medicine

مشاركات: 11469
اشترك في: الخميس إبريل 04, 2013 10:28 pm

medicine

مشاركةبواسطة دكتور كمال سيد » الاثنين إبريل 15, 2013 3:56 pm

غابة الظلمات (سنة لا تراجع ولا استسلام) ........

الفرقة السادسة


اولا مبروك لكل الي نجحوا وبقوا سادسة جديد

وطبعا هتلاقيكوا عايزن تعرفوا كل حاجة عن السنة الجاية
الي الكل بيبوصولها علي انها اخر مرحلة في السباق

ان شاء الله هكتب عن كل المعلومات الي هتحتجوها عن السنة دي

وهكون كاتبة وجهة نظري الشخصية و اصدقائي فقط

ان شاء الله كل يوم هكتب جزا والتكملة بعدين

ابقووووووووووووو معنا

صورة

الحلقة الاولي

انتم عندكم في السنة دي 3 مواد
3 مواد ... اه ثلاثة
وهما باطنة ...و باطنة ...وجراحة
وده لان الباطنة بتحتاج في مزاكرتهاضعف الوقت والمجهود عن الجراحة
هنتكلم في كل مادة عن نظام الدراسة في الكلية
والكتب والدروس سواء للنظري او العملي
وهيبقي في وجهة نظري في اخر كل جزء

اولا السنة بتبدا من نص شهر 9 لغاية اخر شهر 7
وبعد كده بتعقد في البيت عشن تراجع للمتحان
السنة 10 شهور بتتقسم علي 2
5 شهور للباطنة و5 شهور للجراحة
وبيبقي عبارة عن
الراوند الاساسي في احدي الوحدات في المستشفي
والجزء التاني هو الاسبيشيالات وده عامل زي السكشن
وكل مادة فيها 7 اسبيشيالات مدةكل واحد 3 اسابيع
وهما مش منهج تاني لا هو نفس المنهج بتاعك بس بيختاروا برنشات يهتموا بيها في الاسبيشيالات اكتر
وبيبقي في بعد كل اسبيشيال امتحان علية ودة بيبقي سهل
وهنتكلم عنهم بالتفصيل فيما بعد

====================

الباطنة


عندك 9 وحدات::

ستة في مستشفى الباطنة

و تلاتة في قصر العيني

انت هتبقى في واحدة منهم

و هتلاقي اساميهم و اماكنهم موجودين في فورم الباطنة و كل وحدة مكتوب فيها النظام و الامتحانات و النصائح

المفروض من 9 ل 11 بتاخد كلينيكال (و هنقول ايه عناوين الكلينيكال ده كمان شوية.. كارديو و شست و ابدومن
و نيورو زي خامسة برضه و شوية حاجات تاني هقولك عليهم)
(اكشواللي: ان فاكت يعني:: المفروض المفروض المفروض (بس ده مش بيحصل في معظم الوحدات
المفروض يجيلك دكتور صغير قبل الدكتور الكبير اللي هيشرح الكلينيكال

الدكتور الصغير ده المفروض يشرح تيتوريال
::
ECG

Cl. pathology

x-ray
بس غالبا مش هتشوف حاجة من الكلام الفاضي ده..

عشان كده بيقولوا لازم تاخد درس عملي باطنة.. الباقي مش لازم تاخد فيه خالص و تقدر تتابع من بره..

و بعدين بقى يا سيدي::
من 11 ل 12 فسحة (ساعة الانشطة اللي العميد عاملها)

بس هو في الحقيقة الدكتور في الراوند هتلاقيه اتأخر و طلعكم على 12 الدنيا مش بتمشي زي ما هو مكتوب في
الجدول..

المهم خلينا حسب ما الجدول بيقول::

من 12 دي انت عندك اسبيشال

اسبيشالات الباطنة

بص يا سيدي::

الاسبيشال ده حاجة بتاخدها تابعة للباطنة أو الجراحة..


بتمتحن فيها في ساعتها و خلاص مش عايز منها حاجة تاني .. مش كلهم اوى يعنى وهنقول ليه


مش هتمتحن فيها اخر السنة


كل 3 اسابيع بتخلص سبيشال و تمتحن فيه امتحان ب 10 او 20 درجه على حسب الاسبشيال::

معظم الاسبيشالات هتلاقيلها ورق في العالمية

و امتحاناتهابتختلف من شفوي لام سي كيو...

في اللذيذ يعني ودرجاتها سهله جدا ومضمونه وحرام تضيع

و بتمتحنوا في وقت الاسبيشال برضه..

يعني يوميها الصبح تيجي تحضر الراوند عادي و تنزل تمتحن الاسبيشال
و هما 7 اسبيشالات بالمناسبة (7 باطنة و 7 جراحة يعني)

خلينا في الباطنة دلوقت و نبقى نتكلم عن الجراحة في ساعتها::

شوف أهم السبعة كل 3 اسابيع تقلب على واحد تاني ::

قلب cardiology

جلدية dermatology

متوطنة tropical

عصبية neurology

روماتيزم rheumatology

نفسية psychiatry

صدرية chest

نص الدفعة اللي راح باطنة هيرجع يتقسم على السبع مجموعات دول و يلفوا..

يعني اللي يبدأ صدرية مثلا بعد 3 اسابيع يرجع كارديو و هكذا..

و هتلاقي على الموقع هنا موضوع عن كل اسبيشال و مكانه و نظام الشرح و الغياب و تذاكر منين و امتحانه
ازاي.. أوك؟

فيه بس 3 ملاحيظ::

أول هام

انت عندك في منهج الباطنة النظري العادي :: في شباتر كده

Cardiology

Chest

Neurology

Rheumatology

و اسبشيال التروبيكال هو عبارة عن (GIT)

بس انت ساعة امتحان السبيشال بتذاكر من المذكرة بتاعت رعاية الشباب و بتخلي النظري ده لأمتحان النظري بتاع اخر السنة..
عشان مش كله بيبقى مطلوب منك..

فالمطلوب منك بيبقى له ملزمة في العالمية تروح تجيبها و تخش تمتحن و خلاص..

و هتلاقي هنا على السايت في مواضيع الاسبيشالات برضه معلومات عن مصادر المذاكرة في كل سبيشال

الملحوظة التانية:

اسبيشال الجلدية:: بيبقي في امتحان علي الاندرو بس

و بعدين بعد ما السبع اسبيشالات يخلصوا بيمتحنوا نص الدفعة دي امتحان موحد عبارة عن ام سي كيو علي الجلدية و هكذا مع نص الدفعة
التاني..

الملحوظة التالتة: ان الديرما و السيكياتري.. بعد ما بتخلصهم بتبقى لسه محتاجهم تاني..

الديرما بتمتحن فيها

تاني: مع البيبر فى اخر السنه ام سي كيو و كيس

و تالت: امتحان شفوي مع الشفويات اللي في الاخر

و السيكياتري بتمتحن فيها تاني مع بيبر باطنة

نصيحة:: درجات الديرما حرام تضيعها منك .. و هي اضمن من درجات الباطنة العادية.. فاديها اهتمامها برضه

اسبيشال الباطنة مش عندك كل يوم و لا حاجة

يوم السبت اجازة من الاسبيشال...مش دايما يس غالبا

طب السبت اجازة و عارفناه.. عشان اجازة على طول..

لأ ... انا مقلتش السبت اجازة...

انا بقول اجازة من الاسبيشال.. و كمان اجازة من الراوند وبرضوا مش دايما

وده علي حسب انت وحدة مين واجاتك امتي

بس فيه محاضرات:: وديه بقى على حسب نظام الكليه للدفعه ديه احنا كنا شغالين محاضرات باطنه وجراحه مع بعض للدفعه كلها

هل المحاضرة مفيدة؟؟؟

و الله بص:::مش كل المحاضرين
بس ممكن تستفيد من محاضرت ..
على الاقل لتثبيت المعلومات..

أو يديك فكرة عن الدرس اللي لسه مذاكرتوش..

فيسهل عليك شوية لما تيجي تقراه..

بس برضه ده محتاج حد يكون بيعرف يركز جامد وسط الجو بتاع المحاضرة..

و اللي جنبك بيلعب في الموبايل
و اللي وراك بيكلم اللي قدامك..
يعني لو عايز تستفيد هتبذل مجهود..
وفي نفس الوقت لو فاتتك المحاضرة مش هتبقى خسرت كتير و لا حاجة ..

لأن في الاخر المعلومات عندك في الكتاب و لو عايز تفهم حاجة هتقدر تفهمها من أي مصدر على رواقة اكتر
.. و كمان معروف لو عايز تجيب درجات هتجيبها ازاي..

هل بيشرحوا المنهج كله في المحاضرات؟؟

لأ ..

و لا كله و لا حاجة ..

بتتشرح بس الحاجات اللي هي تعتبر اكبر حاجة في كل شابتر و خلاص...

و احيانا كمان حاجات مهمة مش بييجي سيرتها خالص..

نبتدي بال ICU:

دول يا سيدي عبارة عن اسبوعين بتاخدهم في مستشفى الباطنة اللي في ظهر الفرنساوي..

في الدور الأول (هتطلع دور يعني عشان اختلاف المسميات)

في قاعة اسمها قاعة أنور المفتي..

قاعة مكيفة كده و كراسي نضيفه و كمبيوتر و شاشة بلازما قدام و تزبيط...

الاسبوعين دول مش هتروح فيهم الراوند

يعني تيجي الساعة تسعة الصبح بدل ما تروح على الوحدة بتاعتك تروح على ال
ICU

الاسبوعين دول هتعرفهم من الوحدة..

هتلاقي السكريتيرة بتقولكم الاسبوعين الجايين مش هتيجوا الوحدة.. عندكم
ICU..

و كل ما وحدة تخلص يرجعوا راوندهم و وحدة تانية تيجي مكانها

لو كنت في وحدة رئيس القسم هتبتدي الراوند اصلا
ICU..
يعني مش هتروح الوحدة بتاعتك و لا تشوف شكلها غير تالت اسبوع

طيب من الاخر كده ايه أهمية ال
ICUده؟

اهميتها حاجتين

هاقولك على الحاجة اللي انت مستنيها الأول..

اه غيابها عليه درجات يا سيدي
بص:: هي الICUكلها عليها عشرة..

خمسة غياب و خمسة امتحان

و احنا قلنا هنروح اسبوعين

يعني عشرة ايام..

كل يوم بنص درجة .. تغيب يوم تنقص نص.. تغيب يومين تنقص درجة.. متحضرش خالص تنقص الخمسة كلهم..

خلي بالك بقى عشان كان في ناس متعرفش و كانوا مفكرين الغياب ده أي كلام..

بس هو برضه محدش بيخنق عليك هناك.. يعني محدش بيقولك لازم تيجي من 9 ل 11 يا إما لا غياب لكم عندي..

عادي يعني ممكن تيجي في الاخر و تاخد غيابك عادي برضه..

هو كده كده مدام صفية اللي هناك اللي بتاخد الغياب بتاخده في الاخر و انتوا طالعين كل واحد يملي رقمه..

و كان في ناس في الخباثة بتعمل الحركات النص كم.. يملي رقمه.. و بعدين يستنى شوية و يملي رقمه

قصدي رقم زميله اللي مزبط معاه !!!

بس للأسف مفيش كتاب تتابع منه وراهم

هو في كتاب بتاع دكتور محمد سالم اللي هو رئيس ال
ICU
و لو على الامتحان بقى:: متحملش هم::

هو أولا الامتحان بيبقى في اخر يوم (اللي هو اليوم العاشر)

و بيبقى عبارة عن خمس جمل MCQ

بتاخدوا الدرس عادي و بعدين في الاخر تمتحن.

انت قبل الامتحان بقى:: عليك و على العالمية.. تقولهم عايز ملزمة الاي سي يو بتاعت مداد

فريق مداد جمع الاسئلة على مدار الامتحانات لغاية ما بقت الاسئلة كاملة..

الجمل مش بتخرج منها .. هتلاقيها بالنص كده..

أو بمعنى اصح مكانتش بتخرج منها لغاية ما كل امتحان شوية طلبة مش تمام يمتحنوا و يسيبوا الملزمة هناك..
طب ليه يعني؟؟ ما تاخد الملزمة معاك لازم يعني تعرفوهم ان الاسئلة معانا؟؟

أهو جه في مرة و الامتحان مجاش فيه و لا جملة من الملزمة!!!!! مع انه الأول مكانش بيطلع جملة بره..
معرفش بقى ايه اللي حصل.. شافوا الملزمة و غيروا الاسئلة و لا ايه الله اعلم...

بس يا سيدي ادي حكاية الاي سي يو من طق طق لسلام عليكم..

و على فكرة سهل جدا تاخد عشرة من عشرة فيها

(بالمناسبة الكلام اللي انا بقوله مهم :: بالنسبة لحكاية خلي بالك من العشر درجات دول و العشرين درجة دول و
كده:: اسمع الكلام

عشان لو قلت: مش مشكلة مش مشكلة

هتوقع درجات كتير كانت مضمونة و تتزنق في الدرجات اللي مش مضمونة بتاعت النظري و الذي منه)

على فكرة التسعمية درجة بتاعت الباطنة أو الجراحة متقسمة خمسات و سبعات و عشرات متفكرش ان النظري
عليه كتير..!!!

الباقي انصاص و اربع مخرمين...

و ايه بقى السيمينار ده كمان؟؟

لا طيب بص بجد::

لما تروح الراوند هتلاقي عند السكريتير ورق معلقه كده جنبه أو في ضهر الباب..

الورق ده المجموعة بتاعتكم متقسمه فيه ستات ستات

(مش ستات عكس رجاله.. لأ مجموعات كل مجموعة ست أشخاص يعني)..

هو هتلاقي الاول تقسيمه كبيرة كده قاسمه المجموعة بالطول لألف و باء (قال يعني الرواند مجموعتين كأنهم راوندين يعني... بس غالبا
بيضموهم و يجي دكتور واحد و خلاص.. هما هيوجعوا دماغهم ليه و ييجي اتنين دكاترة؟؟)

المهم مش ده موضوعنا::

هتلاقي مثلا كل تلاتة من مجموعة ألف و معاهم تلاتة من مجموعة به (باء يعني(

عندهم سيمينار يوم كذا...

و الموضوع بتاعهم كذا... المفروض يحضروا الموضوع ده من مراجع أو من على النت أو من ابحاث أو أي حاجة و ييجوا يقدموه قدام
زمايلهم الطلبة..

و بيكون في دكتور بيناقشهم و لو عايز يوضح حاجة أو يضيف حاجة على السيمينار..

و بعدين بيقيمهم و يديهم درجة.. غالبا معظم الناس بتاخد الدرجة..(زي ما قلنا من خمسة)

السيمينار ده بيبقى كل يوم اتنين.. يعني يوم الاتنين مفيش دراسة في الوحدة.. في سيمينار..

لا بس لا تحزن فعلا.. الموضوع سهل و بسيط و بيبقى يوم لذيذ يعني..

ان شاء الله

الخمس شهور اللي هتقعدهم في راوند الباطنة

(اللي هم نص السنة يعني.. راوند الباطنة)

هتيجوا في النص (بعد شهرين و نص تقريبا)

و يقولولكم ده في امتحان
Mid round

و بعدين في اخر الراوند

في امتحان
End round

الامتحان ده عامل ازاي
زي امتحان رابعة و خامسة..

هتدخل على الحالة .. و الدكتور قاعد جنبها::

و يقولك:: يابني:

Percuss the pulmonary area

Auscultate the apex

Show me the biceps reflex

What's its center??

Palpate the abdomen

Show me how to assess chest expansion

و هلم جرا.. يعني و هكذا...

طيب يعني هو بالضبط بالضبط زي خامسة

أمال سادسة ايه بقى و بتاع ايه؟؟ يعني في الاخر يطلع زي خامسة مفيش فرق يعني؟؟؟؟

خااالص؟؟؟

لو الأمور مشت طبيعي و ده الغالب.. اه مش هيبقى فيه فرق..

يعني
هتنزل فيديوهات دكتورة نوران من على سايت بكار..

و تتفرج عليهم..

و تدعيلها..

و تجيب المذكرة بتاعتها من العالمية..

و تخش على اتخن دكتور و لا يهمك..

(هو انت في الغالب هتبقى بتاخد درس عملي.. بس لو خدت باطنة في نص السنة الاولاني هتبقى لسه مخدتش كل
حاجة في الدرس..
و يا سلام بقى لو في نص السنة الاولاني و في الميد تيرم و انت بتاخد عند دكتور بيتأخر و مش بينجز.. هتبقى
في الدرس لسه في أول برانش ( الكارديولوجي)

تسمع كلامي؟؟؟

بتاخد درس مبتاخدش درس لازم تجيب حاجات دكتورة نوران

و تدعيلها

و لو افتكرت يبقى تدعيلي انا كمان....

طيب لو الامور ممشتش طبيعي و قدر ربنا انه يحصل حاجة نحس ( و ان شاء الله مفيش حاجة نحس).. ايه
اللي ممكن يحصل فينا زيادة عن رابعة و خامسة اللي متعودين عليهم؟؟

شوف :: النحسات اللي ممكن تحصل ثلاثة: (و كلهم قليلين.. بس حصلوا)

أول حاجة

ممكن تنزل حالات جديدة

غير الكارديو و الشست و النيورو و الابدومن

(في حالات تاني لسه هقول هيا ايه بس عشان متتوهش مني:: اندوكراين و حاجات كده)

تاني حاجة

ممكن تفاجأ يوم الامتحان ان طلعت في دماغ الدكاترة يخلوكم تاخدوا شيت..

و تعملوا
general examination

و بقت الحالة اتقلبت لونج

(و هييجي يعني ايه لونج و يعني ايه شورت)

تالت حاجة

ممكن الدكتور يفتح معاك في النظري:: بس دي

Rare
انت بتلاقي شوية نظري بتاع العملي في ملزمة دكتورة نوران أو في ملزمة اللي بتاخد معاه الدرس...هو ده كل
اللي انت محتاجه ساعتها ان شاء الله

معلش لو كنت بفتح في الكلام.. بس عشان الموضوع يقعد معاك طول السنة و متحتاجش حاجة تاني ان شاء الله

ايه بقى علاقة الغياب في موضوع الميد راوند و الاند راوند؟؟

كالعادة...

و عشان البشوات و السادة..

لازم تاخد الغياب كل يوم الصبح و انت داخل الراوند.. مع اظهار الرضا و السعادة..

و تعددت طرق السكريتيرين و السكريتيرات في اخذ الغياب..

يعني في وحدات تحط كارنيهك الصبح و انت داخل و ترجع تاخده.. (او حد ياخدهولك لو كنت انت مشيت و ملحقتش ترجع!!!!!)

و في وحدات السكريتير ياخدلك حضور و انصراف.. و لو ملقاكش في الانصراف يشطب عليك زي الموظفين...

على العموم لازم تاخد بالك

(نجووووم حمرا أهي *******

و علامات خطر كمان !!!!!!!!!)

لازم تاخد بالك انك متعديش نسبة الغياب المسموحة (75%)

عشان لو اتعديتها هتتحرم من الامتحان

(غالبا مفيش حد بيتحرم في الميد راوند..

بس في الاند راوند في ناس بتتحرم فعلا..

وكانت في رئساء وحدات مشددين علي الحرمان

لولا حظنا في الثورة والقلبان الي في البلد كان في ناس اتحرمت بجد

فانت اعرف نظام وحدتك وجلي بالك من الغياب

فانت متحطش نفسك في وش المدافع

و ترجع تبوس الايادي و تترافع

و يا ريت ساعتها هيبقى نافع

عليه العوض في الدرجات (و يا رب لأ) للناس اللي غابت
صورة

مشاركات: 11469
اشترك في: الخميس إبريل 04, 2013 10:28 pm

Re: medicine

مشاركةبواسطة دكتور كمال سيد » الاثنين إبريل 15, 2013 5:21 pm

الباطنة نظري و امتحان

عندك في النظري الشابترز الاتية:

Cardiology

Chest

Neurology

GIT
Rheumatology

Infections

Haematology

Nephrology

Endocinology

و دول برضه بتمتحن فيهم نظري

Paper

على 3 ايام النظام الجديد

Paper I (+ psychiatry)

Paper II (+ dermatology)

(written, cases, MCQ)

و عندك غير النظري:

(1) Clinical

و ده هقول الحاجات اللي مطلوبة فيه بس عشان انا قلت فوق في بوست قبل كده اني هبقى اقولهم:

General examination

Cardiology

Chest

Abdomen

Neurology

Miscellaneous: (Rheumatology, endocrinology, haematology, nephrology)

و ده بتمتحن فيه برضه بعض النظري في يومين:
يوم منهم
:
Long case:
حالة واحدة

History

General examination
Local examination

Diagnosis

Discussion with the professor
و اليوم التاني:

Short cases
حالتين:

امتحانهم زي رابعة و خامسة و زي الراوند...

هيبقى الدكتور قاعد على الحالة قبل انت ما تدخل...
و تدخل انت عليه يقولك

Percuss the pulmonary area

Palpate the liver…..

و بعدين فيه 3 حاجات تاني بيسموهم كده على بعض ال

Paraclinical

*** ECG:

*** X-rays

و دول امتحانهم في نفس اللجنة على شكل
Stations 5

2 X-rays

3 ECG

و كل
station
خمس دقايق... و الحسابة بتحسب...

*** Clinical pathology:

و ده بيتكلم عن التحاليل:

CBC

Urine analysis

Kidney function tests

Liver function tests

Cardiac enzymes & proteins

CSF analysis

Blood sugar

Serological tests

Clinical pathology slides

دي امتحانها عبارة عن امتحانين في يوم واحد

::امتحان منهم في ورقة
:
ريبورت موجود و انت تعلق عليه
و امتحان منهم مع دكتور
:
يطلعلك ريبورت و يناقشك فيه و يدردش معاك حوالين الموضوع

بس فيه ملحوظة
:
الدكاترة اللي هيمتحنوك هنا مش دكاترة باطنة
دول دكاترة

Clinical pathology
يعني الامتحان ان شاء الله مش تقيل... اخف من الباطنة...

شفوي (5)

لجنتين كل لجنة تدخلها تسحب ورقة... الورقة مكتوب فيها 3 اسئلة... الدكتور يسألك فيهم...

النظام ده لسه عاملينه السنة اللي قبلنا عشان مش كل دكتور يسأل غير التاني...

بس برضه لو دكتور عايز يسألك برة الورق بيسأل ... ده شفوي

و حاجتين كمان بقى بتمتحنهم برضه فيهم في أيام شفوي و عملي الباطنة

Dermatology:

لجنة شفوي

Andrology

لجنة شفوي

هتمتحنهم في نفس اليوم

بس مهم تذاكرهم... مش تقضيها نوم!!!

و تعمل حسابك على البدلة مع الهدوم

نصائح شتى،، يا داخلين سنة ساتة

دي أهم حلقة

احنا كده تقريبا اتكلمنا عن كل فسفوسة في السنة....

هما كلمتين و رد غطاهم مش رغي كتير و لا حاجة...

بس الكلمتين دول فيهم كل حاجة...

مش مهم خااالص تحضر لمين...

خااالص

مش مهم خااالص تذاكر منين

خااالص

يعني تحضر للدكتور الفلاني أو الدكتور العلاني

او متحضرش (بس منصحش انك متحضرش خالص كده... على الأقل في الكلية)

في كل الحالات مش فارقة...

يعني على مدى السنين عمرنا و عمرك و عمرها ما هتحصل انه يتقال الطالب ده مثلا معرفش يعمل كويس في
الامتحان عشان خاطر هو محضرش مع فلان

أهم حاجة مذاكرتك الشخصية....

و زي ما كان بيقول دكتور حسام موافي لما كانوا بيسألوه نذاكر منين...

كان بيقول ذاكر من أي حاجة بس ذاكرها كويس

ان شاء الله حتى تذاكر من ميكي... بس تذاكره كويس... تجيب امتياز...

أي كتاب ميفرقش عن الكتاب التاني ... يعني الكتاب اللي تستريحله هاته و ميهمكش حاجة خااالص

السنة مش قصيرة ... و مش طويلة برضه

احنا لسه أول امبارح كنا طالعين من خامسة و بنقول يا مسهل يا رب ... ساتة

و النهاردة السنة خلصت و انتوا دخلتوا علينا ... و بكرة هتبقوا زينا...

وزى ما دكتور المطرى بيقول

زاكر وانجز قبل ما سنه سادسه جديد تدخل عليكك

لو استغليت وقتك كويس... هتبقى مستريح قوي قوي... و لو قلت لسه معايا سنة بحالها ... و هقعد اربع شهور
في البيت بعد ما تخلص الدراسة و قبل الامتحانات يبقى هتتزنق و غالبا مش هتعرف تستغل الأربع شهور دول...

حاول السنة دي بالذات متتصرفش مع العلم زي أي سنة تاني
بمعنى ايه؟؟؟

انت فاضلك سلمتين و هتستلم وحدة صحية و مش هيبقى فيها غيرك... و هيجيلك عيان يقولك انا عندي الشكوى
الفلانية...

لو كان همك الامتحان و بس... هتلاقي صعوبة انك تتعامل مع العيانين...

فحاول السنة دي تحتك بالعيانين و تشوف الحالات و ايه اللي بيتعمل في كل حالة...

حاول لما تحضر لأي حد تهتم قوي قوي لما تيجي سيرة ان الحالة الفلانية لما بتقابلنا بنلاقي العيان بيقول كذا
فنسأله كذا و نعمل معاه كذا...

حاول متسيبش أي حاجة غير لما تفهمها ... تفهمها مش تحفظها زي ما هي و تقول هكتبها كده في الامتحان و خلاص...

اصل بعد الامتحان كل حالة هتقابلك هي امتحان لوحده...

أهلك... مامتك و باباك و اخواتك و اعمامك و خيلانك و كل قرايبك... أي حد عنده أي حاجة متسيبوش... هاته
لأي دكتور عندنا في الكلية و اسأل عن اللي عنده و ايه اللي يتعمل... دول أولى انك تهتم بيهم من العيانين
التانيين..

و اللي مالوش خير في أهله مالوش خير في حد...يعني لو معملتش كده معاهم يبقى هل منتظر منك انك تعمل
كده مع العيان اللي أول مرة تشوفه؟؟؟

و اخيرا هقولكم كلمة دكتور حسام موافي

عشان تنجح تعمل حاجتين
لا ثالث لهما

علاقتك بربنا كويسه
علاقتك بوالديك كويسه

مفيش حاجة ثالثة

1- الباطنه النظرى
السورسات

طبعا الشرائط نبتدى بيها علشان زمايلنا اللى مش بياخدوا دروس

عندك اكتر من سورس ولاكن نقول الاشهر

د الهوارى
د الشافعي

د اسامه محمود

د احمد موافى

د سامح لبيب

بالنسبه لشرايط دكتور الهوارى

طبعا دكتور الهوارى من اقدم الناس فى المجال ده واشهرهم

الشرايط فيها مشكله واحده وهى الكميه

الشرايط كبيره جداااااااا وبتاخد وقت كتير فى تفريغها

وعلشان كده لو قررت تسمع دكتور الهوارى

ننصح انك تنزل زيادات دكتور الهوارى من على الموقع علشان تتابع منها

د الشافعي

دكتور كويس بس الشرايط بتعته مش متوفرة قوي

الي موجود شاريط المراجعة بتعته او لوتعرف حد كان بياخد عنده او هياخد عنده خد منه
الشرايط

شرايط المراجعة زي الشرح مش بتفرق عنها وبتوفر وقت بس الاضمن انك تلاقي
شرايط الشرح

د اسامه محمود

احد علماء الباطنه فى مصر

وهو دكتور اساسا من عين شمس

الشرايط بتاعته لها صدى كبير جدااا فى القصر العينى

بيعتمد اسلوب مختلف فى الشرح من حيث اهميه الفهم وترابط الموضوع

امع انى مش كنت بسمعه

بس فعلا سمعت كلام كتييييير جدا خير فى الدكتور ده

د احمد موافى

دكتور منظم جداااااا وصاحب اسكيمه خاصه

ليه طريقه سريعه جدااااا فى توصيل وتحفيظ المعلومه

د احمد من اكتر الناس اللى انقذت الطلبه اللى اتاخرت فى المذاكره

لانك فعلا على شرايطه تقدر تخلص الباطنه فى اقل من شهرين وتخلصها كويس جداااااا

كل شررايط دكتور احمد موجوده على الموقع الخاصه بيه

د سامح لبيب

دكتور كبير جدااا والشرايط بتاعته متوفره كامله وبنقاء جيد

فى ناس كتير كانت بتفضل انها تسمعه على كتبه لانها سورس جيد جدااااا

طبعا وختاما لدكاتره الباطنه

رائد الطب الباطنى

د حسام موافى

حيث تنتهى الكلمات فى ابداع هذا الانسان

دكتور طبعا مفيش كلام يتقال عنه

وبجد بيعلمك ازاى تكون دكتور

Conclusion

د الهوارى

د احمد موافى

د سامح لبيب

د اسامه محمود

وهنا خد بالك من حاجة ... الباطنة غير الجراحة
ف الباطنة ممكن تسمع ف كل برانش دكتور مختلف

هي مش هتفرق كتير لان البرانشات تعتبر مستقلة بذاتها الا قليلا لما برانشين يتداخلوا
مع بعض بقوة

هو لو سمعت دكتور واحد هيكون افضل ... لكن مفيش مانع انك تنوع وبالذات ان فيه
دكاتره معينين مميزين في برانشات معينة

يعني مثلا
د / احمد موافي في الروماتولوجي ... بصراحة كويس جدا وبيلم الليلة كويس
دكتور أسامة في النيفرو .... بصراحة جميل وهكذا

ثانيا سورسات الكتب

1- د الهوارى
2- د احمد موافى
3- د الشافعى
4- د سامح لبيب
5- د اسامه محمود

د الهوارى
الكتب تحتل رواج نسبى بين الطلاب
طبعا هو سورس كبير ومحترم جدااا ودايما الدكتور بيحرص على تجديده سنويا
مشكله الكتب هى الحجم وعدد الصفحات
يعنى بالنسبه لطلاب معينه بيسموها
Photo memory
ومع ان فيه اتجاه مختلف بيقول
ان الدكتور مصمم الكتاب كده علشان السؤال يكون فى صفحه واحده
لسهوله حفظه

د أحمد موافى
وهي الموضة هذا العام
ناس كتير لجأت ليها وبالذات في الاواخر مع مراجعات

د / أحمد اللي عملها في القصر السنة دي
وبصراحة مكتوبه بطريقة كويسة وجايبة المعلومة من الاخر
.... ناس كتير بيشكروا فيها

د محمد الشافعى
ويأتي في المرتبه التانية بعد د / شريف
ناس كتير بتذاكر منها سواء مع الدكتور في الدرس او حتى من غير درس

وهي قريبة الى حد كبير من كتاب القسم

د سامح لبيب
كويسة بس
للاسف غالبية البرانشات مش ابديتيد

ومع ذلك الناس اللي بتاخد مع د / سامح بتذاكر منها

وحتى ناس من بره الدرس برده بتذاكر منها

هي فيها ميزة انها لاهي مختصرة قوي ولا مفرطه في الشرح قوي

فبتلاقي حجمها كويس

د اسامه محمود
طبعا سورس رائع لاى حد يقرر يسمع د اسامه كسورس رئيسى

بالنسبه للكتب
يستحسن تزاكر موضوع معين وتبص عليه فى اكتر من كتاب وتشوف هترتاح لمين فى كل برانش
لان مش كل الكتب لنفس الدكتور بتكون على نفس المستوى
يعنى ممكن يكون لدكتور كتاب رائع جدااااا وانت مش بتزاكر من كتب الدكتور ده
فى الحاله ديه
ينصح انك تجيب الكتاب الافضل مش شرط يكون نفس الدكتور اللى بتستعمل سورسه

وفي ناس كتير بتنقي كتاب من كل دكتور

يعني مثلا
الكارديو من الهواري لانة رائع

و النيوروا من حسن علوان لانه تحفة

والباقي من اي دكتو تاني

بس الكتابين دول لازم تجيبهم

الدروس

طبعا وصلنا للنقطة اللي كل الناس بتسأل عنها
.....
معرفش ليه بجد الناس مفكرة ان اللي ما بياخودش درس في ساته بيلبس في الحيطه
مع انه عادي جدا على فكرة
.....
ممكن ما تاخدش درس عادي جدا ولا حتى عملي " اللي بيقولوا عنه مادة تالته "
وده
مش صحيح
لاهو مادة تالته ولا حاجوة.... شوية تنظيم وكله هيبقى تمام

هنتكلم عن
الدروس المتوفرة الاول
وبعدين
نتكلم شوية في الفلسفة بتاعة الدروس
وممكن تنفعك ازاي

النظري

د\شريف الهواري

وده من الدكاتره الاكثر شعبيه في سنه 6

ليه قدره غريبه علي ارهاب الطلبه و اجبارهم علي المذاكره ..... و ببساطه جدا اللي
مش بيلتزم معاه بيمشيه من الدرس

بيعمل امتحانات كتيييير علي مدار السنه و بيسمع حصه بحصه و معندوش
يا ما ارحميني
يعني هيمشيكم علي عجين مش تلخبطوه..بالاضافه لانه خبره و فاهم هو بيعمل ايه؟ و
شرحه ممتاز

و طبعا بيشرح بالتفصيل الممل.... و بيطول جدا

اخر دكتور بيخلص المنهج في الدروس

و الفيذ بتاعه غالي حوالي 5 الاف جنيه علي مدار السنه

د\الشافعي

و ده بيجي في المرتبه التانيه بعد د\ شريف الهواري

شرحه ممتاز و مش بيطول زي د\ شريف و بيلم المنهج معاك علطول و بيخلص بدري

بس مش بيتابع اوووي طول السنه و بيعتمد في لم المنهج علي المراجعه

د\ سامح لبييب

ومعرفش ناس كانت بتاخد عنده بس بيقولوا كويس والناس مبسوطين منه جدا
ومستريحين معاه جدا

د\ أحمد موافي

ده بقي
رايق الباطنه

مبدأه : ليه تذاكر اكتر لما ممكن تذاكر اقل

بيشرحه باختصار لذيذ جدا

الباطنه عنده عباره عن اسكيمات و تجميعات

وده بيبقي تحفه في المراجعه و اوقات الزنقه

بس صعب نمشي معاه من اوول السنه

العملي

د. محمد علي

راجل محترم جدا وبيحب الطلبة جدا جدا

وبيشوف شغله على أكمل وجه عنده كل الطلبة أخواته الصغيرين وقريب جدا منهم

بيوصلك المعلومة بأقصر الطرق المتاحىة في أسرع وقت ممكن

حصته بتقعد بالضبط ساعتين الا ربع

وكل حصة بيبقى فيها عيانين

وغير انه بيجيب حالات على الشباتر اللي اتشرحت قبل كده بحيث أنك تبقى جاهز
للامتحانات

د. أشرف زكي

واحد من المتميزين

اسمه تاريخ بالرغم من ان ناس كتير بتاخد معاه وهي مش مستريحة

كتبه جامدة جدا وهو بيشرح كل فسافيس الطب (ميزة وعيب) عارف كل خبايا الشفوي

بس عيبه التطويـــــــــــــــــــل الكتير جدااااااااااااا

بيدي حصتين في اسبوع كل واحدة ساعتين

والاسبوع اللي بعده تبقى واحدة بس 4 ساعات قابلة للزيادة

غير
ان كتبه كتير كتير زائد العيب الأساسي أنه بيشرح نظري كتير جدا لدرجة الملل

و بيشرحلك من النظري قاعده عريضه يبني عليها شرحه العملي

بيطول جدا : هو بيقول علي نفسه لو مطولتش اموت.. و بيخلص العملي اخر ولحد

و د\ أشرف هيكون ممتاز جدا للناس اللي مش بتاخد نظري

وصعب اوووي الجمع بينه و بين د\ شريف الهواري

و اللي منكم هياخد مع د\ أشرف لازم يذاكر وراه من اول يوم ... لانه لو معملش كدا
هيكره عيشته

د. إيهاب

دكتور كبير في السن خبرة كبيرة

لكن عيبه انه بيشرح نظري الكلينيكال وبعد كده يغرق الدنيا حالات في يوم واحد
وتقريبا د. اشرف يعمل كده بردو

بس بيبقى في اليوم ده 13 او 14 حالة

د. عابدين

أكبر الدكاترة سنا وأقدمهم تقريبا هو اللي اخترع موضوع دروس عملي الباطنة

راجل دمه خفيف جدا وشرحه بردو خفيف جدا جدا

حصة أسبوعي وفي الجون

بيشرح ويجيب حالات وبيعرفك هتعمل ايه بالحرف

عيبه انك هتحس انك بتتقلب غير ان عدد حالااته قليل

د. تامر

الناس اللي كانت بتاخد معاه كانت بتشكر فيه جدا وبيقولوا انه بيدي على قد المطلوب
وكويس

وفي النهاية كله بيتساوي مش فارقة قوي عند مين خد عند الي ترتاح ليه

بس ملحوظة

هتروحوا تجربوا اول السنة الدكاترة وده مش بيبقي مقياس لان الدكاترة
بتبقي رايقة وبتطلع في صورة احسن من صوتها

ودكتور اشرف بيقولك دول بيطلعوا اشعات اني بطول ويدحك عليك وتاخد الظنبة الكبير

السنادي مثلا
كان محمد علي مخلص في نص شهر 6

وكان اشرف زكي مخلص اول شهر 8

وكانت الناس بتشتكي من طول الحصة وانهم مش بيقدروا يكملوا

عشان كده نصيحه مني

شوف الدكتور الي ترتحله ويكون بينجز
صورة


العودة إلى orientation

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron