اللازم , ذاكر و بعدين ابقى اقرأ الماجيك .

3 - فيه ملازم للدكتور احمد عبد الرحمن .. انا شخصيا كنت بذاكر منها لان الكتاب فى السنة بتاعتنا كان ملخبط كتيييييير
هى منظمة جدا ... مش اصغر من الكتاب يعنى هتلاقى فيها كل المعلومات و اكثر حاجة بسيطة , غالبا مبتنزلش مرة واحدة يعنى الدكتور بينزلها حصة بحصة
لو بتذاكر منها يبقى قدامك حلين
الاول .... انك تشوف حد من الاكبر منك عنده الملازم كلها بتاعة السنة اللى فاتت
الثانى .... انك تكون بتاخد درس معاه او تكون تعرف حد بياخد درس معاه و تصور الملزمة او حتى تاخدها من السنتر حصة بحصة مفيش مشاكل لانها بتتباع عادى من غير ما يدقوا مين فى الدرس و مين براه

ــــــــــــــــــــــــــــــــــــ

هنذاكر ايه اصلا ... تقسيمة الفارما

زى ما قلنا الفارما مادة كبيرة بتتعامل فى الاساس مع المواد و المستحضرات الكيميائية و تأثيرها على الجسم
و مدى تقبل الجسم للتأثير ده ..
مش بس كدة و مدى استفادة الجسم من المادة دى ....
و هل ليها مضاعفات خطيرة او آثار جانبية
و هلى ليها تداخل مع مواد او ادوية تانية ....

طيب
تقسيم المنهج ازاى اصلا ....
1 - بندرس الاول general pharmacology
و ده بندرس فيه الميزات العامة للادوية ...
يعنى باختصار بندرس فيه طرق دخول الدواء
و طرق الاستفادة للجسم منه
و برده كل ما يمت للصفات العامة للادوية بصلة .... فيه شبه شوية من general physiology

2 - ثانيا بندرس chapter كبير و مهم جداااااااااااااا
اسمه pharmacology of autonomic nervous system
هاااااااااااااااااااااااااااااااااام للغاية طبيا و علميا و كل حاجة
من الشباتر اللى لو سألت حد متخرج عنه هيعيطلك و يقولك اوعى يضيع منك
اساس حاجات كتير جدااااااااااااااا
اللهم انى قد بلغت
اللهم فاشهد

3 - بعدين بقى هندرس حاجات زى cvs
و diuretics
و cns
و endocrine
و blood
و antimicrobial chemotherapy نرجع نقول هو و ال cns من العظمااااااااااااء مهمين جدااااااا
الانتيميكروبيال ده بتاع المضادات الحيوية بأنواعها
قمة فى الاهمية هو و cns

ـــــــــــــــــــــــــــــــــــــــ

المحاضرات

يوميا طبعا .. لان الفارما و الباثولوجى هما المواد ال main بتوع السنة اصلا

الدكاترة المهمين على رأسهم طبعا عالم الفارما اللى الكلية بتفخر بيه دايما
د / محسن

يأتى بعده بقى ناس مهمين و افاضل زى
د / السيد الرخ
د / احمد عبد الرحمن
د / مجدى اسحاق
د / ظريف

و ناس تانية كتير ليهم الفضل طبعا انا من تقصيرى نسيتهم لكن الفارما من الاقسام اللى بتتمتع بدكاترة اقوياء و ستاف على اعلى مستوى

ـــــــــــــــــــــــــــــــــــ

الدروس

لو مصمم يعنى و مينفعش تتابع غير بدروس ... عندك اهم اثنين
د / السيد الرخ ... اسم كبير فى الفارما برده و احد اهم رواد الدروس فى الفارما.
خبير فى المعاملة مع المنهج .

د / احمد عبد الرحمن .... دكتور ممتاااااااااااز
كنت باخد معاه ... يمتاز بحضور قوى و اسلوب جميل و سهل
لازم تتابع معاه علشان متقعش فى النص ..لو ذاكرت معاه بذمة و ضمير ممكن تجيب امتياز

ــــــــــــــــــــــــــــــــــ

السكاشن

بتبقى فى قسم الفارما الدور الارضى
فيها هتتابع التجارب اللى علينا فى المنهج

سيكشن ظريف على فكرة لو حبيت تابع بقوة هتطلع منه مذاكر كمان
و يا ريت تستفيد من دكاترة السكشن لان علمهم غزير بس محتاجين حد ينكشهم بس

برده هتحل فى السيكشن ال cases و كتاب العملى الهاااااااااااام جدا

ــــــــــــــــــــــــــــــــــــــــــــــــــ

الدرجات

جينا للكلام اللى يقلق
بصوا علشان نكون واضحين توزيعة الدرجات بتختلف كل عام عن اللى قبله لان كل رئيس قسم بيوزع الدرجات على حسب الامتحانات و نظامها و كتير بتتغير

لكن متقلقوش ... الهيكل العام ثابت تقريبا

الكلااااااااااااام اللى جاى كان عن توزيع درجات الفارما لسنة 2007 / 2008

1 - كان فيه حوالى 48 درجة نصف العام
2 - 50 درجة لامتحان cases
3 - حوالى 160 درجة امتحان آخر العام مقسم 80 ورقة اولى
80 ورقة ثانية
4 - حوالى 40 درجة شفوى آخر العام

ـــــــــــــــــــــــــــــــــــــ

ملخصات و شرايط و ملازم تهمك

طيب شوية ملخصات على شرايط كدة على الماشى ممكن تستفيد منها .. لعل و عسى

بس بقولك ايه اوعى تسيب الكتاب و الملازم و تقعد قدام الكومبيوتر
و يسئلوك بتعمل ايه .. تقوم حاطط على وشك قناع الخطورة يا عينى و الارهاق
و تقول بشوف مواقع الفارما او بسمع شرايط الفارما و بقرأ الملخصات .. استزادة يعنى و انت اصلا مش عارف حاجة فى الفارما.

( معظم اللينكات و المواقع منقولة عن موقع الدى فى دى العربى القسم الطبى الطلابى و الموضوع الاكثر من ممتاز للدكتورة منى .... احقاقا للحق )

محاضرات الفارماكولوجي للدكتور محسن عبد الفتاح

شرحه اكثر من ممتاز

الموضوع من مجهود الأخت طبيبة مجتهدة

رقم 1


http://www.zshare.net/download/3730356bb0b590/

رقم 2


http://www.zshare.net/download/37323445de5f23/


رقم 3

http://www.zshare.net/download/3732341d87c8ed/


رقم 4


http://www.zshare.net/download/373491319bae69/


رقم 5


http://www.zshare.net/download/373485716d66bb/

رقم 6


http://www.zshare.net/download/37471629dd1ae7/

رقم 7


http://www.zshare.net/download/37480787df3475/

رقم 8


http://www.zshare.net/download/3751050aab80ec/


رقم 9


http://www.zshare.net/download/37523510feee7f/

رقم 10


http://www.zshare.net/download/37545303eddd4f/

رقم 11


http://www.zshare.net/download/37546227bd9dd5/



رقم 12


http://www.zshare.net/download/3792481bdbf586/

رقم 13


http://www.zshare.net/download/3792460eecc6aa/


رقم 14


http://www.zshare.net/download/3795627d63b215/


رقم15


http://www.zshare.net/download/38009812a9906a/

رقم 16


http://www.zshare.net/download/3795705d7e5a59/

رقم 17

http://www.zshare.net/download/38032171404c0b/


رقم 18


http://www.zshare.net/download/38032201f04369/


رقم 19

http://www.zshare.net/download/380840377103f0/


رقم20

http://www.zshare.net/download/38057791f87cbc/


رقم 21

http://www.zshare.net/download/38068971a48b44/

رقم 22

http://www.zshare.net/download/3806816e1be347/

انتهت لينكات الفارما بفضل الله وعونه وتوفيقه

الفهرس .....
http://www.4shared.com/file/61432328...2/_online.html


ـــــــــــــــــــــــــــــــــــــــــــــــ


مراجعة فارما

ملف يحتوى على مراجعة وملخص لكتاب الفارما
فى صورة charts

غاية فى الاهمية هيسهل عليك حاجات كتير




http://www.megaupload.com/?d=1LY8XIDI


.........................

موقع فارما شديد قوي ......به أحدث الأدوية و شرح جميل و بسيط





http://www.aic.cuhk.edu.hk/web8/Drugs.htm

.....................

Lippincott's Illustrated Reviews : Pharmacology





http://mihd.net/t6ke58



http://depositfiles.com/en/files/667...ted_Revie.html

the programme for reading this book

http://rapidshare.com/files/479858/WinDjView-0.4.1.exe

...........................

موقع يغنيك عن أطلس الأدوية المصري 2007 وكمان updatable


به search عن الأدوية
ولكي تتمتع بمزايا advanced search
يجب عليك التسجيل
الموقع ... كغيره من المواقع
updatable

http://www.egydoc.com/sites/egydoc.com/main/search.asp

...........................


تجميعة لمحاضرات الفارما للدكتور احمد عبدالرحمن





اول شريط كلينكال


diabetes mellitus 2


http://www.megashare.com/157655


تانى شريط كلينيكال

insulin


http://www.megashare.com/158796



Chemotherapy

اول شريط فى الكيموثيرابى

sulfa&quinolones 1

http://www.megashare.com/158945



تانى شريط فى الكيموثيرابى

sulfa&quinolones 1

http://www.megashare.com/159697




تالت شريط كيموثيرابى

Penicilin

http://www.megashare.com/159819


رابع شريط فى الكيمو ثيرابى

Cephalosporines

http://www.megashare.com/160373


خامس شريط كيمو ثيرابى

aminoglycosides

http://www.megashare.com/160751


سادس واخر شريط فى الكيمو ثيرابى

Anti-T.B & Anti-Fungal

http://www.megashare.com/162089

...................


ملف يحتوى على مراجعة وملخص لكتاب الفارما
فى صورة charts

غاية فى الاهمية هيسهل عليك حاجات كتير

http://www.megaupload.com/?d=1LY8XIDI

.......................

إليكم شرايط
مادة الفارما كاملة

للدكتور محسن عبد الفتاح ..

قامت احدى الزميلات برفعهم ..جزاها الله عنا خير الجزاء وجعلها فى ميزان حسناتها




رقم 1


http://www.zshare.net/download/3730356bb0b590/


رقم 2



http://www.zshare.net/download/37323445de5f23/



رقم 3

http://www.zshare.net/download/3732341d87c8ed/



رقم 4



http://www.zshare.net/download/373491319bae69/



رقم 5



http://www.zshare.net/download/373485716d66bb/


رقم 6



http://www.zshare.net/download/37471629dd1ae7/


رقم 7



http://www.zshare.net/download/37480787df3475/


رقم 8



http://www.zshare.net/download/3751050aab80ec/



رقم 9



http://www.zshare.net/download/37523510feee7f/


رقم 10



http://www.zshare.net/download/37545303eddd4f/


رقم 11



http://www.zshare.net/download/37546227bd9dd5/




رقم 12



http://www.zshare.net/download/3792481bdbf586/


رقم 13



http://www.zshare.net/download/3792460eecc6aa/



رقم 14



http://www.zshare.net/download/3795627d63b215/



رقم15



http://www.zshare.net/download/38009812a9906a/


رقم 16



http://www.zshare.net/download/3795705d7e5a59/


رقم 17


http://www.zshare.net/download/38032171404c0b/



رقم 18



http://www.zshare.net/download/38032201f04369/



رقم 19


http://www.zshare.net/download/380840377103f0/



رقم20


http://www.zshare.net/download/38057791f87cbc/



رقم 21


http://www.zshare.net/download/38068971a48b44/


رقم 22


http://www.zshare.net/download/3806816e1be347/


انتهت لينكات الفارما بفضل الله وعونه وتوفيقه

الفهرس
الرابط الواحد بيحتوى على أكثر من شريط

PHARMACOLOGY

A) Autonomic Nervous system ( 1 - 20 ).

1) Sympathetic & parasympathetic nervous system.
2) Sympathetic & parasympathetic types of receptors.
3) * Supersensitivity of adrenergic receptors.
* Symathomimetics ( catecholamines ).
4) Sympathomimetics ( catecholamines ).
5) Sympathomimetics ( catecholamines ).
6) Sympathomimetics ( catecholamines & noncatecholamines.
7) Sympathomimetics (noncatecholamines).
8) Sympatholytics (Adrenergic receptor blockers ).
9) Sympatholytics (Adrenergic receptor blockers ).
10) Sympatholytics (Adrenergic receptor blockers ).
11) Sympatholytics (Adrenergic receptor blockers ).
12) Sympatholytics (Antiadrenergic drugs ).
13) * Sympatholytics (Antiadrenergic drugs ).
* Alpha 2 receptors.
14) * Alpha 2 receptors.
* Parasympathomimetics.
15) Parasympathomimetics.
16) Parasympatholytics.
17) * Parasympatholytics.
* Skeletal muscle relaxants.
18) * Pharmacology of the eye.
* Skeletal muscle relaxants.
19) Skeletal muscle relaxants.
20) * Skeletal muscle relaxants.
* Revision.
B) General pharmacology ( 21 - 27 ).

21) * Revision ( ANS ).
* Genral ( mechanism of drug action ).
22) * Mechanism of drug action.
* Factors effecting dosage of drugs.
23) Drug interactions .
24) Poutes of administration of drugs.
25) Phrmacokineties.
26) * Phrmacokineties. * Parameters.
27) * Drug toxicity. * Autacoids (Allergy).
28) Autacoids.
29) Pratical pharmacology.
30) Pratical pharmacology.
31) Pratical pharmacology.
C) Resppiaration ( 32 - 33 ).
32) Bronchial asthma.
33) * Bronchial asthma.
D) Cardiovascular system ( C.V.S ) : ( 34 - 40 ).

34) Angina.
35) Angina.
36) Heart failure.
37) Heart failure.
38) Hyper tension.
39) Hyper tension.
40) Arrhythmia.
E) Kidney ( 40 - 42 ).
F) Central Nervous system ( C. N. S ) : ( 42 - 50 ).

42) Anti depressants.
43) * Sedatives.
* Hypnotics.
44 - 45) Narcotic Analgesics.
46 - 47) Antipyretic Analgesics.
48) * Antiinflammatory. * Antiepilptics.
49) * Antiepilptics. * Tranquilizers.
50) * Tranquilizers. * G. I .T.
51) G. I .T.
52) G. I .T . * General chemotherapy.
53) * General chemotherapy.
* Special chemotherapy.
55) Diabetes Mellitus.
56) Thyroid gland.
57) * Thyroid gland.
* Adrenocortial hormones.
58) * Adrenocortial hormones.
* Blood.
59) * Blood . * Vitamins. * روشتات.
* Clinical pharmacology.
60) Clinical pharmacology.





ان شاء الله نستفاد كلنا من سماع الشرايط ,,


..........................

Pharmacology Charts

اختصارات رائعه جدا جدا

و تجميعات جميله جدا في الفارما

و حجمها صغير جدا

للتحميل حمل من هنا

pharma_charts-spiderman.rar

يا رب تعجبكم

نسألكم الدعاء


............................

السلام عليكم ورحمة الله وبركاته،،،

مجموعة من التجميعات بالاضافة الى ملخصات لمادة pharmacology
عبارة عن ملفات word

تجميعات
Anti Fungal
Anti Malaria
Anti-Diabetic (insulin)
AntiViral
B-lactam
DRUGS ACTING ON UTERUS
DRUGS MODIFYING EMESIS
Oral Hypoglycemic
STEROID HORMONES
HYPOTHALAMIC HORMONES
Miscellaneous antimalarial

بالاضافة الى ملخص لاهم نقاط منهج الفارما

للتحميل
مساحة الملف 1843 KB



..........

pharmacology vedios online

السلام عليكم ورحمة الله وبركاته،،
هذا السايت يحتوي على مجموعة من الفيديوهات الخاصة بشرح منهج الفارما
اضغط هنــــــــــــــــــــــا
ويمكن الاستماع اليها بدون تحميل
فقط اضغط على احد اللنكين الموجودين بجانب الدرس
سواء ميديا بلاير او ريال بلاير

فقط انتظر لمدة 10 ثوانٍِ سيتم بدأ الدرس مباشرة

ـــــــــــــــــــــــــــــــــــــ


خلصت كدة الحاجات اللى عايزكم تنزلوها

اى لينك بايظ او حاجة مش شغالة ... انا مش مسئول

اسرعوا يلا و نزلوها بسرعة قبل ما اللينكات تبوظ

( تانى مرة بشكر منتدى الدى فى دى على المجهود الخرافى فى تجميع الحاجات كلها يا رب يكون فى ميزان حسناتهم يوم القيامة )
صورة


العودة إلى orientation

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron