الشاعر السوداني محجوب شريف

مشاركات: 9093
اشترك في: الخميس إبريل 04, 2013 10:28 pm

الشاعر السوداني محجوب شريف

مشاركةبواسطة دكتور كمال سيد » السبت مايو 24, 2014 10:54 pm

صورة

الشاعر السوداني الكبير محجوب شريف ولد في العام 1948م في مدينة أمدرمان.
كتب عدد كبير من القصائد التي تغنى بها عدد كبير من الفنانين السودانيين الكبار أمثال محمد وردي, عثمان حسين و فرقة عقد الجلاد الغنائية التي قدم لها عدد من كتاباته الشعرية.

أكمل محجوب شريف المراحل الإبتدائية والمتوسطة والثانوية في الفترة ما بين ( 1956 – 1968 ) حيث درس في كل من ” مدرسة العرب, معهد التربية بالخرطوم”


الحياة العملية لمحجوب شريف

إلتحق الشاعر بالتدريس منذ العام 1968 معلماً بالمدارس الإبتدائية ومسؤولاً للمناشط التربوية بالمدارس الحكومية حتي العام 1978, إلى ان تم فصله وإحالته للصالح العام في 1989م.


الحياة الإجتماعية لمحجوب شريف

متزوج من الاستاذة أميرة الجزولي “معلمة وإدارية بجامعة الخرطوم”
أب لبنتين, مريم محجوب شريف ( مواليد 1983م, خريجة من كلية الاقتصاد والدراسات الإجتماعية ) و مي محجوب شريف ( من مواليد 1987م , درست كلية الفنون الجميلة ).


أشعار محجوب شريف وعلاقتها بالسياسة

إشتهر الشاعر محجوب شريف بكتابة القصائد التي تقف مع الشعب ضد الظلم والقهر و الفقر وغلاء المعيشة و التنديد بالحكم العسكري والإنقلابات لذلك لقب بلقب “شاعر الشعب”.


وفاة الشاعر محجوب شريف

توفي الشاعر محجوب شريف يوم الأربعاء الموافق 2 أبريل 2014 بعد صراع طويل مع المرض
قضى أيامه الاخيرة بالمستشفى الذي كتب فيه آخر كلماته

المصدر: ويكابيديا+ مصادر خاصة.
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الاثنين سبتمبر 15, 2014 5:25 pm

وداعـــــاً أخــــر مــلــوك النـيــل

في رثاء شــريف الشـعب الشاعر الراحل محجوب شريف

القصيدة للشاعر: عادل احمد يوسف (( السعودية ))


طرز المبدع في الاسماع ماساة السنين
واذاع الالم مرسوما علي سطح الجبين
مات حب الشعب والوجه المفدي كشموس الاولين
وانطوت كل الحكايات الرصينة دوحة العز وعطر الياسمين
واستكان الشعب في بحر من الصمت متين و كمين
أي صدف قد حواه البحر في احشائه مداً وجزراً مثل أسراب السفين
حمل الراية في صولاته واكتوي نارا وسجنا وهو مرفوع الجبين
شاعر الشعب وهل من شاعر خلد الحكمة طوقا من حنين
, حمل الهم علي علاته وقهر السطوة بالعذب المتين
عاش كالطائر بفرش أيكه وفي ضمير الوطن بالصوت الحزين
أي نعش طار من حامله يوم غاب البدر والكنز الثمين
أنزوي الرأي والقلم الأمين وماتت الجرأة والشجن الدفين
أخر الانهار في رحلته و في قطار الكون في جوف السنين
شده الباس والمرض اللعين وكان ايوبا بجلد الصابرين
أيها المحجوب أنا أمة ثكلت في موكب الشعر الركين
أيها المحجوب هل من مأتم زلزل الدنيا وبأس الصابرين
أيها المحجوب هل من ثائر اوقد الشعلة فينا من سنين
أنت جيفارا وحامل فكرة أرقت جلاد مايو وبغاث الطامعين
أنت للنيل قرين وأنت للشعب حسيب ومعين
أنت للسودان وهج ضياءه شاعر الوجدان والقلب الحنين
أنت ترهاقا وللماضي باق,انت للحاضر والفن المصون
كل من لف العمامة أرتوي من رحيق الشعر والحرف الرنين
أنني الشعب وحزني مارد ,كيف أوفي دين من حرس العرين
لف بالعلم وحزن عارم لف قدر الشعب في اليوم الحزين
مال وجع الفقد فينا.ساكنا وشح الالم وجوه الهائمين
نم بعون الله في جنته , ايها المحبوب والسمح السنين

__________________
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الخميس سبتمبر 25, 2014 6:08 pm

التحية للرائع الراحل المقيم محجوب شريف فكان أكرم من كافأ المرأة بحروفه الشريفة فى رائعته ست البيت

صباح الخير مساء النور ست البيت
وست المكتب الفاتح على الجمهور
ختم الدولة جنبك هيبة قط لم تقبلى المصرور
حلال وبلال عليك يا أم مرتب بالتعب ممهور
ساعة رضاعة أجمل من سياحة شهور

النوم النوم نوم وتعال النوم النوم سكت الجهال
اخر من تنومى وتقومى دقش بدرى قبل الشمس
ما تترك سرير النوم ويغادر عشتو العصفور
تحرسيها اللبينة تفور
تسوى الشاى يا ألاهى يا ألاهى كم من سندوتش فطور
للمتحنة والبهاتى جارى يحصل الطابور
وبرضو وراك مستنيك هم دفتر غياب وحضور
لفحنا العمة وخليناك بين الحلة والماسورة

رتبتى القميص والطرحة حفظتى النشيد والسورة
والتعب البخلى الصورة فى عينك أجمل صورة
ديك الحجلة وداك البلى ياما تشترى ياما تبلى
ما بتكلى ما بتملى ما بنقص حنانك مللى

هل هذا عمل مأجور..؟؟
ممرضة سسترة ودكتورة
توب السهرة ابيض ناصع بين الضاير نور
مدرسة حيث مدرستك
حنانك سور
كراريس الصبا الباكر تذاكر نحو بكرة مرور

سلاما عمتى الفراشة
المقشاشة جنبك كم بشوفة زهور
بت الشدة والوردية والمكنة التى ليلا ونهار تدور
تحت الشمس فى الحواشة
بين الحبة والزرزور

كليلك كليلك جمبك الكمبيوتر تكتيبة
صبح الشاشة ياخد من عيونك نور
بين الكادحين وغلابة والعزابة
ست الكسرة أحب القرقريبة
القرقريبة .. القرقريبة قريبة فى أيدك فراشة تدور
والهبابة والعرق البنقط داك ذى قمرية فوق السور

تغازل فى الضحى النقاع
عشة وميرى مدرسة الحياة المعمورة
لا كراس ولا سبورة لا تقرير سمح رقاقى لا دبورة
تحيى تعيشى لا مقهورة لامنهورة
لا خاطر جناك مكسور بل مستورة

يا ذات الضرا المستور
سلاما يا غزالات العمل والبيت ملاياتك ضفاف النيل
احب واديك هذا الحوش
أحب الشاى مع القرقوش
احب المستك الفواح
اهيم فى غمرة النعناع
بن ومدق وجمرو تسخن الايقاع
سلاماً يا نساء الارض قاطبة فى كل مكان
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الجمعة ديسمبر 26, 2014 4:11 pm

رائعة محجوب شريف (أيه الحصل؟)................!!


صورة

ايه الحصل ؟!
ليه الجدل ؟!
ايه يعنى
لو جاكم تراب !!
او حر شديد !!
او حتى
امطار من زحل !!

صورة

القصة ما جو البلد
القصة فى حال البلد
الفقر والجوع والدجل
الظلم والجهل العجيب
القهر والصمت المريب
والقصة ..
فى قانون سخيف
ﻻ يحكم اﻻ ..
على الضعيف
والقصة ..
اخطاء الطبيب

صورة

القصة..
جد ما ليها حل
والحكمة فى
الصبر الغريب
فى شعب
عايش دون امل
وايه الحصل ؟!
ليه الجدل ؟!
القصة جد
ما ليها حل

صورة

ومصابنا
ما الجو والتراب
مصابنا
فى البلد السراب
وعزانا فى لمة اهل
ﻛﻞ ﻋﺎﻡ ﺯﻱ ﺍﻟﻠﻲ ﻓﺎﺕ
ﻧﻔﺲ ﺍﻟﺘﻔﺎﺻﻴﻞ ﻭﺍﻟﺤﻠﻢ ..
ﻧﻔﺲ ﺍﻻﻣﺎﻧﻲ ﺍﻟﻄﻴﺒﺎﺕ ..

صورة

ﺍﻟﺒﻨﺎﻳﺎﺕ..
ﺍﻟﻨﻔﺎﻳﺎﺕ ..
ﺍﻻﺷﺎﺭﺍﺕ ..
ﺍﻟﻐﻨﻴﻮﺍﺕ
ﺍﻟﻜﺘﺎﺑﺎﺕ ..
ﺍﻟﺸﻌﺎﺭﺍﺕ ..
ﺍﻟﻌﺒﺎﺭﺍﺕ ..
ﺍﻟﺤﻜﻮﻣﺎﺕ ..
ﺍﻟﻘﻴﺎﺩﺍﺕ ..
ﺍﻟﺤﺮﻭﺑﺎﺕ ..
ﺍﺟﺘﻤﺎﻋﺎﺕ ..
ﺍﺗﻔﺎﻗﺎﺕ ..
ﺍﺧﺘﻼﻓﺎﺕ.
ﺍﻧﺘﺨﺎﺑﺎﺕ ..
ﺑﺮﻟﻤﺎﻧﺎﺕ ..
ﻭﺍﻏﺘﻴﺎﻻﺕ ..
ﺍﻟﻬﻨﺎﻳﺎﺕ ..

صورة

ﻭﺑﻠﺪﻧﺎ ﺍﻛﻌﺐ ﻣﻦ ﺍﻣﺲ ..
ﺍﻟﺴﻴﺪ ﺍﻟﺼﺎﺩﻕ ﻳﺒﻴﻊ ..
ﻭﺍﻟﻤﻴﺮﻏﻨﻲ ﺍﻟﻤﺄﻣﻮﺭ ﻳﻄﻴﻊ ..
ﻭﻳﺎﺍﺍ ﺷﻌﺒﻨﺎ ﺍﻟﻤﺴﻜﻴﻦ ﺗﻀﻴﻊ..
ﻭﺍﻟﺮﺍﺩﻱ ﻟﻼﺧﺒﺎﺭ ﻳﺬﻳﻊ..
ﻧﻔﺲ ﺍﻟﻤﻼﻣﺢ ﻭﺍﻟﺼﻮﺭ ..

صورة

ﻧﻔﺲ ﺍﻟﺘﻤﺎﺭﻳﻦ ﻭﺍﻟﻜﻮﺭ ..
ﻧﻔﺲ ﺍﻟﻠﻌﺐ ﻧﻔﺲ ﺍﻟﻜﻔﺮ ..
ﻭﻧﺴﺠﻞ ﺍﻟﻼﻋﺒﻴﻦ ﻛﺘﺎﺍﺍﺍﺭ ..
ﻭﺗﺠﻴﺐ ﺟﺮﺍﻳﺪﻧﺎ ﺍﻟﺸﻤﺎﺭ ..
ﺗﻌﻠﻦ ﻭﺻﻮﻝ ﻻﻋﺐ ﺧﻄﻴﺮ ..
ﻳﻠﻌﺐ ﺳﻨﺔ ..ﺷﻦ ﺍﻟﻠﻌﺐ ..
ﻭﻓﺮﻳﻘﻨﺎ ﻗﺒﻞ ﻳﺮﻙ ﻳﻄﻴﺮ ....

صورة

ﻭﻟﺴﻪ ﺍﻟﺼﺮﺍﻉ ﻣﺎﺯﺍﻝ ﻃﻮﻳﻞ ...
ﺟﺮﺡ ﺍﻟﻮﻃﻦ ﻣﺎ ﺯﺍﻝ ﻛﺒﻴﺮ ..
ﻭﻧﺤﻦ ﺑﻨﺮﻗﺺ ﻓﻲ ﺍﻟﺒﺸﻴﺮ ..
ﻭﻛﻞ ﻋﺎﻡ ﻭﺍﻟﻨﺎﺱ ﺑﺨﻴﺮ ..
ﻣﺎﺕ ﺟﻮﻥ ﻗﺮﻧﻖ ﻳﻈﻬﺮ ﺧﻠﻴﻞ ..
ﻳﺮﺣﻞ ﺧﻠﻴﻞ .. ﺣﻴﺒﻴﻦ ﺑﺪﻳﻞ ...

صورة

ﻭﻧﺒﻴﻊ ﺿﻤﺎﻳﺮﻧﺎ ﻓﻲ ﻣﺰﺍﺩ
ﻭﻧﻜﻮﺱ ﻋﻦ ﺍﻟﻮﻃﻨﻴﺔ ﺯﺍﺩ ..
ﻭﻃﺮﻳﻘﻨﺎ ﺃﻃﻮﻝ ﻣﻦ ﻃﻮﻳﻞ ..
ﺟﺎﻣﻌﺎﺕ ﺗﺨﺮﺝ ﺑﺄﻻﻟﻮﻑ ..
ﻭﺷﺒﺎﺑﻨﺎ ﻓﻲ ﺍﻟﻄﺮﻗﺎﺕ ﻳﻄﻮﻑ ..
ﺗﻌﺒﺎﻥ ﻳﻔﺘﺶ ﻋﻦ ﻋﻤﻞ ..
ﺑﺤﻠﻢ ﻳﻐﻴﺮ ﻟﻠﻈﺮﻭﻑ ..
ﻭﺍﻟﻤﺎﺳﻤﻊ ﺑﺎﻛﺮ ﺑﻴﺸﻮﻑ ..
ﻭﺍﻟﻌﻤﺮﻭ ﻣﺎﺿﺎﻕ ﺍﻟﻠﺤﻢ ..
ﻛﻴﻔﻦ ﻳﻔﻜﺮ ﻓﻲ ﺍﻟﺨﺮﻭﻑ .. ؟

صورة

وﻏﻨﺎﻧﺎ ﺭﺍﺟﻊ ﻟﻲ ﻭﺭﺍﺀ ..
ﺣﻔﻼﺗﻨﺎ ﻛﻠﻬﺎ ﻭﺭﺍﺀ ﻭﺭﺍﺀ ..
ﻭﻗﻴﻤﻨﺎ ﺭﺍﺟﻌﺎﺕ ﻟﻮﺭﺍﺀ.
ﺟﺎﺭﻱ ﺍﻟﺸﺤﻦ ..
ﻭﺑﻨﺎﺗﻨﺎ ﺟﺎﺭﻳﺎﺕ ﻭﺭﺍﺀ ﻭﺭﺍﺀ ..
ﻭﻃﺎﻋﻨﻲ ﺩﺍﻳﻤﺎ ﺑﻲ ﻭﺭﺍﺀ ...
ﻭﻗﺎﺻﺪ ﻣﺤﺒﺘﻲ ﺗﺨﺴﺮﻫﺎ .
ﻭﺇﻧﺸﺎﺀ ﺍﻟﻠﻪ ﻳﺎﺥ ﺭﺍﺟﻞ ﻣﺮﺓ..

صورة

ﻭﺑﻨﺎﺗﻨﺎ ﻛﺎﻳﺴﺎﺕ ﺍﻟﻌﺮﺱ ..
ﻛﺎﻥ ﺑﺎﻟﻜﺮﻳﻤﺎﺕ ﻭﺍﻟﺤﺒﻮﺏ ..
ﻭﺣﺮﺍﻣﻲ ﺳﺮﺍﻕ ﺍﻟﻘﻠﻮﺏ ..
ﻭﺭﻭﻧﻲ ﻛﻴﻔﻦ ﺑﺲ ﻳﺘﻮﺏ ..
ﺍﺫﺍ ﺣﺎﻝ ﺍﻟﺒﻠﺪ ﻣﺎﻳﻞ ..
ﻭﻛﺎﻥ ﻛﻞ ﺍﻟﺒﻠﺪ ﻣﻨﻬﻮﺏ ..
ﺑﻨﻐﺶ ﻓﻲ ﻧﻔﺴﻨﺎ ﻧﻔﺘﺨﺮ .. ﻭﻧﻜﺎﻭﻱ ﻓﻲ
ﺑﺎﻗﻲ ﺍﻟﺸﻌﻮﺏ ..

صورة

ﻭﻟﺴﻪ ﺑﻨﻜﺘﺮ ﻓﻲ ﺍﻟﻜﻼﻡ ..
ﻛﻠﻢ ﻗﺮﺍﻳﺒﻚ ﺑﻘﺮﺵ ..
ﻭﺍﺻﻞ ﺣﺒﺎﻳﺒﻚ ﻭﺍﻧﺘﻌﺶ ..
ﻋﺎﻟﻢ ﺟﻤﻴﻞ ..
ﻛﻞ ﻋﺎﻡ ﻭﺍﻧﺘﻢ ﺑﺨﻴﺮ ..
ﺭﻳﺢ ﺑﺎﻟﻚ ..
ﻭﺍﺭﺣﻢ ﺣﺎﻟﻚ ..
ﻭﺑﻠﺪﻧﺎ ﻛﺎﻥ ﺳﻮﺩﺍﻧﻲ ﻭﻥ ( 1) ..
ﻭﺍﻟﻠﻴﻠﺔ ﺍﺻﺒﺢ ﺗﻮ( 2 ) ﻭﻃﻦ ...
ﻭﻣﻤﻜﻦ ﻳﻜﻮﻥ ﺍﻛﺘﺮ ﻣﻤﺎ ﺗﺘﻮﻗﻊ ..
ﻓﻘﻂ ﺍﺿﻐﻂ ﻧﺠﻤﺔ .. ﺣﺮﺏ .. ﻣﺮﺑﻊ ..

صورة

ﻣﻌﻚ ﻓﻲ ﻛﻞ ﻣﻜﺎﻥ ...
ﺁﻵﻡ ...ﻋﻠﻰ ﻣﺮ ﺍﻟﺰﻣﺎﻥ ..
ﻭﻳﻦ ﺍﻻﻫﻞ ..؟
ﻧﺎﺳﻨﺎ ﺍﻟﺤﻨﺎﻥ ..!
ﺍﺻﺒﺤﺖ ﻛﻴﻒ ؟ ﻳﺎﺟﺎﺭﻱ ﻛﻴﻒ ..؟
ﻭﺍلأﻡ ﺗﻨﺎﺩﻱ ﻋﻠﻰ ﺍﻟﻮﻟﺪ ﻓﻮﻕ ﻟﻠﺼﺮﻳﻒ ...!
ﻫﺎﻙ ﻳﺎﻭﻟﺪ.. ﻭﺩﻱ ﺍﻟﺪﻗﻴﻖ ﺟﻴﺐ ﻟﻲ ﻣﻦ
ﺍﻣﻚ ﺭﻏﻴﻒ ..
ﺑﻼﺩﻱ ﺍﻧﺎ ﺑﻼﺩ ﻧﺎﺳﺎ ﻣﻮﺍﺭﻳﺜﻬﻢ ﻛﺘﺎﺏ ﺍﻟﻠﻪ ..
ﺑﻨﻐﺶ ﻓﻲ ﻧﻔﺴﻨﺎ ﻧﻔﺘﺨﺮ .. ﻭﻧﻜﺎﻭﻱ ﻓﻲ
ﺑﺎﻗﻲ ﺍﻟﺸﻌﻮﺏ


محجوب شريف.

لك الرحمه والمغفرة
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الجمعة إبريل 03, 2015 6:15 pm

في ذكرى ( محجوب الشريف ) ..
عام من الرحيل ..
...........................................................
اسمعنا يا ليل السجون
نحن بنحب شاي الصباح
والمغربيه مع الولاد
والزوجه
والام الحنون
والاصدقاء
والى اللقاء
واللمه عند الامسيات
والتكيه جنب الاغنيات
والقدله في السوق الكبير
نتمشى نغرق في الزحام
ملئ العيون
بنحب كدا ونعشق تمام
الا بنكون قدر الثبات
ضد السكات
ضد السكون
ضد التسكع والجنون
جنباً الى جنب
التماسك والحنين
افتح زنازينك اهو
بنفتح شبابيك اليقين
...............................................................
كنا .. وما زلنا نلوذ بحماك .. حين يتكاثر علينا الكاذبون .. والمنافقون .. وتجار الدين ..
كنا وما زلنا .. نغنيك .. حينما ينهكنا الزيف .. وساقط الكلام ..
كنا وما زلنا .. ( نتشعبط ) .. في رقبتك .. تحملنا أينما توجهت بك الخطى ..
علنا نتعلم منك .. الصمود في وجه القبح ..
عام كامل إنطوى .. يا ( أبا مي ) .. و ( بت الجزولي ) ما زالت وحتى الأمس .. تستقبل
المعزين الذين لم ينقطع خطوهم من ذلك البيت الذي .. صنعته من ( طوب المحبة ) ..
وداعاً يا ( شريف ) .. فقد تركتنا يتامى .. نتلفت .. خوفاً .. وحزناً .. وفجيعة ..
........................
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الجمعة إبريل 03, 2015 6:39 pm

يا رذاذ أيامي .. وينو مني سحابي !!
حيث أصلي وفرعي .. متكي ومتشابي ..
إشتهيت التكيه والسلام عليكم ..
والحليفه لطيفه ..
من بعيد بتنادي ..
وإشتهيت التكيه .. وموجه .. موجه .. الرادي ..
برَادي .. ركَ .. وركَ .. حوله دسته كبابي ..
رشفه .. رشفه .. حلاتن ..
والعيون تتلاصف ..
ناس ضيوف وصحابي ..
الموده .. مخده ..
والسلام هبابي ..
في أعالي الجنان .. ( محجوب الشريف ) .. بإذن الواحد أحد ..
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الأحد يناير 01, 2017 12:56 pm

*كفتيره تفك الحيره*

من اجمل ماكتب المرحوم الرائع محجوب شريف

كلمات صادقه معبره

رحم الله محجوب ذلك الرجل الوطن مااجمله وهو يقول:

بت امك مابتكوسي
دروب الشك والذله
جربتي الكسره تعوسي
مابسمع حسك الا...
النجمه وديك الحله

نسالك اللهم الرحمه للرجل الذي حس بستات الشاي
وعواسات الكسره السمحات الهميمات ولازمات
وكتب عن حالن الشايلات همومن وهموم اخواتن في الحله والوطن
وتجد المحتارين يفضفضوا عندهن شان يلقوا الشوره وسمح الراي عند ستات الشاي

*النص*:

كفتيرة تفك الحيرة

يابت أحسن من غيرا
الريح بتهد من حيلا
بتقلل ليلا مطيرا
أمك والصحة بتنزل...
بتمغرب قبل عصيرا
صورة
يا حليلا العرق اتصبب
فصّد والله جبينا
إتدنى همقلوبينا
أخوانك شفع قُصّر
لسه ما بفِشوا غبينة!!
صورة
والحيلة قليلا بليلة
مرات بموية كسيرة
روشتة تخلى الحتة ..
أضيق من ثقب إبيرة!!
صورة
جيران والحال من بعضو
نيرانم نار الحمى . ضلمّه
الضل كرتون وحصيرة
والعين والنية بصيرة
وحبال النجدة قصيرة
صورة
من ستة الزول لي ستة
الجتة تتكل جتة
بين كارو وبص كركوبة
وراهم شفع قصّر
يرعاهم حس حبوبة
تتوسد إيدا وتوبا
صورة
تتحسس باقي عِميرا
كفتيرا تفك الحيره
يا بت أحسن من غيرا
صورة
ولذلك إنتي هنالك
في ركن السوق الشعبي
بت أمك ما بتكوسي..
دروب الشك والذلة
جربتي الكسرة تعوسي
ما بسمع حسك إلا..
النجمة وديك الحلة
وعجينك في البستلة
صورة
في ليل الصاج الداكن
ترميهو قميرا..قميرا
كفتيرا تفك الحيرة
يا بت أحسن من غيرا
صورة
البنبر جنب البنبر
والمسك الفايح عنبر
نعناعك طينو قريرا
الشاى والبن قلاية
هبابة ترفرف طيرا
نجوم الضحى جمراتك
صحيها جميرا جميرا
صورة
غزلانك دستة كبابي
تتفنني في تِمّيرا
فنجانك جنب فنجانك
شفع في زفة وسيرا
وتزازي برندا برندا
العدة حرام كسيرا
صورة
كفتيرا تفك الحيرة
يا بت احسن من غيرا
حليمة النيمة تلمك
في ضلها كتر خيرا

تم الإرسال من جهاز Samsung
صورة

مشاركات: 9093
اشترك في: الخميس إبريل 04, 2013 10:28 pm

Re: الشاعر السوداني محجوب شريف

مشاركةبواسطة دكتور كمال سيد » الثلاثاء نوفمبر 06, 2018 7:24 pm

كان المدعو (الطيب مصطفى) قد شتم الشاعر الإنسان
المرحوم عمر الدوش و شاعر الشعب محجوب شريف...

قال الخال الرئاسي حينذاك مايلي:

(رأيت بعض صحافيي الغفلة يحتفون بتافهين وتافهات
ويسوِّدون بسيرتهم الصفحات...
أحدهم شيوعي متشاعر ــ وهو قريبي بالمناسبة ــ قالت
له زوجه: (يا أنا يا العرقي) فقال لها: (العرقي) ف كان أن
ليّف العرقي كبده ومات!
أخر.. سمَّوه شاعر الشعب وهل يحتفي الشعب السوداني
المسلم ويمنح اسمه ل شيوعي لا يصلي؟!
وكثير من الزبد الطافي على صفحة حياتنا يعطِّل مسيرنا
ويملأ حياتنا بؤساً وتعاسة)!!

الإنتباهة 1فبراير 2012م

إنبرى حينها (الشريف محجوب) مدافعا عن من
هو بين يدي (غفور رحيم) ومحجوب لايجامل في
هكذا موضع أبدا أبدا :

تنبش حي وميت
سكاكينك تسنها بالكراهية
معلم تنتج الكربة
وتدي الفتنة ماهية
تدس في إيدا كبريتة
بخيت وسعيد عليك إنك
مكانك من ذوي القربى
وعندك من كراسي السلطة
مسند للرفاهية
مالك ومال قريبك ساكن التربة؟؟
منو البسرق عشم ميت
أمام الله والحكمة الإلهية؟؟
يمين الله كاتب حر
نسيج وحده
ومن طبعو الفروسية
وأصدق من ملامح طفلة
وسط اللمة منسية
عصافير الكلام ركت
تحت شهقة غنا الفواح
مع الموجة الصباحية
أدى الود
وشال الود
وجمّل للحزن ممشى
لا كذّب ولا غشّ
وما منو الضمير طشّ
وما شنّق
بريق الشهرة من فوق راسو طاقية
أبسط من حرف كسرة
ومن بذرة
ومن نقاع سبيل يوماتي
تشرب منو تحت النيمة قمرية
كذلك لم يكن يوماً
هوين قابلاً للكسر والذلة...

أما العبد لله
إذا ما عارف أعرفني
من غير الله ما خايف
ولا شايف هنالك
من يهد حيل الثبات فيني ويخوفني
فما خجلان ولا نادم
وما متوجس الإحساس من القادم
لا طعّان ولا لعّان
ولا فاحش ولاني بذئ ولا نسناس
وما بجرح مشاعر الناس
وأنبل من حليب السترة
ما عبّت مشارب كاس
أدوسا محاكم التفتيش
بأعلى الصوت علانية
تخربش في مسام الروح
وتتجسس علي النية
بسوء الظن والمكرِ
ضميري لم يكن يوماً
من الأيام ولد مكري
شبر والله في البكري
ولا الفلل الرئاسية
وطن حدادي مدادي
ما بنبنيهو فرادي
ولا بالضجة في الرادي
ولا الخطب الحماسية
وطن حدادي مدادي
قد شفناهو يتقسم
ذبائح وإنت تتبسم
لديك الخضرة تتفحم
وتصبح في الأيادي عصي
وأوتاداً بلا خيمة
وصحراءً بلا غيمة...

سلاماً يا وطن بحلم
أشوفك يا وطن آمن
حر وسعيد ومتفتح
محل ما يمشي إنسانك
عزيز النفس مطامن ومتضامن
والخير الظاهر والكامن
في الأيدي جميعاً قدامن
تعيش إنت ونموت نحن
لكي يا غالي ما يكبر
جنانا تحت شرا المحنة
جرحنا إذا بفرهد فيك
ح نمشي علي البجرحنا
وحزننا لو يضوي سماكا
هو الحزن البفرحنا
ودمنا لما يسقي ثراكا
ينزل من جوانحنا
وإن راحتنا ما ترتاح
نقول إنشاءالله ما ارتحنا
تضيع أيامنا بس ما تضيع
ملامحك من ملامحنا
بنرجع ليك توصينا
ونسمع ليك تحدثنا
ولو علّينا صوتنا عليك
يا والدنا سامحنا ...!!
صورة


العودة إلى الشعر والأغانى

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron