ثورة 18 ديسمبر 2018 وميلاد استقلال السودان الحقيقي

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الجمعة أغسطس 16, 2019 12:26 pm

قوي الحرية والتغيير

بيان

بخصوص إنهيار المفاوضات مع الجبهة الثورية وردآ علي البيان الذي هاجمت فيه قوي الحرية والتغيير بجارح العبارات

بنات وابناء شعبنا المنتصر
ظلت قوي الحرية والتغيير ومنذ بزوغ فجرها الاول تنتهج اسلوب الشفافية والوضوح في طريق تحقيق مطالب جميع فئات الشعب السوداني دون تميز او أفضلية او إرضاء فئة علي حساب اخري او الميول لفئة ومناصرتها دون البقية
وكان لهذا الاسلوب والطريقة القدح المعلي في ان. تصطف جميع فئات الشعب السوداني بكافة مختلفاته العرقية والاثنية والفكرية والعمرية. تحت مظلة. (قوي الحرية والتغيير )
والتي بدورها استطاعت بحنكة ودراية. قيادة هذا الجسم المتوحد وتوظيفه في إطاره الوطني الصحيح لبلوغ غاياته ونزولآ عند رغباته
فكانت الإ ستجابة وكان الخروج المليوني وكان الصبر والصمود والتحدي ومجابهة الصعاب قهرآ وإعتقالآ وتعذيبآ
وكانت النفوس المتعطشة للحرية والديموقراطية تكسر حاجز الخوف والحذر الذي ظل يخيم عليها عشرات السنين و تعلن النزال مع زبانية النظام التي لم يخطر ببالها هذا الصمود والعزيمة والتوحد
ثم كان الصمود الأعظم في باحة القيادة وكان التدافع والتفرغ للواجب الوطني ثم كان الحصاد و النجاح الذي نعتز ونتشرف أنه جري علي أيدي قوي الحرية والتغيير وتحت قيادتها
وكان من الطبيعي والمأمول أن تصبح قوي الحرية والتغيير الممثل الشرعي والقائد الرسمي لهذا العمل الثوري
للمحافظة عليه من تغول المتطفلين وأصحاب الأجندة الخاصة والمستثمرين في دماء ومعاناة الغلابة
بنات وأبناء شعبنا الأمجاد

الجبهة الثورية أنصارآ وقيادة داخل وخارج السودان جزء لا يتجزأ من النسيج الإجتماعي لهم ما لبقية كافة بنات وأبناء بقية الشعب وعليهم ما علي الآخرين من إلتزامات لا أفضلية او أحقية لأحد علي أحد في ظل دولة المساواة التي وضعنا حجر أساسها ولن نسمح لأحد بأن يبني عليه ما يخدم أجندته او اغراضه الجهوية والأثنية العنصرية البغيضة
أيها الاماجد
رغم إختلافنا مع الجبهة الثورية في سلك طريق العنف والسلاح وسيلة لنيل المطالب ورغم قناعتنا بأنه طريق فاشل لا جدوي منه ولن يحقق أبسط مقومات مطالب الشعب السوداني ولا يمثل كل قطاعاته مثلما لا تمثل الجبهة إلا 5%من قطاعات المجتمع السوداني
إلا اننا قبلنا بهم في بداية الأمر كشركاء في الهم الوطني آملين في إقناعهم بترك سبيل العنف والإنضمام لنا في طريق السلمية الذي اصطف حوله كل الشعب السوداني
إلا أنهم وقبل ان تجف دماء شهداءنا و دموع أمهاتهم ظهرت المصالح الشخصية و التكويش وفرض رأي و وجهة الأقلية وتمكين شوكتها علي حساب الاغلبية والتوجه العام
فكان ذلك فراق بيننا وبينهم
وبعد ان اصطف الوطنيون من بنات وأبناء الوطن. لتشكيل حكومة الشعب المدنية التي حصل عليها وفوض ممثليه لتشكيلها والتفاوض مع الآخرين من خارج جسم الثورة الرسمي لتشكيلها من كافة مكونات الشعب
كانت الجبهة الثورية أحد هذه الأطراف التي تطرقنا للجلوس والتفاوض معها بوساطات إقليمية ودولية كانت آخرها الوساطة المصرية

ولكن كما علمتم. كانت ولا زالت الجبهة عند مطامعها وفرض رؤيتها والإستحواز علي. أكبر قدر من ثمار مجهود و نضال الشعب السوداني دون وجه حق
وهذا ما جعلنا نقف سدآ منيعآ أمام مكتسبات الشعب السوداني وإعطائها لمن لا يستحق إرضاء وكسب ودآ وإغلاق مؤقت لباب مشكل كما كان يفعل النظام البائد
شعبنا المنتصر
إن إرادة الجبهة العمل بروح الوطنية والبناء من أجل وطن يسع الجميع دون النظر لفائدة او مصلحة مرجوة مقابل ذلك فايدينا مبسوطة لا حجر او منع. لأحد
ولكن إذا أصرت الجبهة علي محاولة فرض رؤيتها او مشروعها العنصري الأحادي فإننا لن نتقيد بإنتظارها وسنسير بقوة شعبنا ودعمه ومساندته حتي يبلغ غاياته وطموحاته
كما إننا لن نتهاون او نتقاعس عن حماية مكتسبات شعبنا وثورته المجيدة ولن نسمح بالعبث في إطار مسئولياتنا الوطنية والأمنية وما يشغلنا عن بناء الدولة السودانية
ولهذا ما بعده
-
-أحمد عمر أبشر
سكرتارية المكتب التنفيذي لقوي الحرية والتغيير
#الحكومة #المدنية# قائمة #في #موعدها
حراسة#مجهود#الشعب#
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الجمعة أغسطس 16, 2019 12:27 pm

الأمين العام للأمم المتحدة وثمانية رؤساء لحضور توقيع اتفاق السودان السبت

الخرطوم: الشرق الأوسط

يستعد السودان لأحد أكبر الأحداث في تاريخه الحديث، وهو توقيع الاتفاق بين «قوى إعلان الحرية» والمجلس العسكري الانتقالي؛ على وثيقة الإعلان السياسي، ووثيقة الإعلان الدستوري، اللتين تمهدان لإعلان تشكيل الحكومة، وبداية الفترة الانتقالية.

وسيتم التوقيع بعد غد (السبت)، في مراسم رسمية بحضور رؤساء ثماني دول على الأقل، والأمين العام للأمم المتحدة، ورئيس مفوضية الاتحاد الأوروبي، وقادة أفارقة وعرب وغربيين.

وعلمت «الشرق الأوسط» أن من بين رؤساء الدول الثمانية، الرئيس المصري عبد الفتاح السيسي، بصفته رئيس الاتحاد الأفريقي، ورئيس الوزراء الإثيوبي آبي أحمد، والرئيس الكيني أوهورو كنياتا، والأوغندي يوري موسيفيني، والرئيس التشادي إدريس ديبي، إلى جانب رئيس مفوضية الاتحاد الأفريقي موسى فقيه.

وتوقع المصدر أن يشارك في مراسم التوقيع كل من الأمين العام للأمم المتحدة أنطونيو غوتيريش، ورئيس مفوضية الاتحاد الأوروبي جان كلود يونكر، إلى جانب ممثل عن الخارجية الأميركية، ووزراء خارجية دول مجلس التعاون الخليجي الست، وشخصيات أخرى من القادة الخليجيين لم تُحدّد بعد.

وتبدأ مراسم الاحتفال باستقبال ضيوف البلاد في مطار الخرطوم، ليتم التوقيع عند الحادية عشرة صباحاً بتوقيت السودان، وكان المتحدث باسم المجلس العسكري الانتقالي شمس الدين الكباشي، قد ذكر، في وقت سابق، أن مراسم التوقيع ستُنقل للساحات الشعبية والميادين والأحياء التي تحمل دلالات الثوار، فيما تنظم قوى إعلان الحرية والتغيير «احتفالات شعبية» في أنحاء البلاد كافة، لم تكشف عن تفاصيلها بعد.

وبعد التوقيع النهائي، وبحسب الخريطة الزمانية لتشكيل الحكومة الانتقالية، يشهد يوم الأحد، 18 أغسطس (آب)، مراسم تعيين مجلس السيادة، وحل المجلس العسكري الانتقالي، فيما يؤدي المجلس المعيَّن اليمين الدستورية أمام رئيس القضاء، الاثنين المقبل، الذي يعقد خلاله مجلس السيادة أول اجتماعاته.

وفي 19 أغسطس، يعين مجلس السيادة رئيس مجلس الوزراء، الذي يؤدي اليمين الدستورية أمام رئيس القضاء والمجلس السيادي في اليوم التالي لتعيينه.

وتسلم «قوى إعلان الحرية والتغيير» رئيس الوزراء ترشيحاتها للحقائب الوزارية، وعلمت الصحيفة أنها رشحت لكل حقيبة ثلاثة أشخاص يختار رئيس الوزراء أحدهم ليعلن وزارته، في 28 أغسطس الحالي، ليعتمدها مجلس السيادة في اليوم التالي، وتؤدي اليمين الدستورية، نهاية الشهر، وتعقد الوزارة اجتماعها الأول.

وينتظر أن يشهد مطلع سبتمبر (أيلول) أول اجتماع مشترك بين مجلس الوزراء ومجلس السيادة، إيذاناً بانطلاق عملية السلام الشامل في السودان، وبداية عهد جديد في البلاد، ينهي دولة الحزب ويقيم دولة الوطن، وذلك بحسب ما نص عليه الإعلان الدستوري والإعلان السياسي.

الشرق الأوسط
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الجمعة أغسطس 16, 2019 12:27 pm

السيرة الذاتية لوزير المالية الجديد الدكتور إبراهيم أحمد البدوي عبد الستار

- تم انتخابه مؤخراً لمنصب المدير التنفيذي لمنتدى البحوث الاقتصادي للدول العربية وإيران وتركيا في يناير 2017.

- يشغل دكتور البدوي حالياً منصب مدير مركز السياسات والبحوث الاقتصادية بمجلس دبي الإقتصادي منذ مارس 2009؛

- قبل ذلك عمل خبيراً اقتصادياً رئيساً بمجموعة بحوث التنمية بالبنك الدولي الذي انضم إليه في عام 1989 وعمل فيه لما يقارب العشرين عاماً حتى العام 2009.

- تخرج في كلية الاقتصاد جامعة الخرطوم بمرتبة الشرف الأولى في الاحصاء والاقتصاد القياسي عام 1978 وعين مساعداً للتدريس بجامعة الجزيرة بواد مدني.

- أُبتعث الى الولايات المتحدة لمتابعة دراسته، حيث حصل على درجة الدكتوراه في الاقتصاد والإحصاء من جامعتي ولاية نورث كارولينا ونورث وسترن في العام 1983.

- عمل أستاذاً زائراً بجامعة نورث وسترن لمدة عام قبل عودته للسودان، حيث عمل بجامعة الجزيرة أستاذاً للاقتصاد والاحصاء وايضاً أستاذاً زائراً في كلية الاقتصاد ومعهد أبحاث النمو بجامعة ييل الأمريكية.

- أثناء عمله بالبنك الدولي أنتدب لمجموعة البحوث الاقتصادية مديراً لإدارة البحوث الاقتصادية خلال الفترة من 1993-1998.

- بعد عودته للبنك الدولي تولى تنسيق وقيادة عدة مشاريع هامة، منها إعداد تقرير "هل يمكن أن تتصدر أفريقيا القرن الواحد وعشرين"، أبحاث مناخ الاستثمار وأداء المنشئات الصناعية وأبحاث اقتصادات الحروب الأهلية وبناء السلام.

- أيضاً كخبير في أبحاث السلام وإعادة بناء اقتصادات ما بعد الحروب الأهلية اسندت إليه مهمة منسق السياسات الاقتصادية للمجتمع الدولي لبرنامج إعادة الإعمار في إطار إتفاقية السلام السودانية، حيث اضطلع بمهام إعداد التقارير، وورش العمل والتدريب، بالإضافة الى رئاسة لجنة الخبراء التابعة لمفوضية تعبئة وتخصيص الموارد السودانية خلال الفترة الانتقالية بعد توقيع إتفاقية السلام السودانية (2004-2008).

- تتركَّـــز أبحاث دكتور إبراهيم البدوي في أربعة مجالات تشمل:

* محدِّدات النموِّ الاقتصادي، وسياسات الاقتصاد الكلّـِى، بما في ذلك نظم أسعار الصرف، وأسعار الصرف الحقيقية، والقدرة التنافسيَّة للاقتصاد الكلي، والاقتصاد الكلي لإدارة النفط والتنويع الاقتصادي؛

* الحروب الاهلية والنزاعات وتحوُّلات ما بعد الحروب وبناء السلام؛

* فعالية العون الاقتصادي الأجنبي والشراكة من أجل التنمية؛

* ومناخ الاستثمار وأداء الصادرات.

- حتى الآن حرَّر أثنى عشر كتاباً وطبعات خاصة لمجلات علمية محكٌمة، فضلا عن نشر حوالي 90 مقالًا أو فصلاً في المجلات العلمية المحكٌمة والكتب. أيضاً ساهم في تحكيم عددٍ كبيرٍ من الاوراق وأطروحات البحوث الاكاديمية بالإضافة الى العمل في هيئات تحرير مجلات علمية، مثل مجلة الشرق الاوسط للتنمية.
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الثلاثاء أغسطس 20, 2019 6:04 pm

من أجمل ما قرات فى وصف البشير وهو فى سدة الحكم
#ود طه#

هﻞ ﺗﻌﻠﻢ ﻳﺎ ﻋﻤﺮ ﺍﻟﺒﺸﻴﺮ ﺍﻧﻚ ﻋﻨﺪﻣﺎ ﺍﺗﻴﺖ ﺍﻟﻲ ﺍﻟﺴﻠﻄﺔ ﻟﻴﻼ ﻋﻠﻲ ﻇﻬﺮ ﺩﺑﺎﺑﺔ ﺻﺒﻴﺤﺔ ﺍﻟﺜﻼﺛﻴﻦ ﻣﻦ ﻳﻮﻧﻴﻮ ﻋﺎﻡ :1989
ﺑﺎﻧﻪ ﻟﻢ ﻳﻜﻦ ﻫﻨﺎﻙ ﻓﻴﺴﺒﻮﻙ؟
ﻭﻟَﻢ ﻳﻜﻦ ﻫﻨﺎﻙ ﻭﺍﺗﺴﺎﺏ؟
ﻭﻟَﻢ ﻳﻜﻦ ﻫﻨﺎﻙ ﻗﻮﻗﻞ ﻭﻻ ﻳﻮﺗﻴﻮﺏ ﻭﻻ ﺍﻧﺴﺘﻐﺮﺍﻡ؟
ﻭﻟَﻢ ﻳﻜﻦ ﻫﻨﺎﻙ ﺇﻧﺘﺮﻧﺖ ﻭﻻ www ﺑﺎﻷﺳﺎﺱ ؟
ﻭﻟَﻢ ﺗﻜﻦ ﻫﻨﺎﻙ ﻗﻨﻮﺍﺕ ﻓﻀﺎﺋﻴﺔ ؟
ﻭﺍﻥ ﺍﻟﻤﺮﻳﺦ ﻟﻢ ﻳﻜﻦ ﻗﺪ ﻓﺎﺯ ﺑﻜﺎﺱ ﻣﺎﻧﺪﻳﻼ ﺑﻌﺪ؟
ﻭﺍﻥ ﻣﺎﻧﺪﻳﻼ ﻧﻔﺴﻪ ﻛﺎﻥ ﻓﻲ ﺍﻟﺴﺠﻦ ﺛﻢ ﺣﻜﻢ ﺍﻟﺒﻼﺩ ﺛﻢ ‏( ﺍﻋﺘﺰﻝ ‏) ﺛﻢ ‏( ﺍﻋﺘﺰﻝ ﻣﻦ ﺍﻻﻋﺘﺰﺍﻝ ‏) ﻛﻤﺎ ﻗﺎﻝ ﻋﻠﻲ ﻟﺴﺎﻧﻪ ﺛﻢ ﻣﺮﺽ ﺛﻢ ﻣﺎﺕ ﻭﺍﻧﺖ ﻓﻲ ﺍﻟﺤﻜﻢ؟
ﻭﺍﻥ ﻣﺎﻧﺪﻳﻼ ﺧﻠﻔﻪ ﺍﺭﺑﻌﺔ ﺭﺅﺳﺎﺀ ﻭﺍﻧﺖ ﻻ ﺯﻟﺖ ﻓﻲ ﺍﻟﺤﻜﻢ؟
ﻫﻞ ﺗﻌﻠﻢ ﺑﺎﻥ ﻧﺎﻣﻴﺒﻴﺎ ﻛﺎﻧﺖ ﻣﺤﺘﻠﺔ ﻣﻦ ﺟﻨﻮﺏ ﺍﻓﺮﻳﻘﻴﺎ؟
ﻭﺍﻥ ﺟﻤﻬﻮﺭﻳﺔ ﺍﻟﺘﺸﻴﻚ ﻛﺎﻧﺖ ﺟﺰﺀﺍ ﻣﻦ ﺗﺸﻴﻜﻮﺳﻠﻮﻓﺎﻛﻴﺎ؟
ﻭﺍﻥ ﺍﻟﺒﻮﺳﻨﺔ ﻭﺍﻟﻬﻴﺮﺳﻚ ﻭﻛﺮﻭﺍﺗﻴﺎ ﻭﺳﻠﻮﻓﻴﻨﻴﺎ ﻛﺎﻧﺖ ﺟﺰﺀﺍ ﻣﻦ ﻳﻮﻏﻮﺳﻼﻓﻴﺎ؟
ﻭﺍﻥ ﺍﻻﺗﺤﺎﺩ ﺍﻟﺴﻮﻓﻴﺘﻲ ﻛﺎﻥ ﻣﻮﺟﻮﺩﺍ ﺛﻢ ﺗﻔﺘﺖ ﺍﻟﻲ ﺧﻤﺴﺔ ﻋﺸﺮ ﺩﻭﻟﺔ؟
ﻭﺍﻥ ﺍﺭﻳﺘﺮﻳﺎ ﻛﺎﻧﺖ ﺟﺰﺀﺍ ﻣﻦ ﺍﺛﻴﻮﺑﻴﺎ؟
ﻭﺍﻥ ﺃﻟﻤﺎﻧﻴﺎ ﻟﻢ ﺗﻜﻦ ﻣﻮﺣﺪﺓ ﻭﺍﻥ ﺣﺎﺋﻂ ﺑﺮﻟﻴﻦ ﻟﻢ ﻳﻜﻦ ﻗﺪ ﻫﺪﻡ ﺑﻌﺪ؟
ﻭﺍﻥ ﺍﻟﻤﺠﺮ ﻭﺍﻟﻨﻤﺴﺎ ﻛﺎﻧﺘﺎ ﻣﻔﺼﻮﻟﺘﻴﻦ ﺑﺴﻮﺭ ﻋﺎﺯﻝ؟
ﻫﻞ ﺗﻌﻠﻢ ﺑﺎﻥ ﺍﻛﺜﺮ ﻣﻦ ﺍﺭﺑﻌﺔ ﻭﺛﻼﺛﻴﻦ ﺩﻭﻟﺔ ﺟﺪﻳﺪﺓ ﻧﺸﺄﺕ ﻭﺍﺳﺘﻘﻠﺖ ﻓﻲ ﻋﻬﺪﻙ ﻭﺍﻥ ﺳﻜﺎﻥ ﺍﻟﻌﺎﻟﻢ ﺯﺍﺩﻭﺍ ﺑﻤﻠﻴﺎﺭﻳﻦ ﻭﻧﺼﻒ ﺍﻟﻤﻠﻴﺎﺭ؟
ﻫﻞ ﺗﻌﻠﻢ ﺑﺎﻥ ﺍﻣﺮﻳﻜﺎ ﺣﻜﻤﻬﺎ ﻓﻲ ﻋﻬﺪﻙ ﺟﻮﺭﺝ ﺑﻮﺵ ﺍﻷﺏ ﻭﺍﻻﺑﻦ ﻭﺑﻴﻞ ﻛﻠﻴﻨﺘﻮﻥ ﻭﺑﺎﺭﺍﻙ ﺍﻭﺑﺎﻣﺎ ﻭﺩﻭﻧﺎﻟﺪ ﺗﺮﻣﺐ؟
ﻭﺍﻥ ﺭﻭﺳﻴﺎ ﺣﻜﻤﻬﺎ ﻓﻲ ﻋﻬﺪﻙ ﻣﻴﺨﺎﺋﻴﻞ ﻏﻮﺭﺑﺎﺗﺸﻮﻑ ﻭﺑﻮﺭﻳﺲ ﻳﻴﻠﺘﺴﻦ ﻭﺩﻳﻤﻴﺘﺮﻱ ﻣﻴﺪﻓﻴﺪﻭﻑ ﻭﻓﻴﻼﺩﻳﻤﻴﺮ ﺑﻮﺗﻴﻦ ‏( ﻣﺮﺗﻴﻦ ‏) ؟
ﻭﺍﻥ ﺑﺮﻳﻄﺎﻧﻴﺎ ﺗﻌﺎﻗﺐ ﻋﻠﻲ ﺭﺋﺎﺳﺔ ﻭﺯﺭﺍﺋﻬﺎ ﻣﺎﺭﻏﺮﻳﺖ ﺗﺎﺗﺸﺮ ﻭﺟﻮﻥ ﻣﻴﺠﺮ ﻭﺗﻮﻧﻲ ﺑﻠﻴﺮ ﻭﻏﻮﺭﺩﻭﻥ ﺑﺮﺍﻭﻥ ﻭﺩﻳﻔﻴﺪ ﻛﺎﻣﻴﺮﻭﻥ ﻭﺗﻴﺮﻳﺰﺍ ﻣﺎﻱ؟
ﻭﺍﻥ ﺍﻳﺮﺍﻥ ﺣﻜﻤﻬﺎ ﻋﻠﻲ ﺧﺎﻣﺌﻨﻲ ﻭﺍﻛﺒﺮ ﻫﺎﺷﻤﻲ ﺭﻓﺴﻨﺠﺎﻧﻲ ﻭﻣﺤﻤﺪ ﺧﺎﺗﻤﻲ ﻭﻣﺤﻤﻮﺩ ﺍﺣﻤﺪﻱ ﻧﺠﺎﺩ ﻭﺣﺴﻦ ﺭﻭﺣﺎﻧﻲ ﻓﻲ ﻋﻬﺪﻙ؟
ﻭﺍﻥ ﻛﺎﺱ ﺍﻟﻌﺎﻟﻢ ﺍﻟﺬﻱ ﻳﻘﺎﻡ ﻛﻞ ﺍﺭﺑﻌﺔ ﺃﻋﻮﺍﻡ ﻗﺪ ﻃﺎﻑ ﻋﻠﻲ ﺇﻳﻄﺎﻟﻴﺎ ﻭﺍﻟﻮﻻﻳﺎﺕ ﺍﻟﻤﺘﺤﺪﺓ ﻭﻓﺮﻧﺴﺎ ﻭﻛﻮﺭﻳﺎ ﻭﺍﻟﻴﺎﺑﺎﻥ ﻭﺃﻟﻤﺎﻧﻴﺎ ﻭﺟﻨﻮﺏ ﺍﻓﺮﻳﻘﻴﺎ ﻭﺍﻟﺒﺮﺍﺯﻳﻞ ﻭﺭﻭﺳﻴﺎ؟
ﻭﺍﻥ ﺍﻟﻄﺐ ﻟﻢ ﻳﻜﻦ ﻗﺪ ﻋﺮﻑ ﺑﻌﺪ ﺍﻻﺳﺘﻨﺴﺎﺥ ﻭﻟَﻢ ﻳﻜﻦ ﻫﻨﺎﻟﻚ ﻣﺼﻞ ﻻﻟﺘﻬﺎﺏ ﺍﻟﻜﺒﺪ؟
ﻭﺍﻥ ﻛﺮﻳﺴﺘﻴﺎﻧﻮ ﺭﻭﻧﺎﻟﺪﻭ ﻛﺎﻥ ﻋﻤﺮﻩ ﺍﺭﺑﻌﺔ ﺃﻋﻮﺍﻡ ﻭﻟﻴﻮﻧﻴﻞ ﻣﻴﺴﻲ ﻋﺎﻣﺎﻥ ﻓﻘﻂ ﻭﻛﻼﻫﻤﺎ ﻋﻠﻲ ﺑﻮﺍﺑﺔ ﺍﻻﻋﺘﺰﺍﻝ؟ ﻭﺍﻥ ﻫﺎﺭﻱ ﻛﻴﻦ ﻫﺪﺍﻑ ﻛﺎﺱ ﺍﻟﻌﺎﻟﻢ ﺍﻷﺧﻴﺮ ﻟﻢ ﻳﻜﻦ ﻗﺪ ﻭﻟﺪ ﺑﻌﺪ؟
ﻫﻞ ﺗﻌﻠﻢ ﺑﺎﻥ ﻣﺎﺭﻙ ﺯﻭﻛﺮﺑﻴﺮﻍ ﻣﺨﺘﺮﻉ ﺍﻟﻔﻴﺴﺒﻮﻙ ﻧﻔﺴﻪ ﻛﺎﻥ ﻋﻤﺮﻩ ﺧﻤﺴﺔ ﺃﻋﻮﺍﻡ ﺣﻴﻦ ﺃﺗﻴﺖ ﺍﻟﻲ ﺍﻟﺴﻠﻄﺔ؟
ﻫﻞ ﺗﻌﻠﻢ ﺑﺎﻧﻪ ﻟﻢ ﻳﻜﻦ ﻫﻨﺎﻙ ﺭﺋﻴﺲ ﻗﺒﻠﻚ ﻟﻪ ﺣﺰﺑﺎﻥ ﻭﺯﻭﺟﺘﺎﻥ ﻭﻗﺼﺮﺍﻥ ﺟﻤﻬﻮﺭﻳﺎﻥ ﻭﺳﻠﻤﺎﻥ ﺗﻌﻠﻴﻤﻴﻴﺎﻥ ﻭﺗﻮﻗﻴﺘﺎﻥ ﻭﻋﻤﻠﺘﺎﻥ ﻭﺟﻴﺸﺎﻥ ﻭﺩﻭﻟﺘﺎﻥ؟
ﻫﻞ ﺗﻌﻠﻢ ﺑﺄﻧﻚ ﻓﻲ ﻋﻬﺪﻙ ﺷﻴﻌﺖ ﺷﻴﺦ ﺍﺑﻮﺯﻳﺪ ﻭﺷﻴﺦ ﺍﻟﻬﺪﻳﺔ ﻭﺷﻴﺦ ﺻﺎﺩﻕ ﻋﺒﺪﺍﻟﻠﻪ ﻋﺒﺪﺍﻟﻤﺎﺟﺪ ﻭﺷﻴﺦ ﻣﺤﻤﺪ ﺳﻴﺪ ﺣﺎﺝ؟
ﻭﺃﻧﻚ ﺷﻴﻌﺖ ﺍﻟﻨﻤﻴﺮﻱ ﻭﺍﻟﺘﺮﺍﺑﻲ ﻭﻣﺤﻤﺪ ﺍﺑﺮﺍﻫﻴﻢ ﻧﻘﺪ ﻭﻓﺎﻃﻤﺔ ﺍﺣﻤﺪ ﺍﺑﺮﺍﻫﻴﻢ؟
ﻭﻫﻞ ﺗﻌﻠﻢ ﺑﺎﻥ ﺍﺣﻤﺪ ﺍﻟﺠﺎﺑﺮﻱ ﻭﺧﻮﺟﻠﻲ ﻋﺜﻤﺎﻥ ﻭﺳﻴﺪ ﺧﻠﻴﻔﺔ ﻭﺯﻳﺪﺍﻥ ﺍﺑﺮﺍﻫﻴﻢ ﻭﻋﺜﻤﺎﻥ ﺣﺴﻴﻦ ﻭﺇﺑﺮﺍﻫﻴﻢ ﻋﻮﺽ ﻭﻣﺼﻄﻔﻲ ﺳﻴﺪ ﺍﺣﻤﺪ ﻭﻣﺤﻤﺪ ﻭﺭﺩﻱ ﻭﺍﻻﻣﻴﻦ ﻋﺒﺪﺍﻟﻐﻔﺎﺭ ﻭﻧﺎﺩﺭ ﺧﻀﺮ ﻭﻣﺤﻤﻮﺩ ﻋﺒﺪﺍﻟﻌﺰﻳﺰ ﻭﺍﻟﻔﺎﺿﻞ ﺳﻌﻴﺪ ﻭﻟﻴﻠﻲ ﺍﻟﻤﻐﺮﺑﻲ ﻭﺍﺣﻤﺪ ﺳﻠﻴﻤﺎﻥ ﺿﻮ ﺍﻟﺒﻴﺖ ﻭﺍﻟﻔﺎﺗﺢ ﺍﻟﺼّﺒﺎﻍ ﻭﺍﻟﻄﻴﺐ ﺻﺎﻟﺢ ﻭﻋﺒﺪﺍﻟﻠﻪ ﺍﻟﻄﻴﺐ ﻭﻓﺮﺍﺝ ﺍﻟﻄﻴﺐ ﻛﺎﻧﻮﺍ ﺍﺣﻴﺎﺀ ﻳﺮﺯﻗﻮﻥ ﻗﺒﻞ ﺩﺧﻮﻟﻚ ﺍﻟﻘﺼﺮ؟
ﻫﻞ ﺗﻌﻠﻢ ﺑﺎﻥ ﻛﺎﺗﺐ ﻫﺬﻩ ﺍﻟﺴﻄﻮﺭ ﻳﻮﻡ ﺍﻧﻘﻼﺑﻚ والداه لن يفكرا في الزواج اصلا وهو الان في عمر التاسعه عشر
ﻫﻞ ﺗﻌﻠﻢ ﺑﺄﻧﻚ ﺗﻨﺘﻮﻱ ﺍﻟﺘﺮﺷﺢ ﻟﺪﻭﺭﺓ ﺭﺋﺎﺳﻴﺔ ﺟﺪﻳﺪﺓ ﻣﺪﺗﻬﺎ ﺧﻤﺲ ﺳﻨﻮﺍﺕ؟
ﻫﻞ ﺗﻌﻠﻢ ﺑﺄﻧﻚ ﺍﻛﺒﺮ ﺷﺠﺮﺓ ﺣﺴﻜﻨﻴﺖ ﻓﻲ ﺍﻟﺴﻮﺩﺍﻥ؟
ما بتمرض ساي؟
قحه ؟ إسهال ؟ نزله ؟ ملاريا ؟ ايدز ؟ سل ؟ سرطان ؟
ﻫﻞ ﺍﻧﺖ ﺩﻳﻨﺎﺻﻮﺭ
ﻭﻻ ﻣﺼﺎﺹ ﺩﻣﺎﺀ ﻭﻻ ﺣﻨﻜﻚ ﺷﻨو
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الثلاثاء أغسطس 20, 2019 6:06 pm

حباً وكرامة
علي الكوباني
ملاحظات على دفتر حفل التوقيع وعرس السودان..
ـ اول شي الحمد لله على بداية مشوار المدنية ومبرووك يا أهلي الطيبين والله تستاهلوا الافراح بالزيادة..وربي يرحم شهداء الثورة ..وما ننسى انو المدنية اتمهرت بالدم الغالي والارواح العزيزة..
ـ اول ملاحظة في الحفل ان السادة اعضاء المجلس العسكري الانتقالي كانت وشوشهم كعبة شديد..اي والله كالحة جدا ..(عاملين زي الزول الشامي ليهو عفنة)وزي القاعدين في بيت بكا في اغلب اللحظات والابتسامات يوك وبالتلتلة..والبرهان وشو ضعف شديد جدا..ما عارف ده من الهم..ولا عليه مراجعة الطبيب والسكري..غايتو حميدتي عامل انا الصابر عليك يا هم ومجلد وشو..والغريبة صلاح عبد الخالق مفروض يعرف انو الزول لمن تكون امكانيات وشو ضعيفة جدا عليه بالابتسام وفرد الوش..لانو التكشيرة بتزيد الكرفسة وبتزيد المرارة..
عموما السادة العساكر عاملين زي ام العروس الما قبلانة بالعريس..يا ربي يكون من اثر تقليص السلطات المطلقة الجاي ده ولا من المدنية..بِس
ـ ناس قوى الحرية والتغيير كانوا مفرهدين بالابتسامات الانيقة على الشفاه..
ـ بعدين كونوا الولد الاشم ناجي الاصم يلقى ذلك الخطاب القوي الجميل..ده حيسبب طمام وخمة نفس وشحتفة وبرودة في الاطراف وألم في عضم الصاصويا لناس كتااار..غايتو ناس ق ح ت بقوا بتاعين مغارز..
ـ الرؤساء الافارقة كانوا فرحانين اكثر من باقي الضيوف..وأبي أحمد كان النجم الاول..وظهرت محبة اهلنا له ولاثيوبيا بالترحيب الحار والصفقة فوق والوقفة ليك يا أبي احمد ..حتى جات بعدها تحية رئيس وزراء مصر وكانت باهتة جدا..ياااخ فعلا باين زمن الغتغتة والدسديس انتهى..
ـ للاسف منظمي الحفل فيهم شي كتير من الكوزنه..والاحتفال كان ناقص بس يجي بشه يرقص والجماعة يهزوا برفع الاصبع السبابة فوق..معقول يااخ
ـ للاسف تم قتل (يا شعبا لهبك ثوريتك) رائعة شاعر الشعب محجوب شريف وهرم افريقيا محمد وردي رحمهم الله..من كل نواحي الاداء والمزك..ويا ريت لو كان جابوا النشيد الاصلي بصوت وردي..
ـ بالامس الموهوم عبد الحي يوسف وهو في غيه المتواصل والتجارة بالدين..دعى وتمنى امنية سيئة بأن يحدث الله امرا يمنع التوقيع على وثيقة الحرية والمدنية ..والحمد لله ربنا اكرم شعب السودان وتم التوقيع..بس لازم ناس الحكومة المدنية يخلوا بالهم للدبايب دي عموما..
ـ اخيرا نرجوا بعد كده من الكيزان ان يستكينوا ..ويرقدوا على بطنهم براحة ويرخوا اجسامهم عشان بنسلين المدنية يمشي فيهم..
مدنيييياااووو
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الثلاثاء أغسطس 20, 2019 6:11 pm

*طلب متواضع جدا لجميع السودانيين .
*
أرسل هذه الرسالة على الأقل إلى خمسة أشخاص واطلب منهم إرسالها إلى خمسة أشخاص آخرين والاستمرار في السلسلة * _

1- لا ترمي النفايات على الطرق و الشوارع *

2- لا تبصق على الطرق والجدران *

3- لا تكتب على الجدران وعلي العملة *

4- لا تسيئوا وتهينوا الآخرين *

5- اقتصد في استهلاك الماء والكهرباء *

6- ازرع شجرة*

7- اتبع قواعد المرور *

8- اعتن بوالديك وأهلك ، وراع جيرانك

9- احترم المراة *

10- أفسح الطريق لسيارة الإسعاف *

ساعد الآخرين واعطِ المحتاجين

علينا أن نغير أنفسنا اولاً وليس البلد.

بمجرد أن نغير أنفسنا ستتغير الدولة تلقائيًا.

إذا كنا نريد لأطفالنا أن يعيشوا في بيئة نظيفة وآمنة ، فتعهد باتباعها في حياتك اليومية. *

✴ لا يمكن لأي زعيم تغيير البلد لوحده ،!!!

*فأنت وأنا ونحن وهم وكلنا - من يستطيع تغيير أمتنا الحبيبة ، من خلال تغيير أنفسنا *
*
يُرجى إرسال هذه الرسالة إلى كل صديق وكل مجموعة حتى تصل إلى كل مواطن سوداني .*
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الثلاثاء أغسطس 20, 2019 6:12 pm

قبل 30 يونيو 1989:

*عمر البشير ضابط جيش ساكن كوبر.
*عبدالله حمدوك /موظف في المالية.
*مولانا عبدالقادر /قاضي درجة أولى.
*مولانا محمد الحافظ /قاضي درجة أولى.
(حكمة ربنا بعد كده خلت بشة رئيس و الجماعة الباقين يا نزلوهم صالح عام و لا قدموا إستقالتهم).

-بعد 30 سنة:
*بشة قطع شارع كوبر و دخل السجن.
*عبدالله حمدوك/ رئيس وزراء.
*مولانا عبدالقادر/رئيس قضاء.
*مولانا محمد الحافظ/ نائب عام.

-الشعب السوداني ما عمل ثورة بس ديل عملوا إعادة ضبط المصنع عدييييل

#حكومةإنتقاليةمدنية
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الثلاثاء أغسطس 20, 2019 7:03 pm

الآخوة الكيزان ...

من كان يحب الموتمر الوطني.
فإن الموتمر الوطني قد مات.
و من كان يحب السودان فإن السودان حي في قلوبنا لا و لن يموت.
فإنا قد ولينا عليكم و لسنا بخيركم
فإن رأيتمونا على حق فساعدونا بالسكات.
و إن رأيتمونا على باطل فأهجروا البلاد فإن أرض الله وااااااسعه.
قشة ما تعتر ليكم.

#مدنيااااااااااااااااااااااااااو

صورة

صورة

صورة
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الجمعة أغسطس 23, 2019 7:26 pm

كلاااام حاااار جدااااا

كتب //////
د احمد طيب ابراهيم استشاري جراحة الكلي والمسالك

21/8/2019

((( فقعتونا ياخي )))

حمدوك رفض
حمدوك وقع
حمدوك وصل
حمدوك وافق
حمدوك رجع
حمدوك في مطار الخرطوم
//////
يا اخوانا براحة علي الراجل وحيلكم عليه ما تحملوا الزول اكتر من طاقتو...
حمدوك دا جايكم رئيس وزراء يعني زي المايسترو مع ناس المزيكا... و نحن الشعب حنكون العازفين عشان كدا لو ما لقي عازفين كويسين موسيقتة الفي رأسه دي إلا يبلها ويشربها....(( اقصد شهاداتة دي )).
حمدوك دا لازم قبل ما يمسك نحنا نكون عارفين مشكلتنا وين وهو لازم يعرفها معانا....
=== في ناس كتار متخيلين مشكلة السودان هي في الشهادات عشان كدا كل مرة يذكروك انه حمدوك دا عنده دكتوراة من وين و ما جستير من وين وكان شغال وين...كأنه الشهادات دي عصاة موسي...
__ يا جماعة عصاة موسي الممكن تغير السودان هو نحنا كلنا بشهاداتنا وبدون شهادات... متعلمين وأنصاف متعلمين وأميين ايضا ...
والنجاح دايما ما بيصنعه زول واحد لكن بيصنعوا الشعب كله....
طيب المشكلة وين ؟؟؟
واحد ممكن يقول ليك المشكلة مافي قيادة نزيهة و واحد ممكن يقول ليك نحن شعب كعب و احد ممكن يقول ليك عشان ابتعدنا من الدين و واحد ممكن يقول ليك الحل في الشريعة والتاني يقول ليك الحل في العلمانية...
انا غايتو بقول ((( الحل في البل ))).... والبل الانا قاصده حاشرحه فيما بعد.
__ الناس البيقولوا المشكلة في القيادة انا بختلف معاهم لاننا غيرنا القيادة كم مرة و العقرب في نبليها و كل عام ترذلون.... حتي الكيزان لما جونا اعتبروا روحهم هم التغير الإلهي لإنقاذ السودان وربما لم يكون معظمهم فاسدين ولكنهم فسدوا مع السلطة ....وبعدين تاريخيا مافي قيادة اصدق من سيدنا عثمان بن عفان فهو (( أحد العشرة المبشرين بالجنة و تزوج بنتين من رسول الله ذو النورين ... و جهز جيش العثرة )).. ومع ذلك لم يكن عهده جيدا وكثرت فيه الثورات و النعرات و الفتن...
والناس البتقول الشعب كعب و ابتعد عن الله نرجع بيهم برضو لعهد سيدنا عثمان فقد كان الشعب هم الصحابة وخيرة من جالس رسول الله (( ص )). ومع ذلك شاركوا في الفتنة و مات سيدنا عثمان مقتولا بأيدي المسلمين...و هو يطبق حكم الشريعة وعلي الصحابة...
انا جبت التاريخ دا مش عشان أخوض في الفتنة وعشان بكرة ما يطلع واحد ويقول لي انت قصدت شنو و يبدأ يتخيل ويتخيل...
انا اعطيت نموزج لاصدق قائد هو سيدنا عثمان..
وأصدق شعب وهم الصحابة و افضل قانون و هو الشريعة الاسلامية...
وما زلت اقول ان الرسول ترك أمر الدنيا للاجتهاد و قد قال (( انتم أدري بشئون دنياكم ))..
__ سؤال مهم جدا البخلي شعب لا ديني شنو ما يكذب و ما يسرق و ما يظلم مواطن وما يعتدي علي المال العام و شعب مسلم يرتجي من الله الجنة ويخشي جهنم يفعل السبعة وذمتها؟
انا في رأي وطبعا دا رأي شخصي جدا هو غياب الشفافية و عدم المحاسبة وعدم تطبيق القانون أو تطبيقه بطريقة غير عادلة....
///////%%///////%
غياب الشفافية دي كدي نقيف فيها:
في السودان عندنا تستر علي كل الجرائم كبيرها وصغيرها ...و انت لو عارف زول سرق قدامك أو اعتدي علي مال عام أو حق عام ما بتمشي تبلغ المحكمة ...وما في زول بيمشي القسم يبلغ إلا إذا تم الاعتداء عليه شخصيا(( يعني لما الموضوع يبقي ليه في تولاته ))...
__نفترض الموضوع بقي ليك في تولاتك و انت في نقاش معاي شلت عكازي و فلقتك و مشينا القسم و المحكمة ماشة في جلساتها جلسة وجلستين بعد شوية بجونا ناس الصلح.....
طبعا ناس الصلح ديل عارفنك انت المظلوم عشان كدا بيلحوا انك لازم تعفيني وتشطب القضية...
اذا انت ما شطبتها حيحلف عليك خالك بالطلاق .. و لو أبيت بعد الحلف تخلي القضية مرة خالك الاصلا هو قنعان منها و احتمال ليه خمسة سنين ما وصلها واحتمال كبير تكون اشتكته لي ((( داليا الياس ...))) حتطلق ... وأولاد خالك حيقاطعوك...
__ تقوم انت تنسي مشكلتك وتبقي في مشكلة مرة خالك تعفيني و تكون اتفلقت و اتظلمت وعفيت مرغما لا بطل....
__ السلوك بتاع الجودية دا في انسان ارتكب جرم لو صغير او كبير يفترض يكون مرفوووووض. أو محدود جدا و لا جودية في الحق العام ..
(( دا البل الانا قاصده ))).
__ والكيزان ديل انا في رأي مجرمين لانه فيهم ناس سرقوا وافسدوا و الناس النزيهين منهم تستروا علي الفاسدين و التستر علي المجرم جريمة....
وانا زاتي مجرم لاني بعرف مجرمين كتااااار وما حصل اشتكيت فيهم وأحد ....
__ الشفافية اليومين دي ما صعبة اي انسان موبايله فيه كاميرا وممكن يصور حتي الملفات والمستندات...
لو في حد قطع الإشارة خطأ صوره وصور رقم سيارتة وخلي ناس الحركة يعرفوا والمواطنين يعرفوا لانه بعرض حياة الناس كلها للخطر...
__ بتاع الحركة البشيل رشوة صوره أو صور الخمسين جنيه البتديها ليه و امشي اشتكي بيقبضوه...
__ اي زول في مجاله عارف الحرامي بيسرق كيف ومتين و بياتو حيلة...
مافي زول ممكن يتجرأ ويخالف القانون لو عرف انه غلطته دي بتتصور وتجي تتناقش علي الملأ...
احكي ليكم قصة عايشتها في مستشفي الخرطوم...
__واحد موظف باع الأسانسير بتاع مستشفي الخرطوم و ما في زول عارف... الحرامي الاشترك معاه في الجريمة برضو شغال معانا في المستشفي هو الجاء بلغ المدير وقال للمدير نحنا سرقنا الأسانسير بتاع المستشفي ومعاي فلان وبعناه بتلاتة مليون ونص لمقاول في الأزهري ... وحسب الاتفاق يفترض يديني مليون ونص وهو يشيل الفين..
لكن ظلمني اداني خمسمائة الف جنيه فقط..
دي الخمسمائة الف حقتي و أرحكم اسجنونا...
إدارة المستشفي مشت و قبضوا المقاول ولقوه باع الأسانسير بخمسة وتلاتين مليون جنيه فقط وكان وقتها تمنه مليار ونص وقتها...
__ سألوه بعته لمنو
قال باعه لناس الخردة ولو قريب هسه بيكون برة السودان..
ولا الزول الرجع الخمسمائة و لا المقاول ولا الموظف السرق تم محاكمتهم..... كلهم تم تحويلهم الي مستشفي آخر./////////%
__ حمدوك يعمل مع موظفين زي ديل شنو... شهاداتة دي فيها حاجة زي دي ... حصل اشتغل في دولة فيها زول بيسرق اسانسير مستشفي
__ في صيادلة في بعض الصيدليات الحكومية الواحد فيهم ببيع الدواء بخمسمائة مليون بالنهار و بالمساء بطلع حق الأدوية الباعها وبرجع بدلها نفس كمية الادوية في الرف من جديد لكن من صيدلية خاااصة ..
يعني هو ما سرق الدواء لانه رجع بديله في الرف لكن حول القيمة المالية للبيع لجيبه الخاص وليس وزارة المالية...
ايوة دا ياهو نفس قانون التجنيب الكانت بتقوم بيه بعض مؤسسات الدولة يعني كان في تجنيب للمال العام عند بعض الموظفين وبعض المؤسسات ...
حمدوك حيعرف صيدلي زي دهاكيف...و حيحاسبه كيف نحنا المفترض ننشر الحاجات دي ...
الكاميرات الفي الموبايل وبتصوروا لينا بيها المزيعات والفنانات و بنطلون مني مجدي يفترض تصور الفساد..... (( ده نوع من البل الأنا قاصده))..
__ ما تصوروا لينا بناطلين الجينز و المؤهلات النسوية الانترنت متوفر و ال PVN ما خلت موقع إباحي ما فتحته...ربنا يجعله ليهم في ميزان سيئاتهم...
__ في أطباء بياخدوا نسب من الروشتة البتمشي الصيدلية و من بتاع الموجات ومن الاشعة ايوا هم ما كتار لكن لو في واحد بس من اليوم ورايح دا لازم يتصور....
__ بتاع المصنع بجيب اسطوانات الأوكسجين ويوزعها علي مخازن المستشفيات وممكن يغش مع امين المخزن في الفاتورة و عدد الاسطوانات دا لو أتصور(( نوع من البل ))..
__ ممكن تتخيلوا مكيف مكتبنا في مستشفي امدرمان جاء حرامي سرق الوحدة الخارجية و لف أسلاك الكهرباء بالشريط(( كتر خيرو عشان ما نتكهرب )) و شال المكيف ونحنا عندنا جيش من الحراس...
_ يا اخي ممكن تتخيلوا في ناس بتسرق اللمبات بتاعة عنابر المرضي ...وناس بتسرق حنفية الماسورة...
__ ديل ناس دايرين توعية قبل ما يتم محاسبتهم لانه بتاع الدفار لو عرف انه غشّ في عدد الاسطوانات بتاعة الأوكسجين يعني موت زول من عدم توفر الأكسجين..صدقني ما حيغش....
_ يا جماعة الحاجات الأنا كتبتها دي نموذج فقط وانتوا عارفين كمية من الممارسات المانزيهه دي(( و جبل الكحل هدنه المراويد ))...
يعني سواق لو غش في غيار زيت السيارة البكلف الف جنيه السيارة ممكن مكنتها تسيح و صاحبها يخسر مية الف جنيه......
الموضوع بصراحة أكبر من حمدوك وأكبر من عصاية موسي زاتها...
سيدنا موسي ومعاه العصا و هارون اخوه وهو برضو نبي لما قال لشعبه ندخل القدس ...
_ قالوا ليه لن ندخلها أن فيها قوما جبارين __ وربنا ما نصرهم ومعاهم موسي وهارون والعصا لأنهم ما كان عندهم ثقة بأنفسهم فكتب الله عليهم الذل والمسكنة...وساحوا في الأرض أربعين سنة...
__ في الأربعين سنة دي مات كل إنسان ما عنده ثقة في نفسه وولد جيل لبني إسرائيل كان جيل قوي وثق في نفسه اولا وليس في سيدنا موسي وانه لن يهزم وانهم هم الجبارين وليس من يحكمون القدس فدخلوا القدس بدون سيدنا موس وبدون عصاه وبدون هارون و بدون اي معجزة لأنهم هم المعجزة نفسها((( الشعب كان هو معجزة الله في الأرض )) ...
اخونا حمدوك:
لا تعتمد علي اي زول من جيلك ولا جيل الآباء (( دا جيل غتغتة وجيل باركوها وجيل عدوها....دا جيل كان يري في إزاحة الكيزان من السلطة معجزة و في الوقوف في وجههم مهلكة..... جيل أحبط الشباب لو لم ينتفض هؤلا الشباب الصغار لحكمتنا الإنقاذ مية سنة اخري ... ولسكت الشعب حتي لو وصل ثمن الرغيفة الواحدة مية مليون جنيه ... فهم يسلمونك الحكومة وسعر الرغيفة(( الف جنيه )) ايوا الف جنيه مما تعدون وليس مما يعد الكيزان ويقولوا ليك بجنيه ..
__ اخي حمدوك
المعجزة التي امامك هم هذا الجيل الواثق من نفسه فنحن جيل سُرقت ثلاثين سنه من اجمل ايام عمره و وقف عاجزا ينظر وينتظر الأقدار فماذا يمكننا أن نقدم غير النصح و التمني أن يعيش اولادنا في سودان يحكمه القانون ويعمه العدل و المساواة ..
__ أيها الشباب وجهوا كاميراتكم الي الفساد و طاقاتكم الي العمل وليكن لكل واحد منكم جدول اهداف خاص به ينجزه في الستة شهور القادمة...
وجدول أهداف جماعي مع بعضكم ايضا تنجزونه خلال الستة شهور القادمة فإنجاز مشروع واحد خلال ستة شهور لكل واحد منكم هو إنجاز ملايين المشاريع للوطن خلال فترة وجيزة وهكذا تنهض البلاد..

د احمد الطيب ابراهيم
استشاري جراحة الكلي والمسالك البولية
21/8/2019
صورة

مشاركات: 11230
اشترك في: الخميس إبريل 04, 2013 10:28 pm

Re: ثورة 18 ديسمبر 2018 وميلاد استقلال السودان الحقيقي

مشاركةبواسطة دكتور كمال سيد » الجمعة أغسطس 23, 2019 10:41 pm


أين اختفت زوجة عمر البشير معلومات صادمة عن وداد بابكر الهانم المليونيرة



معتز مطر يسخر من #حميدتي في "3 دقايق من الضحك المتواصل "


صورة
صورة

السابقالتالي

العودة إلى المنتدى السياسى

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 0 زائر/زوار

cron