دليلك للفرقة الثالثة طب

مشاركات: 11226
اشترك في: الخميس إبريل 04, 2013 10:28 pm

دليلك للفرقة الثالثة طب

مشاركةبواسطة دكتور كمال سيد » الجمعة مارس 04, 2016 12:28 pm

دليلك للفرقة الثالثة .... كل ما تحتاج معرفته عزيزى طالب سنة ثالثة طب القصر العينى




بســـــــــــم الله الرحمن الرحــــــيم

ـــــــــــــــــــــــــــــــــــــــــــ



السلام عليكم و رحمة الله و بركاته


اهلا بك عزيزى طالب السنة الثالثة من رحلة طب القاهرة المعروفة برحلة طب القصر العينى

نحمل لك كل تقدير آملين ان تكون قد وفقت فى المرحلة الثانية من الكلية

آملين ايضا ان توفق فى ما هو قادم من مراحل للوصول الى درجة البكاليريوس فى الطب الباطنى و الجراحة

الا و هى الشهادة المنتظر الحصول عليها بعد سنين التعب و الجد و الاجتهاد السبع

المشوار طويل
لكن تم بحمد الله مرحلتين

فأهلا بك فى المرحلة الثالثة ....
و بأختصار هذا الموضوع مخصص لطرح كل ما يخص الدراسة بالفرقة الثالثة

من نصائح و شرح للهيكل العام للدراسة بالفرقة الثالثة
و المواد
طرق الدراسة
بأختصار كل خبرات كاتبه المتواضع ..... و خبرات اخواننا و اخواتنا الاعزاء

فقط للوصول بك الى وعى تام بما انت مقدم عليه

داعين الله ان يوفقنا فى شرح .......... و طرح كل ما قد يفيدك اخى الطالب


" الهيكل العـــــــــام للمواد كلها بدرجاتها "


هنتفق على حاجتين

1 - هتكلم بالعامية لانها اسرع و اسهل فى الوصول لذهن المتلقى - للاسف -

2 - كل كلامى هيكون على السنة الثالثة 2007 / 2008
بـأعتبار انى لسة خارج منها و دى آخر صيحة من صيحات موضة سنة ثالثة
ربنا اعلم الموسم الجاى - قصدى السنة اللى جاية هتكون ازاى .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ




- المواد:

تتكون سنة ثالثة من اربع مواد
1 - علم الادوية
pharmacology
اختصارا تعرف فى الوسط الطلابى بأسم الفارما

2 - علم الامراض
pathology
ملهوش اختصار للاسف ...

3 - علم المايكرو بايولوجيا و المناعة.....او باكتيريولوجى قديما قبل اكتشاف الفيروسات
microbiology and immunology
اختصارا تعرف فى الوسط الطلابى بأسم المايكرو.

4 - علم الطفيليات.
parasitology
تعرف فى الوسط الطلابى بأسم البارا اختصارا .

..................................

- توزيع الدرجات و اهمية المواد :


من حيث اهمية و ثقل المواد علميا و امتحانيا
اهم المواد علميا و اثقلهم امتحانيا مادتان
......... pharmacology ..........
الدرجات 300

......... pathology ..........
الدرجات 300

......... microbiology ..........
الدرجات 200

......... parasitology ..........
الدرجات 150


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ


و بكدة عرفنا هندرس ايه و درجاته ايه ...المجموع العام 950
الجاى ان شاء الله tour فى كل مادة
صورة

مشاركات: 11226
اشترك في: الخميس إبريل 04, 2013 10:28 pm

Re: دليلك للفرقة الثالثة طب

مشاركةبواسطة دكتور كمال سيد » الجمعة مارس 04, 2016 12:30 pm

1
الفارما - pharmacology

لو جينا نتكلم عن مادة بحجم الفارما هنقول كلام كتير

اكيد هيختلف الكلام و الآراء من شخص للتانى

لكن اللى مش هيختلف هو اجماااااااااااااااااااااااع كل من درس طب على

اهمية مادة الفارماكولوجى

الاهمية دى تنبع من حاجتين
1 - الثقل العلمى و الاهمية العلمية للفارما فى الحياة الطبية
2 - الثقل الامتحانى و الذهنى و النفسى الملقى على عاتق دارسيها

يعنى بالبلدى كدة مادة ثقيلة جداااااااااااااااااااا


ــــــــــــــــــــــــــ

اذاى نذاكرها

اولا الفارما من المواد الضخمة يعنى لابد من مذاكرتها كل يوم ان امكن

حاجة تانية لازم نعرفها عن الفارما ....

انها من المواد اللى بتتسم ب variety كبيرة جدا

يعنى هتلاقى نفسك بتذاكر فى chapter الكلام اللى جواه ممكن متلاقيهوش مترابط كتير مع بعضه

و ده جزء من صعوبتها , فلازم يكون ذهنك حاضر

المراجعة تمثل 50% من اهمية و كفائة مذاكرة الفارما
من غير مراجعة مفيش فايدة من المذاكرة اصلا

ــــــــــــــــــــــــــــــــــ

هنذاكر منين

1 - الاكيد ان فيه كتاب القسم .
و نظرا لان رئيسة قسم الفارما اتغيرت ( يا بختكوا ) اذا احتمالية ان الكتاب يتغير كبيرة

2 - فيه كتاب اصغر شوية اسمه magic للدكتور السيد الرخ و هو ملخص الى حد ما بيحاول يقسم الدنيا شوية نظرا للكمية المهولة بتاعة الادوية اللى المفروض نكون ملمين بيها و بتفريعاتها .
انا خاصة منصحش اى حد مش مذاكر كويس انه يعتمد على ال magic لانها كتير بتكون ملخصة زيادة عن اللازم , ذاكر و بعدين ابقى اقرأ الماجيك .

3 - فيه ملازم للدكتور احمد عبد الرحمن .. انا شخصيا كنت بذاكر منها لان الكتاب فى السنة بتاعتنا كان ملخبط كتيييييير
هى منظمة جدا ... مش اصغر من الكتاب يعنى هتلاقى فيها كل المعلومات و اكثر حاجة بسيطة , غالبا مبتنزلش مرة واحدة يعنى الدكتور بينزلها حصة بحصة
لو بتذاكر منها يبقى قدامك حلين
الاول .... انك تشوف حد من الاكبر منك عنده الملازم كلها بتاعة السنة اللى فاتت
الثانى .... انك تكون بتاخد درس معاه او تكون تعرف حد بياخد درس معاه و تصور الملزمة او حتى تاخدها من السنتر حصة بحصة مفيش مشاكل لانها بتتباع عادى من غير ما يدقوا مين فى الدرس و مين براه

ــــــــــــــــــــــــــــــــــــ

هنذاكر ايه اصلا ... تقسيمة الفارما

زى ما قلنا الفارما مادة كبيرة بتتعامل فى الاساس مع المواد و المستحضرات الكيميائية و تأثيرها على الجسم
و مدى تقبل الجسم للتأثير ده ..
مش بس كدة و مدى استفادة الجسم من المادة دى ....
و هل ليها مضاعفات خطيرة او آثار جانبية
و هلى ليها تداخل مع مواد او ادوية تانية ....

طيب
تقسيم المنهج ازاى اصلا ....
1 - بندرس الاول general pharmacology
و ده بندرس فيه الميزات العامة للادوية ...
يعنى باختصار بندرس فيه طرق دخول الدواء
و طرق الاستفادة للجسم منه
و برده كل ما يمت للصفات العامة للادوية بصلة .... فيه شبه شوية من general physiology

2 - ثانيا بندرس chapter كبير و مهم جداااااااااااااا
اسمه pharmacology of autonomic nervous system
هاااااااااااااااااااااااااااااااااام للغاية طبيا و علميا و كل حاجة
من الشباتر اللى لو سألت حد متخرج عنه هيعيطلك و يقولك اوعى يضيع منك
اساس حاجات كتير جدااااااااااااااا
اللهم انى قد بلغت
اللهم فاشهد

3 - بعدين بقى هندرس حاجات زى cvs
و diuretics
و cns
و endocrine
و blood
و antimicrobial chemotherapy نرجع نقول هو و ال cns من العظمااااااااااااء مهمين جدااااااا
الانتيميكروبيال ده بتاع المضادات الحيوية بأنواعها
قمة فى الاهمية هو و cns

ـــــــــــــــــــــــــــــــــــــــ

المحاضرات

يوميا طبعا .. لان الفارما و الباثولوجى هما المواد ال main بتوع السنة اصلا

الدكاترة المهمين على رأسهم طبعا عالم الفارما اللى الكلية بتفخر بيه دايما
د / محسن

يأتى بعده بقى ناس مهمين و افاضل زى
د / السيد الرخ
د / احمد عبد الرحمن
د / مجدى اسحاق
د / ظريف

و ناس تانية كتير ليهم الفضل طبعا انا من تقصيرى نسيتهم لكن الفارما من الاقسام اللى بتتمتع بدكاترة اقوياء و ستاف على اعلى مستوى

ـــــــــــــــــــــــــــــــــــ

الدروس

لو مصمم يعنى و مينفعش تتابع غير بدروس ... عندك اهم اثنين
د / السيد الرخ ... اسم كبير فى الفارما برده و احد اهم رواد الدروس فى الفارما.
خبير فى المعاملة مع المنهج .

د / احمد عبد الرحمن .... دكتور ممتاااااااااااز
كنت باخد معاه ... يمتاز بحضور قوى و اسلوب جميل و سهل
لازم تتابع معاه علشان متقعش فى النص ..لو ذاكرت معاه بذمة و ضمير ممكن تجيب امتياز

ــــــــــــــــــــــــــــــــــ

السكاشن

بتبقى فى قسم الفارما الدور الارضى
فيها هتتابع التجارب اللى علينا فى المنهج

سيكشن ظريف على فكرة لو حبيت تابع بقوة هتطلع منه مذاكر كمان
و يا ريت تستفيد من دكاترة السكشن لان علمهم غزير بس محتاجين حد ينكشهم بس

برده هتحل فى السيكشن ال cases و كتاب العملى الهاااااااااااام جدا

ــــــــــــــــــــــــــــــــــــــــــــــــــ

الدرجات

جينا للكلام اللى يقلق
بصوا علشان نكون واضحين توزيعة الدرجات بتختلف كل عام عن اللى قبله لان كل رئيس قسم بيوزع الدرجات على حسب الامتحانات و نظامها و كتير بتتغير

لكن متقلقوش ... الهيكل العام ثابت تقريبا

الكلااااااااااااام اللى جاى كان عن توزيع درجات الفارما لسنة 2007 / 2008

1 - كان فيه حوالى 48 درجة نصف العام
2 - 50 درجة لامتحان cases
3 - حوالى 160 درجة امتحان آخر العام مقسم 80 ورقة اولى
80 ورقة ثانية
4 - حوالى 40 درجة شفوى آخر العام

ـــــــــــــــــــــــــــــــــــــ

ملخصات و شرايط و ملازم تهمك

طيب شوية ملخصات على شرايط كدة على الماشى ممكن تستفيد منها .. لعل و عسى

بس بقولك ايه اوعى تسيب الكتاب و الملازم و تقعد قدام الكومبيوتر
و يسئلوك بتعمل ايه .. تقوم حاطط على وشك قناع الخطورة يا عينى و الارهاق
و تقول بشوف مواقع الفارما او بسمع شرايط الفارما و بقرأ الملخصات .. استزادة يعنى و انت اصلا مش عارف حاجة فى الفارما.

( معظم اللينكات و المواقع منقولة عن موقع الدى فى دى العربى القسم الطبى الطلابى و الموضوع الاكثر من ممتاز للدكتورة منى .... احقاقا للحق )

ـــــــــــــــــــــــــــــــــــــــــــــــ


مراجعة فارما

ملف يحتوى على مراجعة وملخص لكتاب الفارما
فى صورة charts

غاية فى الاهمية هيسهل عليك حاجات كتير

....................

تجميعة لمحاضرات الفارما للدكتور احمد عبدالرحمن

اول شريط كلينكال

diabetes mellitus 2
http://www.megashare.com/157655

تانى شريط كلينيكال

insulin
http://www.megashare.com/158796


Chemotherapy

اول شريط فى الكيموثيرابى

sulfa&quinolones 1
http://www.megashare.com/158945

تانى شريط فى الكيموثيرابى

sulfa&quinolones 1
http://www.megashare.com/159697

تالت شريط كيموثيرابى

Penicilin
http://www.megashare.com/159819


رابع شريط فى الكيمو ثيرابى

Cephalosporines
http://www.megashare.com/160373

خامس شريط كيمو ثيرابى

aminoglycosides
http://www.megashare.com/160751


سادس واخر شريط فى الكيمو ثيرابى

Anti-T.B & Anti-Fungal
http://www.megashare.com/162089

...................


ملف يحتوى على مراجعة وملخص لكتاب الفارما
فى صورة charts

غاية فى الاهمية هيسهل عليك حاجات كتير

http://www.megaupload.com/?d=1LY8XIDI

.......................

PHARMACOLOGY

A) Autonomic Nervous system ( 1 - 20 ).

1) Sympathetic & parasympathetic nervous system.
2) Sympathetic & parasympathetic types of receptors.
3) * Supersensitivity of adrenergic receptors.
* Symathomimetics ( catecholamines ).
4) Sympathomimetics ( catecholamines ).
5) Sympathomimetics ( catecholamines ).
6) Sympathomimetics ( catecholamines & noncatecholamines.
7) Sympathomimetics (noncatecholamines).
8) Sympatholytics (Adrenergic receptor blockers ).
9) Sympatholytics (Adrenergic receptor blockers ).
10) Sympatholytics (Adrenergic receptor blockers ).
11) Sympatholytics (Adrenergic receptor blockers ).
12) Sympatholytics (Antiadrenergic drugs ).
13) * Sympatholytics (Antiadrenergic drugs ).
* Alpha 2 receptors.
14) * Alpha 2 receptors.
* Parasympathomimetics.
15) Parasympathomimetics.
16) Parasympatholytics.
17) * Parasympatholytics.
* Skeletal muscle relaxants.
18) * Pharmacology of the eye.
* Skeletal muscle relaxants.
19) Skeletal muscle relaxants.
20) * Skeletal muscle relaxants.
* Revision.
B) General pharmacology ( 21 - 27 ).

21) * Revision ( ANS ).
* Genral ( mechanism of drug action ).
22) * Mechanism of drug action.
* Factors effecting dosage of drugs.
23) Drug interactions .
24) Poutes of administration of drugs.
25) Phrmacokineties.
26) * Phrmacokineties. * Parameters.
27) * Drug toxicity. * Autacoids (Allergy).
28) Autacoids.
29) Pratical pharmacology.
30) Pratical pharmacology.
31) Pratical pharmacology.
C) Resppiaration ( 32 - 33 ).
32) Bronchial asthma.
33) * Bronchial asthma.
D) Cardiovascular system ( C.V.S ) : ( 34 - 40 ).

34) Angina.
35) Angina.
36) Heart failure.
37) Heart failure.
38) Hyper tension.
39) Hyper tension.
40) Arrhythmia.
E) Kidney ( 40 - 42 ).
F) Central Nervous system ( C. N. S ) : ( 42 - 50 ).

42) Anti depressants.
43) * Sedatives.
* Hypnotics.
44 - 45) Narcotic Analgesics.
46 - 47) Antipyretic Analgesics.
48) * Antiinflammatory. * Antiepilptics.
49) * Antiepilptics. * Tranquilizers.
50) * Tranquilizers. * G. I .T.
51) G. I .T.
52) G. I .T . * General chemotherapy.
53) * General chemotherapy.
* Special chemotherapy.
55) Diabetes Mellitus.
56) Thyroid gland.
57) * Thyroid gland.
* Adrenocortial hormones.
58) * Adrenocortial hormones.
* Blood.
59) * Blood . * Vitamins. * روشتات.
* Clinical pharmacology.
60) Clinical pharmacology.



السلام عليكم ورحمة الله وبركاته،،،

مجموعة من التجميعات بالاضافة الى ملخصات لمادة pharmacology
عبارة عن ملفات word

تجميعات
Anti Fungal
Anti Malaria
Anti-Diabetic (insulin)
AntiViral
B-lactam
DRUGS ACTING ON UTERUS
DRUGS MODIFYING EMESIS
Oral Hypoglycemic
STEROID HORMONES
HYPOTHALAMIC HORMONES
Miscellaneous antimalarial
صورة

مشاركات: 11226
اشترك في: الخميس إبريل 04, 2013 10:28 pm

Re: دليلك للفرقة الثالثة طب

مشاركةبواسطة دكتور كمال سيد » الجمعة مارس 04, 2016 2:53 pm

2
الباثولوجى - pathology

اهلا بيكم مرة تانية

نيجى بقى لعملاق آخر من عمالقة السنة الثالثة .. الا و هى مادة الباثولوجى

الباثولوجى لو جينا نتكلم عنها لازم نقول شيئين مهمين لا يستقيم الكلام بدونهم

1 - المادة الاهم من حيث استخدامها فى الطب

ليه .....؟؟؟!!!!!

دراسة الباثولوجى هى دراسة الانسجة و الانظمة البشرية فى حالة الامراض المختلفة
و لما لا ..؟؟!!!

فالباثولوجى مكون من شطرتين ... ( patho ) و تعنى مرض
و ( ology ) الشهيرة بمعنى علم ..

اذا دراسة الباثولوجى معناها دراسة علم الامراض

عرفتوا ليه بقى الطب ميبقاش طب من غير علم الامراض ....؟؟؟!!!

2 - الباثولوجى من حيث الثقل الدراسى و المنهج + الثقل الامتحانى هااااااااااااام
الى ابعد الحدود

المنهج مش قد الفارما .... اصغر حاجة بسيطة

اما المجهود الذهنى المبذول برده اقل حاجة بسيطة من الفارما ..

و لكن الاهمية و العبء الامتحانى واااااااحد ..

مفيش لعب و لا دلع مع الاثنين العظماء بتوع ثالثة .

دى مقدمة سريعة بس .

________________

هنذاكر ايه اصلا ... تقسيمة الباثولوجى

اولا لازم نعرف ان الباثولوجى مكون من جزئين

نظرى / عملى

......
النظرى
......
1 - general pathology
و فيه هندرس السمات العامة للامراض و الطرق المختلفة لتلف الانسجة و الخلايا

يعنى هندرس مثلا
inflamation
شابتر لذيذ و مهم ..



repair
cell response to injury
accumulations and depositions
circulatory disturbances

immune response شابتر عبيط و ملوش لازمة
bacterial infections شابتر هاااااااااااااام جداااااااااا
viral diseases عبيط ملوش لازمة
mycotic diseases عبيط ملوش لازمة و صغير
parasitic diseases هاااااااااااااااام جداااااااا خاصة جزء البلهارسيا

vitamins

disturbances of growth جميل جدا و مهم كمقدمة لاهم حاجة فى الباثولوجى اللى جاية حالا .
tumors ان ان ان آآآآآآآآآآآآآآآآآآآن موسيقى تصويرية للموقف الرهيب ده
اولا الشابتر ده من اهم اجزاء المنهج كله
لا مش كدة و بس ده مهم لما هو قادم فى ال systemic
زى ما بيقولوا كدة كبائر كبائر المنهج .... اللى يضيع منه بالسلامة و بجد لو خدته بالراحة و بالجداول و التلخيص هتلاقيه تافه
اللهم انى قد بلغت .... اللهم فاشهد

فيه بقى شوية شباتر صغيرة كدة فى الآخر لطاف و جه منهم سؤال السنة اللى فاتت
زى ionization and irradiation

environmental pathology
genetic disturbance

cytology

و بكدة خلص ال general pathology و اهميته انه هو اللى هيتقال فى ال systemic بس على تطبيق المواضيع دى على الانظمة المختلفة فى الجسم .


2 - systemic pathology

و ده طبعا زى ما حضراتكم متوقعين هندرس فيه الامراض المختلفة فى جميع انظمة الجسم ..

يعنى هيتقسم كالعادة ...

cvs هاااااام

respiratory هاااااام
cns مش اوى
digestive هاااااااام
kidney هااااام شوية
female reproductive system هاااااام
male مش اوى يعنى
bone and cartilage مهم شوية

و باقى الانظمة بقى القوا قولوا رأيكم فيهم على مهلكم ..
بس نصيحتى الجينيرال اساس السيستيميك .... اوعوا نتسوا ..


.......
العملى
........

العملى جزء اساسى من المنهج ..
طبعا انت عزيزى الطالب جاى من تانية و اولى العملى يادوب على قدهم ..

بس حضرتك العملى فى الباثولوجى تراجيديا اغريقية
تجربة حياااااااااااة

مقسم الى جزئين
1 - jars .. و هى شبه البرطمانات الزجاج الكبيرة جدااااا محفوظ فيها عينات بشرية من اجزاء و انظمة مريضة .
حاجة شبه الاناتومى مع اختلاف حاجتين ... الاولى / انها فى برطمانات زجاج
الثانية / انها مش جثة كاملة دى ممكن تلاقيها عين او قلب او رئة او رجل او مخ

العدد فى الليمووووووووووون طبعا حضراتكم لكم ان تتصوروا العدد الرسمى للjars
حوالى من 130 - 145
طيب عليكم فيهم ايه ... مبدأيا كدة كل jar لازم تعرف هو ايه و مرضه ايه و تقول comment عليه .

طبعا فيه كتاب لل jars ملون و فيه صور الjars زائد التعليق عليهم .
2 - microscopic slides .... ده تانى جزء من اجزاء العملى الشاسعة
و فيه هندرس حوالى 90 slide مايكروسكوب يعنى ايه

يعنى سلايدات ميكروسكوبية لعينات امراض .

بعد الدراسة بفترة كدة هيسلموكم علب فيها ال slides اللى فى المنهج
و طبعا مش لكل طالب علبة انما بيشترك كل ستة فى علبة

و طبعا علشان تشوفوها محتاجين مايكروسكوب و فيه ثلاث حلول
1 - انكوا تشوفوها فى مايكروسكوب الجامعة فى الاوقات اللى مفبهاش سكاشن
2 - انكم تأجروا مايكروسكوب من محل من المحلات المعنية بهذه الامور فى المنيل او السيدة .
3 - انكم تشتروا مايكروسكوب و علشان اخدمكم المايكروسكوبات الجديدة عامة بتبقى حوالى 340 ل 380 ..
و فيه اقل منها جودة ب 280
و فيه المستعملة بس دى على حسب الحالة ... فى حالتى انا اشتركت مع زمايلى و اشترينا مايكروسكوب جديد .. و طبعا السنة اللى بعديها مش هنحتاجه فنضطر نبيعه
يعنى لو اشتريتوا واحد جديد مش هيخسر معاكم ممكن تبيعوه و هتلاقوا مشترين ان شاء الله ..

- اكيد ال slides بردوا ليها كتاب و ملون و فيه comments زى ال jars

..........................

نصيحتى ليكم بقى .

العملى اعتبروه مادة مستقلة بذاتها ..
ده حتى فى الدروس النظرى درس و العملى درس تانى ..
انا شخصيا كنت باخد رس عملى بس و مباخدش نظرى ..
العملى هاااااااااام و عليه حوالى 70 درجة فى امتحان العملى آخر السنة ..

_________________

اذاى نذاكرها

الباثولوجى مادة كبيرة و مهمة .
الباثولوجى واحدة من اكبر اتنين فى السنة و عليها 300 درجة
الباثولوجى ليها محاضرة يوميا

تتذاكر يوميا مع المراجعة الدورية

و ابشركم خير مذاكرتها ابسط شوية من الفارما .

و برده محتاج تلخص لنفسك و تحاول تقرب الشبه بين الحاجات
الباثولوجى يعتمد اصلا على الوصف .

انت بتوصف مرض و تأثيره على الانسجة و الخلايا .
يعنى تعامل معاه كأى مادة وصفية اخرى
شرايط الدكتور على هنداوى اساسية لكل الطلاب ... لا غنى عنها بجد .

و على فكرة القسم من اكثر الاقسام اللى بتحاول تطور طريقة العرض و طريقة المحاضرات و حتى الامتحانات فى ظل رئاسة القسم الحالية دكتورة سهير محفوظ الكبيرة جداااااااا مقاما بجد موسوعة فى الباثولوجى .
_______________

هنذاكر منين

النظرى يتذاكر من كتاب الفسم و هما كتابين
- general pathology
- systemic pathology

و فيه كتابين برده عاملهم دكتور فيصل و هو مدرس فى الجامعة قسم باثولوجى
و رائد من رواد الدروس ..

هما عبارة عن ملزمتين مفيهمش تغير و لا حرف عن الكتاب
اللى اتغير بس الطباعة و الشكل و الحجم
و فيهم ترتيب شوية
لذاذ و كنت بذاكر منهم ..

العملى ...برده القسم عامل كتابين للعملى
- for jars
- for microscopic slides

فيهم اللى تحتاجوهم

و طبعا الاشهر و اللى هتلاقيهم مع كل الناس هما كتابين الدكتور ايهاب واحد من عمالقة الدروس فى الباثولوجى ... مجتهد جدااااا و اسلوبه ظريف و عامل شغل مخصوص فى العملى علشان كدة تلاقوا الكتب بتاعته فى كل حتة ..

و فيه طبعا كتاب mcq

____________________

المحاضرات

برده استاف الباثولوجى ليه شهرة كبيرة فى الجامعة كأحد اهم دكاترة فى الكلية
و دكاترته مهمين و مشهورين فى مصر جدااااا

على رأسهم
د / على هنداوى ... بجد الراجل ده عالم فى الباثولوجى و شرايطه متداولة من سنة 1997 يعنى لغاية دلوقتى متغيرتش و برده متتسمع لان العلم ملهوش سن.

فيه دكاترة كتييييييير كويسين جدا و منهم
د / فيصل
د / احمد سليمان
و ناس تانية كتير برده من تقصيرى انى مبحفظش الاسماء بسرعة بس كلهم كويسين

ابذلوا انتم مجهود بس فى السمع و الانتباه و هتلاقوا خير ان شاء الله .

_______________

السكاشن

عندكم سكشنين فى الاسبوع

واحد لل jars و ده هتخدوه فى متحف الباثولوجى اللى هو المكان اللى بيقام فيه قاعة الامتحانات الرئيسية ..

هتتقسموا مجموعات على حسب الرقم .
و كل مجموعة مسئول عنها معيد .
حاولوا تستفيدوا من السيكشن . خصوصا اللى مبياخدش درس

التانى ... لل slides فى الدور الارضى من المبنى اللى جنب المشرحة بتاعة القصر العينى مش مشرحة الاناتومى ..

على ايدك الشمال الانحناءة اللى بعد صف الفارما و البارا .. مش فاهمين ..؟؟!!

اسألوا اى حد عن ال histopathology و هو هيدلكم.
انا مش مسئول

___________________

الدروس

جئنا للكلام اللى يوجع بقى ..
لو مش فاهم حاجة عن تقصير منك او عايز تستزيد علشان تضمن الاول ..

طيب عندك ثلاثة حلول
النظرى ...
1 - د / فيصل ... ممتاز فى الشرح و تنظيم المنهج
2 - د / ايهاب .... ممتاز جداااااااا و اسلوبه فى الشرح بسيطة و جميلة جدااا
3 - د / احمد سليمان ..... نفس جيل د / فيصل و اصدقاء جدا و دكتور ممتاااااااز و شرحه فى العملى يضاهى د / ايهاب .

العملى ...
يأتى على رأس الثلاثة
د / ايهاب ... ممتاااااااااااز فى العملى و اسلوبه رائع و بيستخد الفيديو فى الشرح و هو الخيار الاول الصراحة .
د / فيصل
د / احمد سليمان ممتاز جدا و منافس شرس للدكتور ايهاب ..

__________________

الدرجات

الباثولوجى من 300 درجة
و كالعادة هكررها و هقول الكلية عندنا مفيهاش ثبات فى توزيع الدرجات .
يعنى اللى هقوله ده بتاع السنة اللى فاتت 2007/2008

35 درجة لنصف العام او اعمال السنة زى ما بنقول .
70 درجة للعملى فى امتحان يقام آخر العام .
150 تقريبا امتحات تحريرى آخر العام ورقتين كل ورقة فى يوم
30 درجة شفوى آخر العام
و تقريبا الباقى بقى ما بين بحث او cd representation
او لوحة او حضور او shock exams

have fun يا دكاترة .....




ملخصات و شرايط و ملازم و مواقع تهمك

الموقع الممتااااااز اللى انا نفسى ادين بالفضل فيه الى العضوة الغائبة
( aya alaidy )

http://www-medlib.med.utah.edu/WebPa...path.html#MENU

( معظم اللينكات و المواقع منقولة عن موقع الدى فى دى العربى القسم الطبى الطلابى و الموضوع الاكثر من ممتاز للدكتورة منى .... احقاقا للحق )


Pathology Jars
specimens
http://www1.mans.edu.eg/FacMed/english/ ... s.jars.pdf


Pathology Jars
http://rapidshare.com/files/41925996...final.PDF.html


INTERACTIVE.PATHOLOGY.CDROM.BY.MOSBY
https://torrentdownload.tk/2c6f8fca87df ... 541eed300b


Examinations in Pathology
http://library.med.utah.edu/WebPath/EXAM/EXAMIDX.html
مجموعة متنوعة من اسئلة ال MCQ , Quizes with images


pathologylinks.com
http://pathologylinks.com/
صورة

مشاركات: 11226
اشترك في: الخميس إبريل 04, 2013 10:28 pm

Re: دليلك للفرقة الثالثة طب

مشاركةبواسطة دكتور كمال سيد » الجمعة مارس 04, 2016 3:47 pm

3
المايكرو - microbiology and immunology

كالعااااااااااادة ...
اهلا بيكم مرة ثالثة ..

لما نيجى نجيب سيرة المايكرو بايولوجى و الايميونولوجى
اول حاجة تتبادر للذهن بالنسبة للطلبة اللى جايين من ثانية هى ان المادتين الرئيسيتين خلصوا ...

هييييييييييييييه

absolutely على رأى محمد سعد

اوعوا تقارنوا المايكرو بالبايو او الهيستولوجى ..

اول خطأ بنرتكبوا كلنا وواضح ان كل الدفعات مصرة عليه

ايه هى المايكرو .......؟؟؟!!!!

سؤال وجيه جداااا و للاجابة عن هذا السؤال هنقول اسم المادة كلها و ترجمتها

microbiology and immunology

يعنى مادة او دراسة الاحياء الدقيقة المايكروسكوبية + دراسة المناعة

بمعنى اصح و كما الاسم اللى اتخذته لمدة طوييييييييلة جداااااااااا
الاسم الاشهر

bacteriology - الباكتيريولوجى

دراسة الباكتيريا بأدق تفاصيلها ...
+
دراسة باقى micro-organisms
زى ال viruses - fungi

طيب المادة اذن مطلعتش سهلة او هينة زى ما كنا نأمل و من هنا ناخد اول صدمة من صدمات ثالثة ...
مفيش امثال الهيستولوجى و البايو

.....

على فكرة المايكرو لمدة ليست بالقصيرة كانت اسهل من كدة امتحانيا و دراسيا
و لكن من مدة سنتين كدة حصلتلها حالة ... gigantism
تعملقت و اصبحوا دكاترتها اللطاف الظراف كأنهم خرجوا من كهف احمر كدة و بيضحكوا الضحكة اللى هيا ..

نياهاهاهاهااااااااا ....
( اوعوا تفتكروا المايكرو مادة سهلة او مش مهمة ... لاااااااااااا
هتشوفوا هيحصلكوا ايه )

طبعا هما قالوا الكلمتين دول فعلا ... هيحصلكوا ايه دى حصلت فعلا
اوحش امتحان جاء منذ سنييييييييين جاء السنة اللى قبل اللى فاتت
موسم 2006 / 2007

و طبعا كنا خدنا بالنا الموسم اللى فات و الامتحان جاء الى حد ما على الطراز الحديث بس كنا متوقعين الغذر و مستعدينله ..


المهم

نستفيد ايه من المقدمة دى
1 - المايكرو مادة لذيذة و حياتية
2 - المايكرو امتحانيا السهل الممتنع و من هنا تيجى الصعوبة .. السؤال يبقى سهل لكن الجزئية اللى عايزها ممكن تكون فى كتاب تانى خااااااالص
3 - المايكرو عايزة ذهن حاضر .. و مراجعة من وقت الى آخر و عدم التهاون فى متابعة الشرح و المحاضرات او الدروس

_____________

هنذاكر ايه اصلا ... تقسيمة المايكرو

برده المايكرو نظرى و عملى

......
النظرى
.......

النظرى مهم جدا .. طبعا مش هو المنهج
هندرس ثلاث كتب
3
الكتاب الاول ... اسمه vol I و فيه هندرس


شابتر كتير منها يعنى ايه مايكرو اورجانسمز
structure of bacteria
physiology of bacteria
bacteriophages

genetics of bacteria
application of genetics of bacteria
antibiotics and effects on bacteria
sterilizations
virulence factors
كل اللى فات ده كان حاجة اسمها ...
general bacteriology

يعنى بندرس فيها يعنى ايه باكتيريا
و يعنى ايه مكوناتها و حياتها
بتحب ايه و بتكره ايه

ايه اللى بيقويها و بيخليها شريرة

امتى تكون طيبة و مفيدة
و هكذا ...

المهم فى الجزء ده انه جزء تأسيسى فى المقام الاول .
يعنى متفوتهوش - و الصراحة مفيش صفحة فى المايكرو تتفوت-
هتحتاجه فى vol II

الجزء التانى من الكتاب هندرس فيه ..
immunology

قمة فى الاهمية ....... هااااااااااااااااااااااااااااااااااااااااااااااااا ااااام
للغااااااااااااااااااااااااااااااااااااااااااااااا ااااااااااااااااااية

تانى اهم حاجة فى المادة
و تقريبا اصعب حاجة فى المادة
الشرح فى حاجات دقيقة جدا علشان كدة الفهم مش سهل شوية
لذييييييييييييييذ جداااااااااااا
و مشوق لو رتبته و فهمته صح من الاول

فوت جزء انت الجانى على نفسك ...
اللهم انى قد بلغت ............ اللهم فاشهد




الكتاب التانى ...... اسمه vol II و فيه هندرس
الباكتيريا كلها اللى خلقها ربنا
جميع الانواع و العائلات و القبائل و العشائر و التقسيمات

بجد امتع و اهم جزء فى المنهج
هو اصلا المنهج .. الباقى تمهيد
و اللى جاى كمالة

هتعيش فيه قصة جميلة جدا مع
1 - كل انواع الباكتيريا
2 - اسلحتها
3 - جصائصها
4 - الامراض اللى بتسببها
5 - ازاى نعرف المرض .. التشخيص يعنى هنشوف ايه و هو جزء من الباثولوجى شوية لكنه مكمل مش اساسى فى المايكرو و علشان كدة بنتجاهله فى الامتحان
6 - العلاج
7 - طرق الوقاية و المنع من المرض
8 - لو فيه VACCINE يعنى مصل .

باقى الكتاب بقى FUNGI بنفس الترتيب بس اسهل و اقل و مهم على فكرة مفيش حاجة مش مهمة


بجد الكتاب ده جزء من حياتك قبل و بعد التخرج
حاول تستمتع بيه علشان متلاقيهوش هم تقيل

HAVE FUN .....

الكتاب الثالث ....اسمه VOL III و فيه هندرس

VIRUSES اسم يخض مش كدة
لغاية فترة قريبة مكانش داخل المايكرو لكنه غير اسم الباكتيريولوجى الى مايكروبايولوجى

كتاب لذيذ
سهل الى حد ما ...... فيه حاجات كتير بتتلغى
فيه اشياء هاااااااااااااااااااامة لدرجة غير عادية ... فيه شوية فيروسات مهمة امتحانيا جدا ...زى
HEPATITIS
HIV
RAPES
POLIO VIRUS
و هكذا ...
آخرة تجميعة اسمها APPLIED يعنى مجمعة مثلا الباكتيريا و الفيروسات على حسب تقسيمات مختلفة يعنى
1 - ORGANISMS TRANSMITTED BY MILK
2 - ORGANISMS CAUSE FOOD POISONING

و هكذااااااااااااااا ...... مهم جدا امتحانيا ...و للحياة

المايكرو مادة للحياة على فكرة اوعوا تنسوا الكلمتين دول.



.......
العملى
........

العملى فى المايكرو مهم جداااااااااااااا كما العملى فى كل مواد ثالثة
مكون فى الاساس من شرائح مايكروسكوب للباكتيريا

و اطباق للزرع ..
و اطباق على كل شكل و لون و لجميع الاستخدامات ..

و انابيب اختبار برده على كل شكل و لون يعنى هتعيش فى المعمل ..

لو ركزت من اول السنة
و تابعت على خفيف كدة مش هتلاقى مشاكل

لو طنشت كالعادة و سيبته لغاية قبل الامتحان هتتورط لسبب بسيط

ان الوقت ده عتلاقى كل امتحانات العملى موجودة و هتبقى مسخرة ...
حاول تستفيد و تدخل نفسك فى المود علشان مترهمش على نفسك ..


____________

ازاى نذاكرها ....؟؟!!

علشان نكون واضحين الباثولوجى مادة وصف ايه اللى حصل

المايكرو مادة شرح ازاى حصل ..

يعنى فى المايكرو هنلاقى المسبب اللى هو الكائن
فى الباثوبوجى هنلاقى النتيجة اللى هى الشكل المرضى

على هذا الاساس يتضح لنا ان مذاكرة المايكرو للاسف زى مذاكرة الفسيولوجى

ان ان ان آآآآآآآآآآآآآآآآآآآآن

تاااااااااانى فيسيولوجى ..

مش اوى بس حاولوا تذاكروها بانتظام و فيه شرايط لدكتور مرعى ممكن تكون مساعدة

المحاضرات مهمة

المراجعة هاااااامة للغاية

و دكاترة المايكرو بأمانة احسن دكاترة فى السنة و خصوصا المعيدين و دكاترة السكاشن
غاااااااااااااااية فى الذكاء و التفانى بجد ..

___________

هنذاكر منين

بصوا بقى زى ما قلت فيه ثلاث كتب بتوع القسم

احسن كتاب قسم ممكن تمسكه فى ايدك

بجد لو حد من برة مصر الاجانب يعنى شافه اكيد هيرمى كتبهم و يمسك فيه ..
كتاب معمول بعناية خااااااااااااصة ..

بأمانة منمق و دقيق

الشرح بأسلوب سهل و جميل

مفيش حواشى و لا تطويل ..

و احلى حاجة ممكن تقراها اصلا احسن من اى كتاب اجنبى ..
( يا بختكوا )

شرايط دكتور مرعى مفيدة للشرح النظرى و العملى برده

العملى فى آخر الكتاب الثالث ..

ال MCQ ملزمتين بينزلزا بالعدد بالحجز من القسم قبل كل امتحان MCQ

مفيش كلام تانى

ذاكروا انتوا بس وورونى شطارتكم

_____________

المحاضرات

المحاضرات فى المايكرو مهمة
و الدكاترة كويسين جدا

على رأسهم الممثل الاول للقسم ...

د / مرعى عبد العزيز مرعى

اهم واحد و اشهر واحد فى القسم
دكتور ممتااااااااااز جدا

شرحه جميل و ظريف و يوصلك للى عايزه بسهولة
اهم و الوحيد اللى بيدى دروس

بالنسبالى بقى فيه دكتور ... تقريبا استاذ او استاذ مساعد اسمه
د / اشرف

هو ده مستقبل المايكرو ... بجد تشرفت انه كان بيدينى فى السيكشن
شرحه هااااااااااااااااااااائل للصبح

و معظم الدكاترة كويسين
و فيه دكتورة اسمها دكتورة ايمان بتدى فى السكاشن شرحها رائع و اسلوبها جميل الصراحة بحسدكم على دكاترة المايكرو

__________

السكاشن

فيه سكشن واحد فى الاسبوع
و هيبقى فى الدور الارضى من قسم المايكرو

فين قسم المايكرو .......؟؟؟!!!

و انت داخل من باب اسنان اول قسم فى الطب هتلاقيه على ايدك الشمال
قدام مبنى المحاضرات

على طول بعد كافيتيريا سندس على ايدك الشمال

عموما لو انت جاى من باب اسنان الاولانى مش الرئيسى على ايدك الشمال برده هتلاقى مقاعد و ترابيزات كدة ...

دول بقى قدام المبنى

لو ملقيتهوش روح و متقلقش نفسك
مش حكاية يعنى
او اسأل و اللى يسأل ميتوهش ...

حاولوا نستفيدوا من السيكشن علشان متحتاجوش لدرس عملى فى آخر السنة
مع د / مرعى برده ..

لان فعلا القسم بيبذل مجهود فظيع لو لقيت نفسك ايز درس يبقى انت اللى مقصر فى حق نفسك ..

_______________

الدروس

طيب يا سيدى هنتكلم على الدروس ..

مفبش كلام كتير

لان اصلا مفيش غيره

د / مرعى ... وحش المايكرو

فى عمارة ثلاثة

قريبا بقى هتلاقوا دكتور اشرف بس لسة شوية ...

_______________

الدرجات


درجات المايكرو من 200

يعنى ازيد من البارا ب 50 درجة
و تقسيمها كالآتى

32 درجة تقريبا اعمال سنة ..
100 درجة تقريبا آخر السنة
30 درجة تقريبا عملى
20 درجة شفوى

الاباقى 18 درجة

ما بين امتحانين MCQ فى القسم تقريبا فى شهرى 3 / 5

و الباقى بحث و شوية كلام فارغ كدة

:smil ey8.

________________

ملخصات و شرايط و ملازم و مواقع تهمك

شوية كتب و ملخصات و شرايط ممكن تفيدك

بس متشتتش نفسك اهم حاجة تركز و انا عن نفسى بقولك بس ركز فى الكتاب
و اسمع شرايط

_______

( معظم اللينكات و المواقع منقولة عن موقع الدى فى دى العربى القسم الطبى الطلابى و الموضوع الاكثر من ممتاز للدكتورة منى .... احقاقا للحق )

virology videos
http://freevideolectures.com/Course/3022/Virology


http://ww35.alexmedonline.com/Default.asp
صورة

مشاركات: 3
اشترك في: الجمعة ديسمبر 29, 2017 6:56 am

Re: دليلك للفرقة الثالثة طب

مشاركةبواسطة theelix1 » الثلاثاء إبريل 02, 2019 9:35 am

تتكون علاجات الفيتادريب الخاصة بإليكسير من فيتامينات، معادن وأحماض أمينية التي توفر فوائد صحية رئيسية مثل: التخلص من السموم، تعزيز الطاقة والمناعة، تحسين المزاج، حرق الدهون والمزيد.
علاج الفيتامين الوريدي


العودة إلى ترحيب وتنوير حول دراسة الطب

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron