اول محاضره بايو كيمسترى

مشاركات: 11468
اشترك في: الخميس إبريل 04, 2013 10:28 pm

اول محاضره بايو كيمسترى

مشاركةبواسطة دكتور كمال سيد » الاثنين مارس 07, 2016 6:19 pm

بسم الله الرحمن الرحيم
أولاُ كده :
اهلاُ بيكم يا جماعه فى اولى طب و أشكر الدكتوره نور الأسلام على الموضوع ده ربنا يجعلوا فى ميزان حسناتها ......
بأذن الله يا شباب حتحبوا الكليه و الى بيحبها والى مش بيحبها ان شاء الله حيحبها بعد كده لأنها تستحق الحب ده .....................
ولازم تعرفوا ان الكليه بتدى لك على قد مابتدى لها و يمكن اكتر ...
يعنى هيا صحيح بتاخد كام سنه زياده من عمر دراستك الاوليه عن باقى زمايلك بس بتديك ايه ؟؟؟؟
لقب و مهنه من أشرف المهن الى موجوده على وجه البسيطه وباب كبيير ممكن تاخد منو حسنات كتييير جدا فأكيد يبقى مش خساره الكام سنه الزياده دول ......
دلوقت وبصفه عامه فيه أربع كلمات اعداء الطالب الشاطر
لو سمعتهم من حد أعرف ان ده بيثبط عزيمتك وحاول تنصحوا لو ماتنصحش ابعد عنو سنه أولى مش طالب حد يقلل عزيمه حد
أيــــه هما الاربع كلمات :
-صعبه
-مش فاهم
-مابعرفش أحفظ
-بنسى
مافيش صعب مع المذاكره الى لو بتثابر عليها حتفهم كل حاجه و بالتكرار لازم حتحفظ ولو رجعت بأذن الله مش حتنسى .........
وحتلاقى وقت لده كلو صدقونى ...شفتوا بسيطه أزاى
تخيل ان الذاكره دولاب سعته 100% لو حنملاه حنملاه أزاى
-5% من الى بنسمعوا
-15% من الى بنسمعوا و بنقراه

-50% من الى بنسمعوا ونقراه وبعدين نكتبوا
-باقى 30 % حيجى بالتكرار بأذن الله
ليه انا بقول كده ......................؟
عشان فى ناس كتير بتقول البايو صعبه ؟؟ ورخمه
بس انا بقولك لا
وانا طالبه زى زيكو ولسا عليا بايو تانى وبقولكو بجد مش صعبه
هيا بس ماده بتستفز كل طاقات المذاكره جوه الطالب وقدراتك على التحصيل
انتا حتسمع المحاضره بتركيز كده حطينا اول 5% وتروح تقراها فى نفس اليوم يبقى حطينا 15 % كمان بقى 20% ورقه وقلم وحتسمع وتذاكر بصوت عالى خلى الجيران يعرفوا ان فيه فى البيت طلبه طب كده كملنا 70% اخر الاسبوع تلم محاضراتك وتقراها كلها تانى كده ثبتت 100%
محتمل ماتلقيش وقت تمام بس من حكمه ربنا انو خلى البايو تلت ايام فى الاسبوع مافيش حجه بقى
ممكن ماتفهمش نقطه وارد جدا الجأ لأسرع الحلول
لو ليك زميل اكبر منك اسألوا او زميل ليك بعد المحاضره او الدكتور تانى يوم فى الكليه قبل المحاضره الجديده المهم ماتخدش محاضره جديده وعندك علامه استفهام عن المحاضره القديمه .....
كلمه كمان بتتقال واعترف انى كنت بقولها بردو ....
احنا بندرس البايو ليه .............؟
مع بعض كده نترجم الكلمه ترجمه حرفيه عشان نفهم معناها
BioChamistry
لا يا دكاتره مش صح فيه كلمه خطيره جدا قبلها الى هياmedical
يعنى حضراتكو حتدرسوا بأذن الله كل ما يتعلق بجسم الانسان من ناحيه الكيمياء الطبيه
احنا بنتكلم ايه .............عربى والهنود بيتكلموا ...........هندى طيب لو عايز تكلم واحد هندى بتعلم ايه ..........؟
بتكلموا بلغه مشتركه بينكم يأما حتروح تتعلم هندى لو ده متاح
الجسم بيتكلم بالكيمياء ومابيتكلمش غيرها وحضرتك حتتعامل مع الجسم وتشوف مشاكلو بعد كده ازاى حتحلها وانتا مش فاهم لغتو .......؟
لو عايز تروح بلد صغيره بتعمل ايه ؟
بتجيب خريطه كبيره عشان تفهم السكك الى توص للبلد الصغيره داanatomy
وبعدين خريطه تفصيليه صغيره عشان تعرف مكان البيوت والمحلات وده histo
و تسأل عن طريقه الحكم والمصالح الحكوميه وأزاى البلد دى ماشيه ده physiology
و تتعلم لغه البلد وهوا ده bio
يبقى بلاش كلمه ايه لزمتو ده ..................
وحنبتدى ان شاء الله نتعرف مع بعض على محتوى ماده البايو

_________________________________________

رغم انى عارفه ان البايو من المواد الى فيه اختلاف بين الجامعات فى محتواه التفصيلى انما محتواه العام واحد
بندرس اولا المواد الاكثر انتشاراً فى الجسم :-
الكربوهيدرات carbohydrate
الدهون lipids
البروتينات proteins
وكل حاجه منهم بنتعرف على عده نقاط فيها وهي:-
تعريف Definition
تقسيماتهم classifications
خصائصهم properties
فوائدهم functions
مشتقاتهم derivatives
واهميتهم الطبييه medical importance
وكمان حندرس نبذه عن physical chemistry وبالنسبه لشباب جامعه اليكس ده موضوع بيخلص فى اللذيذ كده فى سكشنين و غالبا ما بنمتحنش فيه اخر السنه لأنهم بيمتحنونا فيه فى السكشن امتحان بخمس دراجات وبتتجمع فى الاخر على المجموع الكلى للماده ...
وحبه معلومات عن nucleotide chemistry
الى اعتقد خدتم نبذه عنوا فى ثانوى
وحاجه كمان اسمها ROS
و ده اختصار لكلمه حنعرف معناها بعدين
بالأضافه الى enzymes ودى بناخدها على أعتبار انها اهم المواد الكيميائيه فى الجسم
نبدأ بأسم الله اول محاضره عندنا ..............

حنبتدى نتكلم عن الكربوهيدرات carbohydrateاحنا ليه بندرسها ........؟
سؤال جميل
احنا عندنا الدنيا كلها , CHOودا اختصار كيميائى للكربوهيدرات ممكن تستخدمه فى كتابه المحاضرات ...
الاول كده احد انواعه بيكون support
دعامه يعنى للنباتات ..... وبعضه بيستخدموا النبات ك reservoir
يعنى مخزون للغذاء بتاعو .... واحنا بناكل النبات يعنى فيه CHO
بتدخل جسمنا ...............
غير ان الجسم اساسا فيه نسبه سكريات ثابته فى الدم الى لو زادت بتعمل امراض زى
Galactosemia , diabetes mellitus
يبقى لازم ندرس cho عشان نعرف نعالج الامراض دى صح كده
نبتدى
Def .
One of most abundant organic substances
Carbo= Carbon atoms
Hydrate = water = H2O
Aldehyd or ketone derivatives of poly hydric alcohols or any substances derived from them .
يعنى ايه الكلام ده
احنا بنعرف الCHO
على اساس انو من اكتر المواد العضويه انتشارا يعنى ايه مركب عضوى ...؟
فيه كربون و اكسجين و هيدروجين
يعنى دلوقت CHO
متكونه من التلت مواد دول
حنفصص الاسم ونلاقى كلمه كربو = كربون
هيدرات = ماء
وده حيوضح لى نسبه الكربون للهيدروجين والاكسجين
1:2:1
بالترتيب
اما نحب نرسم الفورميلا بتاعتهم حنعملها ازاى ..........؟
على شكل كيتون او الدهيد
واكيد لسا فاكرين الشكل العام ليهم وبنحط فين الدبل بوند والكلام ده ....
يبقى نقرأ التعريف تانى
One of most abundant organic substances
Carbo= Carbone atoms
Hydrate = water = H2O
Aldehyd or ketone derivatives of poly hydric alcohols or any substances derived from them .
الCHO
ممكن نقسمهم Classification
ل:-
Mono Di Oligo Poly
ودى مصطلحات لاتينيه معناها
Mono=
احادى
Di =
ثنائى
Oligo =
عديد (اكتر من 2 واقل من عشره )
Poly =
متعدد (اكتر من 10 )
ونضيف كلمه كمان اسمها Saccharides
يعنى التسكر
بمعنى ان CHO
مكون من جزئ سكرى واحد حيكون اسمو Monosaccharide
او من جزيئيين سكريين حيكون اسمو disaccharides
الى اخره طبعا ......
ناخد بقى واحد واحده منهم
الأول
Monosaccharide
دا نوع من الكربوهيدرات الى احنا لسا معرفينها يبقى اول كلمه تتكتب فى تعريفو انو one of CHO
جميل جدا وهوا عباره عن جزئ واحد سكرى مش معنى اسمو انو احادى التسكر يعنى جزئ سكرى واحد يبقى صعب اننا نكسره =
Hydrolyses
يبقى نكون التعريف تانى مع بعض
One of CHO in it's simplest form can not be hydrolyses in more simple sugar
عشان نعرف نقسمو حنرجع لتعريف الكربوهيدرات نفسها لأنو ابسطها ....
قلنا قبل كده ان الكربةهيدرات يا بتاخد شكل aldhyed or ketone
يبقى ممكن نقسم الMonosaccharide
الى aldoses or ketoses
وبردو ذكرنا فى التعريف كلمه polyalcohol
يعنى بردو ممكن نقسمها حسب عدد ذرات atom
بتاعت الكربون ......
بس نحط فى بالنا ان اقل عدد كربونات ممكن يكون عندى هوا تلاته
ليه ...........؟
احنا لسا قايلين انو polyalcohol
ومافيش كحول اقل من تلت كربونات
طيب حنسميه أزاى ......
لأننا والحمد لله فى كليه الطب الى كل كلامها يا أما أغريقى او لاتينى فتعالو نعرف الارقام دى
1=uni
2=bie
3=trie
4=tetra
5=pent
6=hex
7=hepte
واى كلمه تنتهى ب OSE
نعرف على طول انها نوع من Sugars
يبقى اما احب اقول ان عندى سكر احادى التسكر مكون من تلت كربونات يبقى اسمو .............
تمام Trioses
طيب لو من خمسه يبقى .....pentoses
ولو من اتنين يبقى ....................
مش مركزين طبعا
مايبقاش................ اقل سكر عدد كربوناته تلاته

يتبع ان شاء الله
انتظروا باقى المحاضرات
صورة

العودة إلى biochemistry

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron