تجميعة بكتريولوجى (part1)

مشاركات: 11468
اشترك في: الخميس إبريل 04, 2013 10:28 pm

تجميعة بكتريولوجى (part1)

مشاركةبواسطة دكتور كمال سيد » الاثنين مارس 07, 2016 9:51 pm

تجميعة بكتريولوجى (part1)
1
السلام عليكم ورحمة الله وبركاته

أزيكم يادكاترة ؟!!

كيف حالكم وايه أخبار الميكرو معاكم ؟ ها تمام ولا ؟؟
هبدأ معاكم إن شاء الله بتجميعات للبكتريولوجى هتظبط الامور شوية

يالا الحمد لله وبه نستعين .....

بداية كدة بنقسم البكتريا من حيث الشكل الى
بكتيريا شكلها مدورة Cocci
بكتريا شكل العصيان Bacilli
بكتريا بتستهبل لاهية طويلة شبه العصيان ولا هية مدورة زى الكورة فسموها Cocco _ Bacilli



طيب أى بكتريا فيه عناصر اساسية لازم نتكلم فيها
Morphology
Culture
Virulence factors
Diseases caused by it
Diagnosis
Prevention


يبقى دى اى بكتريا هنرص فيها الكلام ده

نبدأ بال Morphology
أول أما يقولك المورفولوجى بتاع اى بكتريا يبقى تقول 6 كلمات
كلمة ( سمك )
Shape
Stain
Spore
Arrangement
Mobility
Capsule

شكلها ايه ؟ حاجة من التلاتة اللى قلناهم فوق
بتتصبغ بأيه ؟ يعنى gram +ve or _ve ولا مابتتصبغش بيها اصلا
بتعمل spores ولا لأ
بتترتب أزاى
بتتحرك ولا لأ
عندها كابسول ولا لأ

طيب بعد كدة ال Culture
يعنى بتتزرع على أيه ؟؟ وايه متتطلباتها لهذه العملية ؟؟
يبقى على طول اجابة culture كلمتين
requirement
media & colony

طيب وال requirement
بتقولى أحتياجاتها من حيث اربع اشياء
O2
CO2
PH
Temp

طيب وال media & colony تقولى بتتزرع على ايه ولو لها شكل مميز عليه



طيب بالنسبة لل Virulence factors
يعنى أيه العوامل اللى عند البكتريا بتخليها تقدر تخترق خلية العائل وتظبطه وتظهر الاعراض عليه
يعنى ايه الاسلحة اللى بتمكن البكتريا من السيطرة على الخلية ؟؟

طيب وال Diseases caused by it
ايه بقى الامراض اللى البكتريا المحترمة دى بتعملها فى الجسم

ال Diagnosis
يعنى ازاى اشخص اية اصابة ببكتريا معينة
ودى اسكيمة هنحفظها سوا إن شاء الله
اقول اما يقولك diagnosis ويسكت تقول على طول
** Clinical
** Laboratory

ال clinical
ده بتكتب فيه الامراض اللى بتعملها البكتريا بس باختصار يعنى اشهر الحاجات كدة على السريع مش عارف fever & cough وغيرها كل واحدة على حسب اللى بتعمله
( يعنى باختصار ده اللى الاعراض اللى العيان هيبقى جى بيها )

ال lab
وده اللى بيتعمل فى المعمل .
اول حاجة تقولها sample ( يعنى العينة اللى هتخدها علشان تحللها هلى هى دم ولا بول ولا براز ولا مخاط ولا انسجة ولا أيه ) ودى على حسب البكتريا
ثانى حاجة تقوله
ال lab إما أنه يكون direct
أو أن يكون indirect

ال indirect علشان نخلص منه هو ال serological tests ... ELISA && RIA وهكذا

ال direct
3 كلمات
1/ direct film
stained with gram and showing the morphology which is
وتكتبله المورفولوجى بتاع البكتريا دى

2/ culture
وتكتبله الكلام بتاع ال culture بتاع البكتريا دى

3/ systemic examination of colony
يعنى هفحص البكتريا دى بأيه ؟؟
film
وتكتبه تانى
bacteriological reaction
ودى كل بكتريا بيبقى لها مواد معينة ببتفاعل معاه هنكتبها
antimicrobial sensitivity test
يعنى البكتريا دى بتستجيب لانهى نوع من المضادات الحيوية
slide agglutination test using sp. anti serum
ودى بتتكتب كده فى اى بكتريا كحاجة روتين وخلاص .
وهى يعنى بيقولك لو انا جبت البكتريا دى فى العينة اللى هاخدها وجبت عليها الانتى سيرم بتاعها وحطيت الاتنين على slide
يقوم الانتى سيرم ده يمسك فى الانتى بودى بتاع البكتريا دى فيعملولى تجمع كدة agglutination يبقى اكيد هى دى البكتريا اللى احنا شاكين فيها
لان لو مش هي ماكنتش مسكت فى الانتى سيرم


كدة ال diagnosis تمام


طيب ال Prevention

يعنى ازاى امنع العدوى بالبكتريا دى
على حسب ماتحفظش شوف البكتريا دى بتتنقل ازاى
بتتنقل بالرزاز وكدة يبقى نقعد فى بيئة نظيفة وتهوية مناسبة ونحرص على النظافة الشخصية

بتتنقل بالطعام اطبخ الاكل كويس كل أكل نظيف واشرب مية نقيه
وهكذا
لو البكتريا دى لها تطعيم يبقى نعطى التطعيم
لو لها علاج نعطيعه

وبس يعنى كلام بتستنتجه من فهم البكتريا نفسها

وربنا يوفقكم إن شاء الله
صورة

العودة إلى microbiology

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron