surgery

مشاركات: 11458
اشترك في: الخميس إبريل 04, 2013 10:28 pm

surgery

مشاركةبواسطة دكتور كمال سيد » الاثنين إبريل 15, 2013 4:15 pm

الجراحة:

نص الدفعة الجراحة بيتقسموا على وحدات الجراحة المختلفة
و هتلاقي هنا على السايت اسامي الوحدات و أماكنهم و معلومات عنهم و عن نظام الشرح فيها و الغياب و
الدكاترة و الامتحان و .. و ...

الراوند بيبدأ الساعة 9 الصبح، لغاية 11 برضه الرسمي)

و من 11 ل 12 فسحة العميد (ساعة الانشطة اللي بيقولوا عليها)

و من 12 سبيشال و سيأتي ذكره لاحقا.. ان شاء الله..
و الختلاف عن الباطنة ان بيبقي الامتحان اند راوند بس

وبيبقي في امتحان لكل الدفعة فيشهر سبعة نظري علي المنهج ..

هو في اختلاف شوية عن نظام الباطنة

في الباطنة انت بتقضي الخمس شهور كلهم في وحدة واحدة

لكن في الجراحة مش كده

انت بعد ما بتمتحن المد راوند... بتنتقل من الوحدة اللي كنت فيها للوحدة اللي قدامها
تاخد فيها نص الراوند التاني و تمتحن فيها الاند راوند

(انتوا عارفين نظام القصر العيني ان كل وحدتين جراحة بيبقوا قدام بعض كده و ليهم نفس المدخل و نفس الرقم بتاع الوحدة)

هتلاقي بقى في الجراحة الوحدات مختلفة عن بعضها اختلافات في بعض الاحيان كبيرة

نتكلم شوية:
هو في الشرح أساسي بتلاقي فيه شرح للحالات الكلينيكال خامسة
(بس الحالات في ساته اكتر شوية.. هنتكلم عنها بعدين ان شاء الله

الاختلاف بقى في ايه:

هتلاقي وحدات بيشرحوا فيها اشعات.. وحدات لأ

وحدات بيشوفوا فيها جارات.. و المعظم لأ.. (و هنيجي للجارات و نقول عنها لوحدها)

وحدات امتحانها حالات كلينيكال بس.. خامسة..
شيت و بلكونة و لجنة شفوي

و وحدات بتمتحن اشعات كمان ..

و وحدات حالات و اشعات و جارات
زي وحدة دكتور صفوت عبد القادر..

و دي ليها نظام لوحده كده

وحدات عندهم يوم في العيادة الخارجية

وحدات لأ

يعني من الاخر مش هتلاقي نظام معين..

بس عموما عشان الموضوع ميسحش

و عشان نلخص و منطولش..

الأساسي
شرح و امتحان

حالات (زي خامسة.. شيت و بلكونه و لجنة شفوي)

و الحاجات اللي ممكن تلاقيها و ممكن لأ:

اشعات

جارات
mcq

يوم في العيادة الخارجية..

حلوة الجراحة

و الجراحة.... راحة

الجارات:Jars

المفروض هنتكلم عنها في حاجات اخر السنة

بس نقول كلمتين برضه::

الجارات دي بعضها موجود في متحف الجراحة

(اللي هو في قاعة الامتحانات في مركز المؤتمرات.. بس بدل ما تخش يمين على متحف الباثولوجي، تدخل شمال
على متحف الجراحة)

و بعضها موجود في الاقسام..

و بعضها موجود عند الدكاترة..

و بعضها بيتصنع دلوقتي.. دكتور في العملية شال عينة عجبته.. يقول خد يابني حطها في جار و شوية فورمالين..

في سيديهات جارات...

و كل دكتور عامل كتاب للجارات...

بس زي ما قلنا:: الجارات متفرق دمها في كل حتة..

يعني لا سيديهاية تهم و لا كتاب يلم..

هقولك أهمية الجارات من ساعة ما تخش ساته لغاية ما تخرج من الناحية الثانية سليما معافى باذن الله:

اهميتها في حاجتين:

لو جيت في وحدة بيمتحنوا فيها جارات..( دي وحدات قليلة جدا جدا .. و غالبا هتخش الراوند و تطلع و مش
هتسمع عن حاجة كده)

الحاجة الثانية اللي كده كده بقى لازم تعدي عليها (و هي دي اهميتها بصراحة)..

في ااخر السنة خالص.. و بعد ما تخلص امتحان نظري بقى باطنة و جراحة..

و تخش في الامتحانات التانية الكتير دي

ودي بتختلف من سنة لتانية ونظام امتحنا

ياما تبقي اسلايد وعليها اسالة شفوي

او

و لجنة جارز...

تدخل على الممتحن تلاقي محطوط قادمه كام جار كده

يقولك ده ايه يابني::

فتمسك الجار و تقلبه من الست نواحي عشان تعرفه.. و الأهم عشان تراجع النظري بتاعه في دماغك..

و بعدين انت بتبقى حافظ بقين كده تروح قايلهمله:

العينة دي كذا و اتاخدت بالطريقة الفلانية و فيها كذا عشان كذا..

اقولك مثال بس متقولش انت بتطول؟

عشان بس ااخر السنة تيجي ترجع للكلام ده و تقول اه و الله طب كويس انه كان كاتب كده..

بس تبقى تدعيلي.. أوك؟

For example:

Appendix... Showing characters 0f inflammation... there's loss of lusture & its inner surface shows inflamed mucosa… adhesions… bla bla bla…


يقولك طيب طيب (عادي يعني البقين الجامدين اللي انت قلتهم مش فارقين معاه .. عارف انك حافظهم)

قوللي بقى:

Complications of appendicitis..

تقوله:: و انت بتجاوب تقول

Generalized peritonitis

يقولك طيب ايه ال

Signs of generalized peritonitis??

و هكذا تقلب شفوي بقى زي ما انت عارف... يعني هي دي لجنة الشفوي بتاعت الجراحة

يعني ليهم حق ميعملوش لجنة شفوي لوحدها..

يعني الجار ده جر شكل و خلاص..

و ممكن كمان تمسك الجار متبقاش عارف ده ايه:: يروح الدكتور يقولك: ده كذا ده كذا.. قوللي بقى.. تعرف ايه
عن..؟؟

و تقلب نظري برضه....

كنا بنقول بقى الدكاترة بيقولولك ايه؟؟

يا ابني متجيبش كتاب للجارات...

و متضيعش وقتك في المتحف...

و مش مهم خالص لو دخلت لجنة الجارات و انت متعرفش شكلهم اصلا...

احنا بنقولك على حاجات تعرف بيها الجار...

و اللجنة تقلب شفوي...

و يا دار... ما دخلك جار...

ودمتم.

اسبيشالات الجراحة:

على اعتبار ان اللي بيقرا دلوقت قرا الكلام اللي فوق عن اسبيشالات الباطنة

و ان الاسبيشالات دي حاجة تابعة للمادة الكبيرة

و انك بتروح تدرسها كل واحدة في مكانها كل يوم من الساعة 12

و ان كل اسبيشال مدته 3 اسابيع و بتمتحن امتحان من 7

درجات و بتغير على السبيشال اللي بعده..

و انه غالبا ليه مصدر مذاكرة صغير (ملزمة) تجيبها و تذاكرها و تمتحن فيها و بعد كده مش هتذاكر منها..
هتذاكر بقى من الكتاب الكبير العادي لأمتحان اخر السنة

و ان الامتحان على حسب كل سبيشال..

في شفوي

و في ام سي كيو

و في بقى سبيشال في الجراحة مفيهوش امتحان ... تقدم بحث و خلاص... اللي هو سبيشال الراديولوجي (الاشعة)

و انك هتلاقي على الموقع هنا كل ما يتعلق بكل اسبيشال و هتقراه ساعتها عشان تفهم الدنيا ماشية ازاي...

مش قلنا الكلام ده؟؟

ايه سبيشالات الجراحة بقى؟؟

عظمOrthopedics

تخديرAnaesthesia

مسالكUrosurgery

أشعة radiology

جراحة صدر cardiothoracic surgery

جراحة اعصاب Neurosurgery

للأسف مفيش حاجة هتمتحنها و ترميها خالص

الباقي بقى:

العظم و اليورو و الكارديوثوراسك و النيورو و التخدير بتمتحن فيهم مع النظري اخر السنة
..
احنا اتكلما عن
نظام الحضور

وشكل السنة هيبقي ازاي

دلوقتي هندخل علي المنهج من كتب ودروس

كتب القسم... و اللي رقصوا على السلم...

الجراحة و الباطنة منهج و منهج...

أما عن كتب القسم... فبما ان حضرتك دلوقت في سنة سادسة قصر العيني

فمش محتاج اكلمك كتير عن كتب القسم... و اظن القارئ دلوقت متخيل انا عايز اقول ايه...

كتاب الجراحة بتاع القسم كتاب جميل (كتاب جميل فعلا مش تريقة و لا حاجة)

مليان صور و الوان و منظم و شكله متعوب فيه فعل

تقرا منه... تفهم
بس لو عايز تحفظ منه... مش هتعرف... لأنه معمول في شكل

Paragraphs

كتاب الباطنة بقى بتاع القسم من بره كتاب جميل
معموله جلده تخينة و لا أجدع

مع ان الطبعة الجديدةلغوامنها الجدلة دي كمان

فانت وحظك

Text book

و عليه صورة الساعة بتاعة قصر العيني بكل فخر
...
بس من جوه بقي

هو لو قريت موضوع لوحده كده مش مشكلة

لكن تيجي تقرا منه كذا موضوع.... تلاقي كل موضوع مكتوب بتنظيم مختلف تماااما عن تنظيم الموضوع التاني...

يعني لا ينفع قراءة و لا ينفع مذاكرة
...
خلي بالك ده مش كلامي عشان محدش يقول اني متحامل و لا حاجة
...
كل دكاترة الباطنة بنفسهم بيقولوا كتاب وحش... قولتش انا حاجة؟؟؟

على عكس دكاترة الجراحة اللي متمسكين بكتاب القسم جدا
...
يعني كتب القسم لا نفعت في الحفظ... و لا منها تتعلم
...
يعني لا مذكرة ، و لا تكست بوك تقدر عنه تتكلم
...
يعني...... زي اللي رقصوا على السلم

بصوا هو كتاب القسم مهم جدااا بالنسبه ليكم
لان الكتب السنه دى اتغيرت ومهم جدااا انك تكون عارف المواضيع الجديده اللى نزلت فيه

اللى مش عاوز يزاكر منه

يصور نسخه يخليها جنبه يبص عليها بس

جراحة و باطنة منهج و منهج و امتحان و امتحان و توزيعة درجات و توزيعة درجات

في الجراحة منهج و امتحان عندك:

نظري

General surgery

GIT surgery

Special surgery

(Orthopedics)

جراحة عظام

(Urology)

جراحة مسالك

(Neurosurgery)

جراحة مخ و اعصاب

(Cardiothoracic surgery)

جراحة قلب و صدر

(Anaesthesia)

تخدير

و امتحان النظري بيبقى

Paper

على 3 ورقات ده النظام الجديد

(Written, Cases, MCQ)

و غير النظري عندك حاجات تاني:

(1)Clinical

امتحانه بتنزله بعد النظري:::

يوم منهم

Long case:

حالة واحدة بس...

تدخل على الحالة يبقى المطلوب منك الاتي
:
History

General examination

Local examination

Diagnosis

Discussion with the professor

و يوم تاني

Short cases

و دول حالتين... و امتحانهم زي رابعة و خامسة و زي الراوند
...
يعني مفيش

General examination


(2) Operative:

بتدرس فيه الخطوات اللي بتعملها في العمليه

هو كان في النظري بيقولك المرض ده بنعالجة بعملية كذا من غير تفاصيل و لا خطوات... و كمان التفاصيل مش مطلوبة في امتحان
النظري...

لكن هنا بقى بيتكلم عن كل عملية بالتفصيل...

امتحانه بيبقى عبارة عن لجنة شفوي في نفس اليوم اللي بتمتحن فيه جارز (فاكرين الجارز؟ J)

يعني لما تيجي تذاكره مش بتحفظه زي ما بتحفظ النظري

كفاية انك تكون فاهمه و تعرف تتكلم فيه مع الدكتور...

(3) Jars
احنا كنا قلنا عنها كلام قبل كده ..

(4) X-rays:

بتمتحن فيها بعد النظري في يوم مع الاناتومي
و امتحانها عبارة عن
مدرج بتقعد فيه و يتعرض قدامك على الشاشة صورة الاشعة...
و اسئلة
True or false
و دمتم
..
لغاية السنة اللي فاتت كانت الصور بتيجي من سي دي القسم بالضبط... مش صورة زيها لأ هي...

مش عارفين السنة دي هيعموا ايه؟؟


(5) Anatomy
القسم بينزلك ايه المواضيع اللي عليك في الاناتومي

و ده زي اناتومي أولى و تانية بالضبط...مع زيادة حاجة اسمها

Applied anatomy

دي بقى بيديهالك بتوع الجراحة ... يعني احنا لما عرفنا المعلومة دي في التشريح... استفدنا منها ايه في الجراحة...

اهمية ال

Anatomy

لاخر السنة 3 حاجات:::

أول حاجة بييجي سؤال تحريري في الورقة
ثاني حاجة بتمتحن فيها بعد ما تخلص التحريري في نفس يوم ال

X-rays

و برضه نظام امتحانها مدرج بتقعد فيه و يتعرض صورة على الشاشة و عليها اسئلة

True or False

(لسه كانوا بيقولولنا السنة دي عايزين يرجعوا نظام زمان... بدل مدرج و اسئلة تبقى في المشرحة على الجثث...
بس لسه مستقروش على حل...

يا رب لأ... عشان كل حاجة في الجثة بتبقى لونها أسود و شبه الثانية... لكن الصورة صورة أطلس...

ثالث حاجة:

و انت في امتحان العملي:: في حالات معينة ممكن الممتحن يسألك فيها عن الاناتومي

زي مثلا:

Varicose veins

Nerve

Hernia

Thyroid
صورة

العودة إلى orientation

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron